Fréttablaðið - 15.10.2015, Qupperneq 64

Frumsýningar
The Walk
Ævintýra- og dramamynd
Aðalleikarar: Joseph
Gordon-Levitt, Charlotte Le
Bon og Ben Kingsley
Frumsýnd: 16.10.2015
IMDB 7,9 Rotten Tomatoes 86%
Pan
Fjölskyldu- og ævintýramynd
Aðalleikarar: Hugh Jackman,
Levi Miller, Rooney Mara,
Garrett Hedlund og Amanda
Seyfried.
Frumsýnd: 16.10.2015
IMDB 6,1/10
Rotten Tomatoes 25%
ÞresTir
Aðalhlutverk: Atli Óskar
Fjalarsson, Ingvar E. Sigurðsson,
Kristbjörg Kjeld, Pálmi Gests-
son, Rakel Björk Björnsdóttir og
Nanna Kristín Magnúsdóttir.
Frumsýnd: 16.10. 2015
IMDB 7,7/10
Dramamynd
Björn B. Björnsson kom til mín með hugmynd-ina um að gera þessa mynd. Við skrifuðum handritið en það leið
nokkuð langur tími þar til kom-
ist var í tökur. Það þurfti að telja
Jóhönnu á að taka þátt og fá vilyrði
frá Kvikmyndasjóði,“ segir Elísabet
Ronaldsdóttir sem einnig klippir
myndina.
Myndin hefst á landsfundi Sam-
fylkingarinnar og fylgst er með
þegar Árni Páll Árnason tekur við af
Jóhönnu sem formaður flokksins.
Í kjölfar formannsskiptanna lætur
Árni Páll af stefnu Jóhönnu sem
reynt hafði að knýja nýja stjórnar-
skrá í gegnum Alþingi. „Eins og vill
oft verða þegar maður skrifar hand-
rit að heimildarmynd þá ætluðum
við nú að lokaniðurstaðan yrði
önnur.“
Framleiðandi myndarinnar er
Reykjavík Films, tónlistin í mynd-
inni er eftir Tryggva M. Baldvinsson
og kvikmyndatöku annaðist Jón
Karl Helgason. „Við fengum Jón
Karl til að skjóta myndina. Bæði
er hann góður tökumaður og svo
hefur hann afskaplega þægilega
nærveru. Það skiptir miklu máli
þegar verið er að fylgja einhverjum
eftir á þennan hátt sem við gerum,“
segir Elísabet.
Er þetta fyrsta íslenska heim-
ildarmyndin sem fylgir stjórn-
málamanni í valdastöðu eftir á
umrótstímum. „Auðvitað hefði
verið stórfenglegt að fá að fylgjast
með stjórnarskrármálinu frá upp-
hafi. En við náðum þarna tæpum
þremur mánuðum. Við fáum að
heimsækja bakherbergi, bæði á
ríkisstjórnar- og flokksfundum,
auk þess að sitja inni á skrifstofu
hjá Jóhönnu og upplifa óritskoðuð
viðbrögð hennar þegar ýmislegt
dynur á.“
Auk þess að fylgja Jóhönnu
eftir síðustu mánuði í embætti er
stiklað á stóru yfir feril stjórnmála-
konunnar sem settist fyrst á þing
árið 1978 og sat óslitið til ársins
2013. Stjórnarskrármálið er aðalút-
gangspunktur myndarinnar, þó að
ýmis önnur mál hafi komið til kasta
Jóhönnu á þessum tíma sem tökur
stóðu yfir. „Ný stjórnarskrá var
Jóhönnu hugleikin og má ímynda
sér að hún hafi ætlað hana sem sína
arfleifð. Þannig má telja verkið til
tragedíu, þarna fer manneskja með
miklar væntingar og sterka sýn en
missir strax í upphafi tök á atburða-
rásinni.“
Tvö ár eru síðan tökum lauk en
í millitíðinni fór Elísabet erlendis
að klippa kvikmyndina John
Wick. „Ég þurfti að eiga fyrir salti í
grautinn.“ Hún segir jafnframt oft
erfitt að fá fullnægjandi styrk til að
gera heimildarmyndir hér á landi.
Heimildarmyndir þarfnast þolin-
móðs fjármagns því oft krefjast þær
langs tíma í bæði tökum og eftir-
vinnslu, jafnvel nokkurra ára ef vel
á að takast til. „Það þarf að styrkja
grunninn fyrir þetta mikilvæga
söguform. Við eigum fullt af góðum
heimildarmyndum en fjárhagslega
hefur þetta oft verið afgreitt sem
heimilisiðnaður.“
Elísabet segir að þó að umfjöll-
unarefni myndarinnar sé vissu-
lega pólitískt þá nái verkið út fyrir
ramma fréttaskýringar og mikið
sé lagt upp úr mannlegum sam-
skiptum og tilfinningum. „Ég upp-
lifi myndina alls ekki sem einhvers
konar flokkspólitíska árás á einn
eða neinn. Við erum þarna lítil fluga
á vegg að fylgjast með atburðarás
og út frá einu sjónarhorni,“ segir
hún og bætir við að vissulega sé
dramatík í myndinni, það liggi í eðli
sögunnar. „En trúverðugleikinn er
okkur mikilvægur og við lögðum
mikla áherslu á heiðarleika í allri
vinnslunni.“
„Sem lýðræðisríki ber okkur
skylda til að halda uppi samræð-
um um hvernig okkur finnst Alþingi
eiga að starfa og hvað við getum
gert til þess að bæta lýðræðið. Ég
treysti því að þetta verk okkar sé
veglegt innlegg í slíka umræðu.“
Jóhanna – síðasta orrustan verður
frumsýnd í Bíói Paradís á morgun
klukkan 20.00. gydaloa@frettabladid.is
Heimsóttu bakherbergi og upplifðu
óritskoðuð viðbrögð í ýmsum aðstæðum
Á morgun er heimildarmyndin Jóhanna – síðasta orrustan frumsýnd í Bíói Paradís. Myndin
segir frá síðustu mánuðum Jóhönnu Sigurðardóttur í embætti forsætisráðherra Íslands.
Björn B. Björnsson og Elísabet Ronaldsdóttir ásamt plakati myndarinnar Jóhanna - Síðasta orrustan. FRéttaBlaðið/VilhElm
Stilla úr heimildarmyndinni Jóhanna - síðasta orustan.
FÁRÁNLEGA
FLOTTUR PAKKI
FÁÐU ÞÉR
ÁSKRIFT
á 365.is
Aðeins 310 kr. á dag
365.is
Sími 1817
Vandað sjónvarpsefni og fjarskipti á frábæru verði
Með Skemmtipakkanum fylgja sex sjónvarpsstöðvar. Spennandi íslenskir og erlendir þættir,
kvikmyndir og vandað talsett barnaefni. Að auki fá áskrifendur internet, heimasíma, Stöð 2
Maraþon og aðild að Vild. Með því að greiða 1.990 kr. aukalega færðu endalaust tal og 1 GB í GSM.
1 5 . o k t ó b e r 2 0 1 5 F I M M t U D A G U r48 M e n n I n G ∙ F r É t t A b L A ð I ð
bíó