Fréttablaðið - 17.02.2016, Blaðsíða 44

Fyrir mér er það að
þeyta skíFum að
vita hvers áhorFendur
þarFnast og það er breyti-
legt. það er ekki hægt að
giska á hvernig stemningin
verður.
Reykjavík Bíldshöfði 20
Akureyri Dalsbraut 1
Ísafjörður Skeiði 1
www.husgagnahollin.is I 558 1100
STÓLADAGAR
PARIS
Borðstofu-
stólarnir
komnir aftur.
Margir litir
9.990 kr.
14.990 kr.
EIFFEL
Borðstofustóll. Litir:
Svartur, grár og hvítur
með svörtum löppum.
8.990 kr. 11.990 kr.
Allir* borðstofu - og
eldhússtólar á tilboði
EIFFEL
Borðstofustóll. Litir: Grár
svartur, rauður, turkis og
hvítur með krómlöppum.
9.990 kr. 13.990 kr.
SEATTLE
Borðstofustóll. Litir:
Svartur, grár og hvítur
með krómlöppum.
5.990 kr. 8.990 kr.
TIANA
Borðstofustóll.
Svartur.
7.990 kr. 13.990 kr.
Gildir ekki af Skovby borðstofustólum
Ábendingahnappinn má
finna á www.barnaheill.is
„Ég er ótrúlega spennt. Mig hefur alltaf
langað til þess að koma til Íslands, það
er einn af þeim stöðum sem eru ólíkir
öllum öðrum og það gerir þetta öðru-
vísi spennandi. Elstu vinkonur mínar
frá Kentucky, þaðan sem ég er, komu
mér á óvart og keyptu miða og ætla að
koma með mér. Við komum nokkrum
dögum fyrr til þess að fara í Bláa lónið
og skoða okkur um. Við höfum aldrei
gert neitt svona saman áður þannig
það gerir sérstakan hlut enn þá sér-
stakari,“ segir Marea Stamper sem
þeytir skífum undir nafninu The Black
Madonna og er þekkt fyrir kraftmikil
dj-set en hún er ein þeirra fjölmörgu
listamanna sem koma munu fram á
tónlistarhátíðinni Sónar Reykjavík
sem hefst á morgun.
Konur í tónlist
Auk þess að spila á hátíðinni tekur
hún þátt í pallborðsumræðum á
Sónar +D um konur í tónlist sem eru
hluti af nýsköpunar- og tækniráð-
stefnu hátíðarinnar sem fer nú fram í
fyrsta sinn hér á landi samhliða tón-
listarhátíðinni en auk hennar verða
þær Ellen Allien, dj Yamaho, Courtesy
og Salka Sól þátttakendur. Þegar talið
berst að stöðu kvenna í danstónlist er
auðheyrt að umræðuefnið er henni er
hugleikið og segir hún stöðuna hafa
breyst til hins betra á síðustu árum.
Og þegar hún er spurð að því hvað
það sé sem henni þyki hafa breyst á
undanförnum árum stendur ekki á
svörunum. „Í fyrsta lagi þá erum við
að sjá fleiri konur, þeim er að fjölga.
Margar tónlistarhátíðir eru að leggja
áherslu á að fá fleiri konur til þess að
spila í stað þess að láta eins og það sé
einhver endurspeglun á hæfileikum
hvað kynjahlutföllin hafa verið skökk.
Ég held að það hafi á ákveðnum tíma-
punkti verið ráðandi hugmynd hjá
klúbbaeigendum og skipuleggjendum
tónlistarhátíða að hið besta hafi flotið
á toppinn og að það væru einfaldlega
ekki það margar konur sem skipuðu
sér í hóp hinna bestu.“
Borgar sig að taka áhættu
Marea hóf ferilinn í framhaldsskólaút-
varpi og tók fljótlega að spila á rave-
um og í kjölfarið fór hún að búa til
eigin tónlist. Fyrst um sinn vann hún
ein en fann sér svo samstarfsfélaga
sem hún segir hafa kennt sér mikið.
Nýverið tók hún upp þráðinn með
gömlum samstarfsfélaga og er byrjuð
að vinna með honum að nýju efni og
prufa sig áfram með nýja tækni sem
hún segir vera ögrandi, spennandi og
nauðsynlegt. „Endrum og eins verður
maður að hrista upp í hlutunum, það
gerir mann dauðhræddan en svo
skyndilega smellur eitthvað og núna
gengur mjög vel.“
Hún segir mikilvægt að takast á
við hluti sem hræða mann hvað mest
því ávinningurinn af þeim sé yfirleitt
mestur. „Það á við það að gera tónlist
en líka bara lífið yfirhöfuð. Oft á tíðum
voru það þeir hlutir, sem ég var hvað
mest hikandi við að gera, sem urðu að
því besta sem ég gerði. Ég vildi ekki
hætta í vinnunni minni til þess að
fara í tónleikaferð, ég var hrædd um
að ég myndi bara svelta í hel en það
varð að lokum að því besta sem ég
gerði því eftir það fóru hlutirnir á flug.
Það var áhætta og ég var hrædd en ég
gerði það“.
Fylgst með líkamstjáningu
Líkt og áður sagði er The Black Mad-
onna þekkt fyrir kraftmikil sett og segir
hún mikilvægt að lesa áhorfendur og
skipuleggja settið eftir því, það skipti
mestu máli og það sé góð tilfinning að
sjá manneskjuna sem fyrir stundu var
með nefið grafið í snjallsímanum byrj-
aða að sveifla sér í takt við tónlistina.
„Fyrir mér er það að þeyta skífum að
vita hvers áhorfendur þarfnast og það
er breytilegt. Það er ekki hægt að giska
á hvernig stemningin verður. Maður
þarf að fylgjast með litlum merkjum
og lesa í líkamstjáningu fólks. Einhver
sem stendur á gólfinu að skoða símann
sinn á stað þar sem maður býst við að
sé dansað. Lítur fólk út fyrir að vera
þreytt, fullt af orku, þurfum við að
keyra þetta í gang eða keyra stemning-
una aðeins niður? Þetta eru hlutir sem
er ekki hægt að plana og velta á ýmsum
breytum,“ segir Marea og þegar hún er
spurð að því hvort hún sé þá ekki góð í
því að lesa líkamstjáningu fólks svarar
hún því játandi. „Ég er góð í því og mér
líður vel með það. Að finna út hvernig
þú kemst inn í höfuð fólks og nærð að
snúa því þannig að áhorfendur taka
þátt, umbreytast og við deilum þeirri
tilfinningu saman. Það er dásamlegt.“
The Black Madonna spilar annað
kvöld klukkan 22.00 í SonarLab og
pallborðsumræðurnar fara fram á
morgun klukkan 17.00 í Flóa.
gydaloa@frettabladid.is
ræðir um konur
í tónlist og les í
líkamstjáningu
The Black Madonna er ein af þeim sem koma fram á tónlistarhátíðinni
Sónar Reykjavík sem hefst á morgun. Auk þess að koma fram á há-
tíðinni tekur hún einnig þátt í pallborðsumræðum um konur í tónlist.
The Black Madonna er þekkt fyrir að halda uppi kraftmikilli stemningu. Mynd/AldoPAredes
1 7 . f e b r ú a r 2 0 1 6 M I Ð V I K U D a G U r28 L í f I Ð ∙ f r É T T a b L a Ð I Ð
Lífið