Fréttablaðið - 16.06.2017, Blaðsíða 6
Mikil mildi að hann komst sjálfur út
Á miðvikudag kviknaði í bíl á Kjalvegi, rétt fyrir ofan Sandá. Bíllinn endaði á hvolfi utan vegar. Þegar ökumaðurinn, sem var einn á ferð, var að koma sér
út úr bílnum varð hann var við eld og var heppinn að komast út af sjálfsdáðum því fljótlega varð bíllinn alelda. Um 40 kílómetrar eru að næstu slökkvi-
stöð og því lítið sem slökkviliðið gat gert þegar það kom á staðinn annað en að slökkva þann litla eld sem enn logaði. MYND/BRUNAVARNIR ÁRNESSÝSLU
VIÐSKIPTI LS Retail undirbýr máls-
höfðun gegn eiganda Norðurturns-
ins við Smáralind eftir að kröfu
hugbúnaðarfyrirtækisins um að
lógó þess yrði sýnilegt utan á bygg-
ingunni var hafnað. Harðar deilur
um merkingar á húsinu komu upp
eftir að Íslandsbanki flutti þangað
og ætlar LS Retail að leggja fram
kæru fyrir lok júní.
Þetta staðfestir Sigrún Dóra
Sævinsdóttir, rekstrarstjóri LS
Retail, og segir fyrirtækið fara fram
á að jafnræðis sé gætt varðandi
merkingar utan á húsinu. LS Retail
hafi ítrekað lagt fram málamiðl-
unartillögur sem hafi verið hafnað.
Íslandsbanki tilkynnti í apríl í
fyrra að höfuðstöðvar fyrirtækisins
yrðu fluttar frá Kirkjusandi í turn-
inn í Kópavogi. Tveimur mánuðum
áður hafði LS Retail gert tíu ára
leigusamning við Norðurturninn
hf. um fimm hæðir. Í nóvember í
fyrra greindi DV síðan frá óánægju
annarra leigutaka í húsinu með
ákvörðun stjórnarinnar um að
leyfa bankanum og engum öðrum
að setja lógó sitt á stigahús turnsins.
Bankinn hefði einnig farið fram á að
opinbert heiti byggingarinnar yrði
„Íslandsbankaturninn“.
Ríkharð Ottó Ríkharðsson, fram-
kvæmdastjóri Norðurturnsins, vildi
ekki tjá sig um málið þegar eftir því
var leitað. Að sögn Sigrúnar Dóru
hefur Norðurturninn beitt fyrir sig
ákvæði í leigusamningnum við LS
Retail sem kveður á um að merk-
ingar séu bannaðar nema í samráði
við leigusala og í samræmi við merk-
ingar annarra leigutaka. LS Retail
hafi mátt vera ljóst frá upphafi að
merkið yrði ekki utan á byggingunni.
Stefna Norðurturninum
og vilja lógó sitt á húsið
Hugbúnaðarfyrirtækið LS Retail undirbýr málshöfðun gegn eiganda Norðurturns-
ins við Smáralind. Deilur hafa staðið um merkingar á húsinu eftir að Íslandsbanki
flutti inn. Málamiðlunartillögum hafnað og LS Retail fær ekki lógó sitt á turninn.
Íslandsbanki er eini leigutaki Norðurturnsins sem hefur fengið að setja lógó
sitt utan á bygginguna. Forsvarsmenn LS Retail eru ósáttir. FRÉTTABLAÐIÐ /GVA
Stjórnendur fyrirtækisins líti aftur á
móti svo á að þar séu „hlutir slitnir úr
samhengi“ enda hafi við undirritun
leigusamningsins ekki annað búið
að baki en liðlegheit og forsendur
síðar breyst þar sem stjórnendur
Norðurturnsins hafi á þeim tíma haft
áform um að engin firmamerki yrðu
utan á byggingunni.
Íslandsbanki er einn eigenda
Norðurturnsins hf. og átti í árslok
2016 alls 22,85 prósenta hlut. Fyrir-
tækið á því fulltrúa í stjórn turnsins
og er einnig einn af lánveitendum
hans. haraldur@frettabladid.is
LS Retail skrifaði undir
leigusamning við Norður-
turninn í febrúar 2016 og
tveimur mánuðum síðar
tilkynnti Íslandsbanki um
flutning á höfuðstöðvum
sínum í bygginguna.
Hágæða amerísk heilsurúm
sem auðvelt er að elska
Sofðu rótt í alla nótt
RÚSSLAND Vladimír Pútín Rússlands-
forseti lofar að tryggja að Rússar búi í
almennilegu húsnæði og fái almenni-
leg laun. Þetta var meðal þess sem
hann sagði í árlegum sjónvarpsvið-
burði í Rússlandi þar sem almenn-
ingur getur hringt inn og Pútín svarar
símtölunum.
Reuters greinir frá því að líklega
hafi Pútín lofað áhorfendum þessu
þar sem nú styttist í forsetakosningar
sem fara fram í mars á næsta ári.
Pútín hefur stýrt landinu síðustu
sautján ár og líklegt er að hann bjóði
sig fram fyrir fjórða kjörtímabil sitt í
kosningunum í mars. Hann vildi þó
ekki staðfesta þetta á viðburðinum.
Líklegt er talið að Pútín, sem er 64 ára,
myndi vinna kosningarnar ef hann
byði sig fram.
Pútín var léttur og gantaðist
meðal annars með það að bjóða
James Comey, fyrrverandi yfirmanni
bandarísku alríkislögreglunnar FBI,
pólitískt hæli í Rússlandi. Forsetinn
sýndi mýkri hlið sína þegar kona
frá Izhevsk í Úralfjöllum hringdi og
sagðist búa við óheilbrigð skilyrði og
hafa áhyggjur af því að þakið á húsi
hennar myndi hrynja yfir börnin
hennar. Pútín sagðist myndu vinna í
því að finna nýtt húsnæði fyrir hana
og heimsækja hana þegar hann kæmi
til borginnar á næstunni.
Pútín vildi lítið tala um fjölskyldu
sína. Þegar hann var spurður um
barnabörn sín bað hann um að einka-
líf hans yrði virt til að þau gætu átt
sem eðlilegasta æsku. – sg
Staðfestir ekki framboð
Pútín svaraði spurningum fjölmiðla
eftir að sjónvarpsviðburðinum lauk.
NORDICPHOTOS/AFP
VIÐSKIPTI Sænska streymiþjónustan
Spotify bætti við sig notendum á
síðasta ári og nota nú 140 milljónir
manna þjónustuna mánaðarlega.
Tekjur fyrirtækisins námu 2,9
milljörðum evra, og jukust um 50
prósent milli ára, samkvæmt frétt
BBC um málið. Tapið jókst þó veru-
lega og nam 539,2 milljónum evra,
jafnvirði 60 milljarða króna, á síð-
asta ári.
Stjórnendur Spotify íhuga að skrá
félagið á markað og því er bókhald
félagsins undir miklu aðhaldi. For-
svarsmenn félagsins segjast telja að
tekjur fyrirtækisins muni aukast
með fleiri notendum. Því verður
áfram fjárfest í félaginu og markaðs-
setningu þess.
Notendum Spotify sem greiða
fyrir þjónustuna fjölgaði veru-
lega milli ára, úr 20 milljónum í 48
milljónir. Apple Music, sem er aðal-
samkeppnisaðili Spotify, er með
27 milljónir greiðandi áskrifenda.
Fjöldi þeirra hefur tvöfaldast milli
ára. – sg
Spotify tapaði
60 milljörðum
Um 140 milljónir hlusta mánaðar-
lega á Spotify. NORDICPHOTOS/GETTY
1 6 . J Ú N Í 2 0 1 7 F Ö S T U D A G U R6 F R É T T I R ∙ F R É T T A B L A Ð I Ð