Fréttablaðið - 16.06.2017, Blaðsíða 10

Lokað í Vínbúðunum
á morgun 17. júní
Lokað verður í öllum Vínbúðunum á morgun, laugardaginn 17. júní.
Í dag, 16. júní, er hefðbundinn opnunartími. Opið er til kl. 19 á
höfuðborgarsvæðinu, nema á Dalvegi, í Skeifu og Skútuvogi
þar sem opið er til kl. 20.
Upplýsingar um opnunartíma allra Vínbúða er að finna á vinbudin.is.
STARFSFÓLK OKKAR FAGNAR ÞJÓÐHÁTÍÐARDEGINUM
EFNAHAGSMÁL Ekkert Norður-
landanna hefur sett lög um aðskiln-
að viðskiptabanka- og fjárfestingar-
bankastarfsemi og hafa stjórnvöld
í þessum ríkjum ekki í hyggju að
setja slík lög á næstunni. Starf-
semi fjárfestingarbanka er talsvert
umfangsmeiri að tiltölu á hinum
Norðurlöndunum í samanburði
við Ísland.
Í skýrslu starfshóps Benedikts
Jóhannessonar, fjármála- og efna-
hagsráðherra, sem var falið að
skoða kosti og galla þess að skilja
að starfsemi viðskiptabanka og
fjárfestingarbanka, kemur fram að
aðeins fjögur stærstu ríki heims,
Bandaríkin, Bretland, Þýskaland
og Frakkland, ásamt Belgíu, hafi sett
lög um slíkan aðskilnað.
Er tekið fram að löggjöf flestra
umræddra ríkja taki einungis til
stærstu fjármálafyrirtækja viðkom-
andi ríkja. Innbyrðis eru útfærsl-
urnar afar mismunandi.
Ein af þeim leiðum sem starfs-
hópurinn skoðaði er að skilja að
starfsemi viðskiptabanka og fjár-
festingarbanka með formlegum
hætti og í samræmi við fyrirmyndir
í ríkjunum fjórum.
Starfshópurinn taldi ekki tilefni
að svo stöddu til þess að setja lög
um formlegan aðskilnað, en sagði
þó að tilefni gæti verið til þess að
skilgreina í reglum frekari varnar-
línur gagnvart áhættu sem tengist
fjárfestingarbankastarfsemi án
þess þó að íþyngja um of starfsemi
banka sem stunda einungis „hóf-
lega fjárfestingarbankastarfsemi“,
eins og það er orðað í skýrslunni.
Í skýrslu starfshópsins er rakið
að á undanförnum árum hafi verið
brugðist við ýmsum brestum í
lögum og reglum sem komu í ljós
við alþjóðlegu fjármálakreppuna
árið 2008.
Segja má að lagaumhverfi evr-
ópskra fjármálafyrirtækja hafi verið
umbylt og þykir mörgum nóg um.
Þannig sagði Jón Daníelsson, hag-
fræðingur við London School of
Economics, á fundi hagfræðideildar
Háskóla Íslands í fyrradag að stjórn-
völd í mörgum ríkjum hefðu sveifl-
ast á milli öfganna. Fyrir hrun hefði
verið of lítið af reglugerðum en nú
væru þær alltof margar.
Þrátt fyrir auknar reglur síðustu
ár telja sumir að meira þurfi að
gera. Á þeim grunni hafa komið
fram ýmsar lagabreytingar, sem
fela í raun í sér stefnumarkandi
kerfisbreytingar, sem hafa þann
tilgang að takmarka kerfisáhættu
af fjárfestingarbankastarfsemi hjá
stórum fjármálafyrirtækjum sem
hafa heimild til þess að taka við
innlánum.
Kjarni þessara reglna felst í því að
takmörkun er gerð á milli starfsemi
viðskiptabanka og fjárfestingar-
banka. Er tilgangurinn að vernda
innlánsstarfsemi frá áhættusæknari
starfsemi fjárfestingarbanka.
Fram til ársins 2013 hafði einung-
is eitt ríki í heiminum, Bandaríkin,
sett reglur sem miðuðu að kerfis-
breytingum á starfsumhverfi fjár-
málafyrirtækja. Bretar leiddu í lög
ákveðnar kerfisbreytingar árið 2013
og í kjölfarið fylgdu Frakkar, Þjóð-
verjar og Belgar í fótspor þeirra.
Eftir sem áður gilda reglurnar
aðeins um stærstu fjármálafyrirtæki
ríkjanna, þ.e. þau fjármálafyrirtæki
sem talin eru kerfislega mikilvæg.
Önnur ríki, þar á meðal öll Norður-
löndin, hafa ekki takmarkað starf-
semi banka með eins íþyngjandi
hætti, en þó ber að taka fram að á
vettvangi Evrópusambandsins hafa
verið samin drög að reglugerð sem
stefna að sama markmiði og í ríkj-
unum fjórum.
Reglugerðin myndi þó einungis
ná til um þrjátíu stærstu banka álf-
unnar. Ekki er víst á þessari stundu
hvort eða hvenær hún verður sam-
þykkt. kristinningi@frettabladid.is
Norðurlönd ekki sett lög um aðskilnað
Ekkert hinna Norðurlandanna hefur sett lög um aðskilnað viðskiptabanka- og fjárfestingarbankastarfsemi. Stjórnvöld í ríkjunum
áforma ekki að setja slík lög. Starfshópur vill fara hægt í sakirnar. Umfang fjárfestingarbankastarfsemi er lítið hér á landi.
Umfang fjárfestingarbankastarfsemi minna hér
Fram kemur í skýrslu starfshópsins að umfang fjárfestingarbankastarf-
semi íslenskra banka sé minna nú en áður. Starfsemin sé enn fremur ekki
stór hluti af heildarstarfsemi bankanna. Samkvæmt þeirri nálgun sem
starfshópurinn beitir var umfangið að meðaltali um 5% af heildareignum
bankanna í fyrra. Þegar litið er til heildartekna bankanna var hlutfallið
aðeins hærra, um 13%, sem telst þó verulega lágt.
Starfshópurinn bendir meðal annars á að ekkert hinna Norðurland-
anna hafi sett lög um aðskilnað viðskiptabanka- og fjárfestingar banka-
starfsemi eða reglur sem miða að kerfisbreytingum á starfsumhverfi
fjármálafyrirtækja, þrátt fyrir umtalsvert meiri fjárfestingarbankastarf-
semi, að tiltölu, heldur en hér á landi.
Jón Daníelsson hagfræð-
ingur segir að stjórnvöld í
mörgum ríkjum sveiflist á
milli öfganna. Fyrir hrun
hafi verið of lítið af reglu-
gerðum en nú séu þær alltof
margar.
UMHVERFISMÁL  Ríkissaksóknari
hefur fellt úr gildi þá ákvörðun lög-
reglustjórans á Vestfjörðum að vísa
frá kæru Landssambands veiðifélaga
vegna sleppingar regnbogasilungs á
Vestfjörðum. Skal lögreglustjórinn
taka málið til nýrrar meðferðar.
Með bréfi landssambandsins til
lögreglustjórans þann 11. janúar
síðastliðinn var farið fram á opin-
bera rannsókn vegna ætlaðra
sleppinga á regnbogasilungi úr fisk-
eldiskvíum. Í bréfinu kom meðal
annars fram að regnbogasilungur
hefði komið víða fram í veiðum um
norðan- og vestanvert landið og
meðal annars veiðst í ám við Húna-
flóa og Faxaflóa. Taldi sambandið
hafið yfir allan vafa að mikið magn
regnbogasilungs hefði sloppið úr
eldisstöð á þessu ári. Í ljósi þess
magns sem um ræddi væri ljóst að
silungurinn hefði strokið úr sjókvía-
eldi. Lögreglustjórinn vísaði málinu
hins vegar frá meðal annars af þeim
sökum að Matvælastofnun væri
með málið til meðferðar.
Sú ákvörðun var kærð til ríkissak-
sóknara sem hefur nú fellt hana úr
gildi. Ríkissaksóknari bendir á að af
rökstuðningi lögreglustjóra verði
ráðið að ekki hafi farið fram sér-
stök athugun eða verið leitað eftir
upplýsingum frá Matvælastofnun
um hvort kæran geti átt við rök að
styðjast. Að mati ríkissaksóknara
hefði verið rétt af lögreglustjóra að
fara betur ofan í saumana á kæru-
efninu áður en ákvörðun var tekin
um að vísa kærunni frá. Rétt hefði
verið að leita eftir upplýsingum frá
Matvælastofnun um meintar slysa-
sleppingar, þar með talið að stað-
reyna hvort eftirlit eða athugun
stofnunarinnar hafi farið fram eða
væri yfirvofandi eða yfirstandandi
og hvað hafi komið fram við þá
athugun. – kij
Frávísun lögreglustjóra
felld úr gildi af saksóknara
Mikið magn regnbogasilungs slapp úr eldisstöð fyrr á árinu. FRÉTTABLAÐIÐ/GVA
1 6 . J Ú N Í 2 0 1 7 F Ö S T U D A G U R10 F R É T T I R ∙ F R É T T A B L A Ð I Ð