Fréttablaðið - 17.02.2016, Blaðsíða 12

Ég fer ekki út í nein
smáatriði á plani B,
vegna þess að það er engin
slík áætlun til.
Jean Claude
Juncker, forseti
framkvæmda-
stjórnar ESB
NETVERSLUN HEILSUHUSID.IS
Hönnuð af Önnu Rósu grasalækni.
Hver og ein blanda sérvalinna jurta gegnir ákveðnu hlutverki.
TE SEM VIRKA!
NÝTT
! 1. ORKUTEGefur auka orku án þess
að innhalda koffín.
2. AUÐHUMLA
Hefur reynst ákaflega
mjólkuraukandi fyrir konur
með barn á brjósti.
3. STILLA
Jurtir sem eru þekktar
fyrir að hafa róandi áhrif
og lækka blóð þrýsting.
4. SAURBÆR
Jurtir sem hafa
hægða los andi áhrif.
5. VATNSLEYSA
Jurtir sem eru þekktar fyrir
að hafa vatnslosandi áhrif
- hentar þunguðum konum.
6. RÓSA FRÆNKA
Sérvaldar jurtir með
það í huga að draga
úr túr verkjum.
AÐEINS
Í HEILSU
-
HÚSINU
!
Bretland Ekki er hægt að tryggja
stuðning Evrópuþingsins við breytt-
an samning Bretlands við Evrópu-
sambandið. Þetta kom fram í máli
Martins Schulz, forseta þingsins,
þegar hann fundaði með David
Cameron, forsætisráðherra Bretlands,
í Brussel í gær.
Viðbrögð Schulz eru sögð bakslag
fyrir Cameron sem staddur er í Brussel
til að tryggja samþykki við nýjan
samning um breytingar á  aðildar-
samkomulagi Bretlands og Evrópu-
sambandsins (ESB). Auk þess að funda
með Schulz, sem er þýskur sósíal-
demókrati, átti hann líka fundi með
leiðtogum annarra hópa í þinginu.
Fram kemur í umfjöllun Guardian
að Cameron hafi viljað fá tryggingu
fyrir því að Evrópuþingið myndi ekki
reyna að gera breytingar á uppkasti
að samkomulagi sem ganga á frá á
leiðtogafundi ESB á morgun, fimmtu-
dag, áður en  til þjóðaratkvæða-
greiðslu kemur í Bretlandi sem gæti
skorið úr um áframhaldandi veru
landsins í sambandinu. 
„Ferð forsætisráðherrans til fund-
ar við Evrópuþingið endurspeglar
áhyggjur af því að þingið kunni að
vera ófyrirsjáanlegt í aðkomu sinni
að viðkvæmum endursamningum, en
þingið þarf að hleypa í gegn breyting-
um á löggjöf ESB til þess að hliðra til
fyrir kröfum Breta um þak á greiðslur
vegna félagslegs stuðnings við inn-
flytjendur frá sambandinu,“ segir þar.
Þá kemur fram í umfjöllun BBC,
breska ríkisútvarpsins, að Cameron
hafi líka fundað með Jean-Claude
Juncker, forseta framkvæmdastjórnar
ESB. Junker hafi áður sagt að ekki sé
neitt „plan B“ til staðar. Slíkt myndi
gefa í skyn að framkvæmdastjórnin
teldi raunhæfan möguleika á því að
Bretland gengi úr sambandinu.
„Ég fer ekki út í nein smáatriði á
plani B, vegna þess að það er engin
slík áætlun til. Við erum með plan A.
Bretland verður áfram í Evrópusam-
bandinu sem uppbyggilegur og virkur
þátttakandi,“ hefur BBC eftir Juncker.
Á sama tíma segir Donald Tusk,
forseti Leiðtogaráðs Evrópusam-
bandsins, sem hefur umsjón með
endursamningum Bretlands, að
viðræðurnar um samningsdrögin
séu „viðkvæmar“. Í byrjun vikunnar
varaði hann við því að samningar um
kröfur Bretlands væru á „tvísýnum
stað“ og að raunveruleg hætta væri á
að Evrópusamstarfið brotnaði upp.
Á meðan Cameron fundaði í
Brussel blésu þjóðarleiðtogar Pól-
lands, Ungverjalands, Slóvakíu og
Tékklands til smærri leiðtogafundar í
Prag í Tékklandi til að móta sameigin-
lega afstöðu til endursamnings Breta.
„Á sama tíma og mjög óvenju-
legt væri fyrir þingið að ganga gegn
ákvörðunum sem leiðtogar ESB-
ríkjanna 28 hafa tekið, mun afstaða
þingsins nær örugglega þýða að
Cameron kemur ekki í gegn fyrir-
hugðum breytingum á velferðar-
kerfinu fyrr en mun síðar en hann
hefði vonað, og löngu eftir að Bretar
hafa greitt atkvæði í þjóðaratkvæða-
greiðslu um áframhaldandi aðild.“
Eftir fund Camerons og Schulz í
gær sagði forseti þingsins að þingið
myndi ekki stöðva framgang ákvarð-
ana sem leiðtogar Evrópusambands-
landanna hefðu tekið, en lagði um
leið áherslu á mikilvægi þinglegu
meðferðarinnar. „Ég get enga trygg-
ingu gefið fyrir framtíðarlöggjöf,“
sagði hann. „Það getur engin ríkis-
stjórn snúið sér að þinginu og sagt:
Hér er tillaga okkar, er hægt að tryggja
niðurstöðuna?“ olikr@frettabladid.is
Bakslag fyrir nýjar ESB-tillögur Breta
Þingleg meðferð þýðir að ekki er fyrirfram hægt að gefa sér niðurstöðu um lagasetningu, segir forseti Evrópuþingsins. Afstaðan sögð áfall
fyrir Cameron sem fundaði í gær með þingmönnum í viðleitni til að tryggja stuðning við breytingar í endursamningum Breta við ESB.
Gætu kosið eftir hálft ár
Bretar stefna á að hafa þjóðar-
atkvæðagreiðslu um áframhaldandi
aðild að Evrópusambandinu fyrir
árslok 2017. Atkvæðagreiðslan er
hluti af kosningaloforðum Íhalds-
flokksins, sem er sigurvegari síð-
ustu þingkosninga í Bretlandi. Ekki
er búið að negla niður nákvæma
tímasetningu atkvæðagreiðslunnar,
en á vef BBC, segir að forsætisráð-
herra landsins vilji fremur hafa þær
fyrr en seinna. Nú þyki líklegast að
gengið verði til atkvæða annað-
hvort í júní eða september á þessu
ári.
David Cameron, forsætisráðherra Breta (til vinstri), fundaði í gær með Martin Schulz, forseta Evrópuþingsins (til hægri), og
leiðtogum annarra stjórnmálahópa í Evrópuþinginu í Brussel í Belgíu. FréttaBlaðið/EPa
1 7 . f e B r ú a r 2 0 1 6 M I Ð V I K U d a G U r12 f r é t t I r ∙ f r é t t a B l a Ð I Ð