Fréttablaðið - 16.06.2017, Blaðsíða 12

Félag fasteignasala óskar
nýútskrifuðum fasteignasölum
innilega til hamingu með
útskriftina
Í Félagi fasteignasala eru um 270 sérfræðingar
í fasteignaviðskiptum.
Við erum Félag fasteignasala
BRETLAND Staðfest var að sautján
manns hefðu látið lífið í brunanum
í Grenfell-turninum í Norður-
Kensington þegar Fréttablaðið fór í
prentun í gærkvöld.
BBC greinir frá því að fastlega
sé búist við að tala látinna komi til
með að hækka en slökkviliðsmenn
eiga ekki von á að finna fleiri fórnar-
lömb á lífi eftir eldsvoðann sem átti
sér stað aðfaranótt miðvikudags.
Ekkert hefur þó verið gefið upp
um fjölda þeirra sem saknað er. Þrjá-
tíu manns liggja á sjúkrahúsi og er
ástand fimmtán þeirra talið alvarlegt.
Theresa May, forsætisráðherra
Bretlands, hefur óskað eftir opinberri
rannsókn á brunanum. Hún segir að
almenningur eigi skilið svör við því
hvers vegna eldurinn dreifðist jafn
hratt og raun ber vitni.
Fyrsta fórnarlamb eldsvoðans
hefur verið nafngreint, það er
Mohammed Alhajali, 23 ára sýr-
lenskur flóttamaður. Alhajali stund-
aði nám í verkfræði við University
of West London með það í huga að
snúa aftur til Sýrlands í framtíðinni
til að byggja upp landið á ný eftir
hörmungar síðustu ára.
Í tilkynningu frá Syria Solidarity
Campaign kemur fram að Alhajali
hafi verið í íbúð á fjórtándu hæð og
eytt tveimur klukkustundum í sím-
anum við vin sinn í Sýrlandi. Hann
hafi verið að reyna að ná sambandi
við fjölskyldu sína á meðan hann
beið þess að honum yrði bjargað.
Bróðir Alhajalis, Omar, var einnig
í byggingunni þegar eldurinn kom
upp, en er nú á sjúkrahúsi. Ástand
hans er sagt stöðugt.
Borin hafa verið kennsl á sex
önnur fórnarlömb. Stuart Cundy,
yfirmaður hjá Metropolitan lögregl-
unni, segir í samtali við BBC að því
miður séu líkur á því að ekki verði
hægt að bera kennsl á öll líkin.
Rannsókn á upptökum eldsins
stendur enn yfir, en slökkviliðsstjóri
borgarinnar, Dana Cotton, lagði
áherslu á að ekkert benti til að um
hryðjuverk hefði verið að ræða.
Eldurinn virðist hafa kviknað á
fjórðu hæð hússins og leitað fljótt
upp á næstu hæðir. Sjónarvottar
á jörðu niðri segjast hafa séð fólk í
gluggum byggingarinnar þar sem
það hrópaði á hjálp og barði í glugga.
Einnig bárust fréttir af fólki sem
sleppti börnum sínum út um glugga
á efri hæðum til fólks á götunni.
Byggingin var reist árið 1974 og voru
umfangsmiklar endurbætur gerðar á
henni á síðasta ári.
Cotton sagði jafnframt að aðstæð-
ur til leitar væru mjög erfiðar í hús-
inu og að aðgerðir slökkviliðs og
annarra myndu taka margar vikur.
Leitað var í brunarústum í allan
gærdag.
Eins og Fréttablaðið greindi frá
í gær hefur fjöldi sjálfboðaliða lagt
sitt af mörkum til að aðstoða íbúa
hússins sem misstu húsnæði sitt. Í
byggingunni voru yfir 120 íbúðir og
er áætlað að milli 400 og 600 manns
hafi búið í því. Fólkinu hefur verið
tryggt húsaskjól í hverfinu og hafa
sjálfboðaliðar fært því föt, skó, snyrti-
vörur og mat.
saeunn@frettabladid.is
Enn óljóst hve margir létu lífið
Nú er ljóst að að minnsta kosti sautján létu lífið í Grenfell-turninum í Kensington hverfi sem kviknaði í að-
faranótt miðvikudags. Enn er óvíst um upptök eldsins. Opinber rannsókn mun fara fram á eldsvoðanum.
Eldurinn braust út aðfaranótt miðvikudags og hefur slökkvistarf staðið yfir í tvo daga. FRÉTTABLAÐIÐ/EPA
Theresa May, forsætis-
ráðherra Bretlands, hefur
óskað eftir opinberri rann-
sókn á brunanum. Hún segir
að almenningur eigi skilið
svör um það hvers vegna
eldurinn dreifðist jafn hratt
og raun ber vitni.
DÓMSMÁL Hæstiréttur hefur þyngt
fangelsisdóm yfir karlmanni fyrir
tilraun til manndráps, nauðgun,
sérstaklega hættulega líkamsárás
og frelsissviptingu með því að hafa
haldið barnsmóður sinni nauðugri
í íbúð hennar í júlí í fyrra.
Maðurinn fær tíu ára dóm í Hæsta-
rétti en fékk átta ára fangelsisdóm í
héraðsdómi í febrúar. Þá voru bætur
mannsins til konunnar hækkaðar úr
2,5 milljónum króna í 3,5 milljónir
króna.
Dómurinn var kveðinn upp í
Hæstarétti í gær en maðurinn var
dæmdur fyrir að hafa haldið kon-
unni nauðugri í íbúð hennar í tvær
klukkustundir. Á meðan á frelsis-
sviptingunni stóð veittist hann að
henni með margvíslegu ofbeldi,
þvingaði hana til samfara, tók hana
hálstaki og herti að þannig að hún
náði ekki andanum. Missti hún með-
vitund um stund.
Við ákvörðun refsingar í Hæsta-
rétti var litið til þess að brotin voru
mjög alvarleg og lægi við hverju
þeirra þung fangelsisrefsing. Þá hefði
hann með brotum sínum rofið skil-
orð eldri dóms þar sem hann var
sömuleiðis sakfelldur fyrir líkams-
árás í garð konunnar. Var sá dómur
tekinn upp og manninum gerð refs-
ing í einu lagi fyrir öll brotin.
Með vísan til þess að maðurinn
hefði með hrottafengnu framferði
sínu brotið gróflega gegn persónu
og frelsi konunnar var honum gert
að greiða henni 3,5 milljónir króna
í miskabætur. – ktd
Hæstiréttur þyngdi dóm
FINNLAND Öryggislögreglan í Finn-
landi hefur ákveðið að hækka
viðbúnaðarstig í landinu vegna
hryðjuverkaógnar. Ákvörðunin var
tekin vegna vitneskju um mögulega
hryðjuverkaógn sem metin er alvar-
legri en áður, að því er öryggislög-
reglan greinir frá.
Ferðir einstaklinga frá Finnlandi
til liðs við samtökin Íslamska ríkið
eru meðal þess sem talið er möguleg
ógn við heimalandið. – ibs
Finnar hækka
viðbúnaðarstig
SVÍÞJÓÐ Sænska öryggislögreglan
hefur áhyggjur af því að fleiri konur
hafi haldið til svæða þar sem stríðs-
átök eru og gengið til liðs við sam-
tök öfgasinnaðra múslíma. Sam-
kvæmt sænskum lögum er bannað
að hvetja fólk og mennta til hryðju-
verka. „Við gerum engan mun á
konum og körlum varðandi mat á
ógninni sem af þeim stafar,“ segir
upplýsingafulltrúi öryggislögregl-
unnar í viðtali við Aftonbladet.
Fjórðungur þeirra sem fara frá
Svíþjóð til að ganga til liðs við öfga-
samtök er konur. Í Sýrlandi eru
konur taldar vera fjörutíu prósent
Svíanna sem þar eru. – ibs
Fleiri konur til
öfgasamtaka
NOREGUR Vísindamenn sem gert
hafa athugasemdir við laxeldi hafa
verið áreittir, baktalaðir og beittir
þrýstingi. Sumir hafa gefist upp.
Þetta kemur fram í greinaflokki
norska blaðsins Morgenbladet um
fiskeldið. Þar greina um 20 vísinda-
menn frá árekstrum sínum við þá
sem hafa hagsmuna að gæta.
Í umfjölluninni kemur fram að
í sveitarfélögum við sjávarsíðuna,
sem áður börðust í bökkum, séu nú
byggðar hallir og keyptir sportbílar
fyrir milljónirnar sem fiskeldið gefur
af sér. Bent er meðal annars á að
stjórnmálamenn sem marki stefn-
una eigi hlutabréf í fyrirtækjunum.
Vísindamennirnir fullyrða að
sjálfstæðar vísindarannsóknir séu í
hættu. – ibs
Þagga niður í
vísindamönnum
GRÆNLAND Eftir áralangar deilur um
hver eigi að greiða fyrir að fjarlægja
málmrusl og skaðlegan úrgang á
yfirgefnum herstöðvum Bandaríkja-
manna á Grænlandi hefur nú danska
stjórnin ákveðið að greiða 30 millj-
ónir danskra króna á ári næstu fimm
árin vegna hreinsunarinnar.
Í sumar hyggjast danskir vís-
indamenn fara til yfirgefnu her-
stöðvarinnar Camp Century á
innlandsísnum. Árið 1967 skildu
Bandaríkjamenn þar eftir allt að
9.000 tonn af úrgangi auk þess sem
þeir losuðu þar kjarnorkuúrgang
beint niður í jökulinn.
Vísindamennirnir hyggjast kanna
hvenær bráðnun jökulsins á svæðinu
verður svo mikil að úrgangurinn
komi í ljós. - ibs
Danir borga
hreinsunina
Sænskur sérfræðingur segir konur
geta ekið á hóp fólks alveg eins og
karla. NORDICPHOTOS/AFP
Við ákvörðun refsingar í
Hæstarétti var litið til þess að
brotin voru mjög alvarleg.
Maðurinn er dæmdur fyrir tilraun til manndráps og nauðgun.
1 6 . J Ú N Í 2 0 1 7 F Ö S T U D A G U R12 F R É T T I R ∙ F R É T T A B L A Ð I Ð