Fréttablaðið - 17.02.2016, Blaðsíða 18

Skjóðan
Vestur á MeluM er hola ein mik-
il og stór. Þar átti, og á kannski
enn, að rísa Hús íslenskra fræða
en ekki var varið meiri peningum
til verkefnisins en svo að dugði
fyrir grunninum, sem í daglegu
tali er nefndur Hola íslenskra
fræða. Lengra náði ekki metnaður
íslenskra ráðamanna.
Í sitjandi rÍkisstjórn er ofur-
kapp lagt á að vernda hvers kyns
hluti og halda ásjónu höfuð-
borgarinnar sem líkastri því sem
var á fyrri hluta síðustu aldar.
Forsætisráðherrann hefur varið
hálfum milljarði til að varðveita
grjótgarð sem var hluti af ásýnd
Reykjavíkurhafnar, séð frá sjó, í
örfá ár um svipað leyti og Jónas
frá Hriflu gegndi ráðherraemb-
ætti í kringum 1930. Því er haldið
fram að kostnaðurinn við þessa
varðveislu geti numið tveimur
milljörðum eða meira þegar upp
er staðið.
rÍkisstjórnin ætlar að verja
a.m.k. 135 milljörðum næsta ára-
tuginn til að viðhalda og vernda
landbúnaðarkerfi, sem hefur fært
matvælaverð í hæstu hæðir hér
á landi á sama tíma og bændur
flosna frá búum vegna örbirgðar,
enda fer ekki nema fjórða hver
króna sem varið er í landbún-
aðarstyrki til bænda. Restin fer í
milliliði og kerfið sjálft.
stjórnVöld færa örfáum aðilum
tugi milljarða á silfurfati með því
að veita þeim stórlega niður-
greiddan aðgang að dýrmætustu
auðlindum þjóðarinnar. Á sama
tíma gapir Hola íslenskra fræða
vestur á Melum sem minnisvarði
um einstaklega rislága leiðtoga
þjóðarinnar. Á sama tíma liggja
fárveikir sjúklingar á göngum
myglaðs þjóðarsjúkrahúss og
gleymast á skurðstofum vegna
þess að fjármálaráðherranum
er í mun að skila „hallalausum“
fjárlögum.
rÍkisbankinn færir útvöldum
vinum bankastjórnenda og
vandamönnum ráðamanna
eignir ríkisins nánast að gjöf
og hagnaður þeirra á kostnað
ríkisbankans er svo gríðarlegur
að ef aðeins er litið til Borgunar
og Setbergslandsins myndi hann
duga til að fylla holuna vestur á
Melum og reisa þar Hús íslenskra
fræða.
en ráðaMenn hafa engan
áhuga á að vernda neitt lifandi.
Steinhrúga í löngu horfnum
hafnarkanti sem öllum er sama
um nema forsætisráðherra er
vernduð, enda hefur hún ekkert
menningarsögulegt gildi. En
lifandi menning getur átt sig.
Handritin, sjálfur bókmennta-
arfur þjóðarinnar, sem á hátíðis-
dögum kennir sig við bækur og
bókmenntir, eru best niðurkomin
ofan í skúffu. Best ef sú skúffa
væri í húsi sem löngu látinn
húsameistari ríkisins teiknaði
einhvern tímann í fyrndinni.
stjórnarþingMenn hneykslast
á að opinberu fé sé varið til
skapandi lista hér á landi þó að
sannað sé að þeir peningar skili
sér margfalt til baka í ríkiskass-
ann og skapandi listir beri hróður
landsins lengra en búvörusamn-
ingar og hafnarkantar.
Minnisvarði um ríkisstjórn
vestur á Melum
Námurisinn Anglo American tapaði
5,5 milljörðum dollara, eða tæplega
sjö hundruð milljörðum íslenskra
króna, fyrir skatt á árinu 2015.
Tapað var tvöfalt meira en árið 2014.
Anglo stefnir að því að selja eignir
fyrir 3-4 milljarða dollara, 400-500
milljarða króna, til að bæta fjárhag
sinn.
700
milljarða tap
Hagvöxtur á evrusvæðinu mældist 1,5
prósent á árinu 2015. Á síðasta árs-
fjórðungi jókst hagvöxtur um 0,3 prósent,
samkvæmt tölum Eurostat. Hagvöxtur
innan Evrópusambandsins mældist
0,3 prósent á fjórða ársfjórðungi og 1,8
prósent á árinu. Hagvöxtur dróst saman,
sem gefur vísbendingu um þörf á frekari
aðgerðum til að auka hagsæld á svæðinu.
1,5%
hagvöxtur
Miðvikudagur 17. febrúar
þjóðskrá Íslands - Vísitala leiguverðs
á höfuðborgarsvæðinu.
Vodafone - Ársuppgjör 2015.
n1 - Ársuppgjör 2015.
Fimmtudagur 18. febrúar
sÍMinn - Afkoma fjórða ársfjórðungs
og ársuppgjör 2015
sjóVá- Fjórði ársfjórðungur 2015.
Föstudagur 19. febrúar
hagstofa Íslands - Vísitala byggingar-
kostnaðar fyrir mars 2016.
Þriðjudagur 23. febrúar
þjóðskrá Íslands - Víðskipti með
atvinnuhúsnæði.
hagstofa Íslands - Mánaðarleg launa-
vísitala í janúar 2016.
hagstofa Íslands - Greiðslujöfnunar-
vísitala í mars 2016.
hagstofa Íslands - Vísitala kaup-
máttar launa í janúar 2016.
hagstofa Íslands - Vísitala lífeyris-
skuldbindinga í janúar 2016.
Miðvikudagur 24. febrúar.
hagstofa Íslands - Vinnumarkaður í
janúar 2016
Vikan sem leið
Á döfinni dagatal viðskiptalífsins
allar markaðsupplýsingar
Markaðurinn
Útgáfufélag 365 miðlar ehf., Skaftahlíð 24, 105 Reykjavík, sími 512 5000
Netfang rit stjorn@markadurinn.is | Sími 512 5000 | Fax 512 5301
Umsjón jón hákon halldórsson jonhakon@365.is
Ábyrgðarmaður kristín þorsteinsdóttir | Forsíðumynd ernir eyjólfsson
Netfang auglýsingadeildar auglys ing ar@markadurinn.is Veffang visir.is
Bruggstarfsemin í Vestmannaeyjum hófst í kjallara hjá einum af aðstandendum
bruggstarfseminnar en var svo færð yfir i bílskúr. Aðsend mynd
Fimm örbrugghús framleiða bjór
sem seldur er í Vínbúðunum. Það
eru Gæðingur í Skagafirði, Kaldi á
Árskógsströnd, Segull á Siglufirði,
Steðji í Borgarfirði og Ölvisholt á
Suðurlandi. Að auki er Einstök sem
er brugguð hjá Vífilfelli og Borg
brugghús sem er innan vébanda
Ölgerðarinnar.
Það þýðir þó ekki að örbrugg-
húsin séu þar með upptalin því
fjöldi minni örbrugghúsa bruggar
fyrir einstaka veitingastaði og
smærri hópa. Stefán Pálsson, sagn-
fræðingur og bjóráhugamaður,
segir þeim fara fjölgandi.
„Það er greinilegt að við erum
dálítið að fara að sjá það að það er
bylgja í uppsiglingu,“ segir Stefán.
Heimabruggun sé vinsæl og svo
sé hópur fólks sem vilji taka hana
skrefinu lengra. „Þarna erum við að
tala um minni brugghús og mörkin
á milli hobbís og þeirra sem eru í
atvinnustarfsemi eru orðin svolítið
óskýrari,“ segir hann.
Eitt þeirra brugghúsa, sem nýlega
hafa verið stofnuð, er í Vestmanna-
eyjum, en eigendurnir kalla það
The Brothers Brewery. Öll tilskilin
leyfi til áfengisframleiðslu hafa
verið fengin og er leyfishafinn veit-
ingastaðurinn Einsi kaldi. Fram-
leiðslan er seld á veitingastaðnum.
„Flaggskipið okkar heitir Eld-
fjall og er Red-ale týpa. Hann inni-
heldur chili og söl og sölin eru tínd
í Eyjum,“ segir Kjartan Ólafsson
Vídó, einn þeirra sem standa að
brugginu. Kjartan segir að reynt sé
að hafa eitthvað sem minnir á Vest-
mannaeyjar í bjórunum.
Kjartan segir að viðtökurnar við
bjórunum hafi verið þannig að
þeir félagarnir séu að velta fyrir
sér hvort rétt sé að stofna sérstakt
fyrirtæki um framleiðsluna og
fá nýtt húsnæði þannig að hægt
verði að framleiða í meira magni.
Það sé vissulega draumurinn. „En
við erum samt hógværir og viljum
ekki fara í of stórar framkvæmdir
sem við gætum ekki staðið undir,“
segir hann
Stefán segist telja að til þess að
örbrugghús sé lífvænlegt þurfi að
framleiða um sjötíu þúsund lítra
á ári og menn þurfi að sjá sjálfir
um framleiðsluna. Það þurfi lág-
marks yfirbyggingu. Þá segir Stefán
mikilvægt að vera með brugghúsin
á landsbyggðinni, því það sé ekki
nóg að höfða til bjóráhugamann-
Brugghúsabylgja er
í uppsiglingu á Íslandi
Fimm íslensk örbrugghús selja framleiðslu sína í Vínbúðunum. Enn fleiri
smærri brugghús hyggja á landvinninga. Stefán Pálsson, sagnfræðingur og bjór-
áhugamaður, segir mikilvægt að starfrækja brugghúsin á landsbyggðinni.
Það er bylgja í
uppsigl-
ingu.
Stefán Pálsson bjór-
áhugamaður
Íbúðalánasjóður hefur tekið til-
boðum frá fjárfestum í tíu eignasöfn
sem boðin voru til sölu í opnu sölu-
ferli fyrir áramót. Í eignasöfnunum
eru alls 362 eignir.
Fimmtán eignasöfn voru auglýst til
sölu fyrir áramót og bárust 43 kaup-
tilboð í þau, en frestur til að skila inn
tilboðum rann út í byrjun febrúar.
362
eignir seldar
Miðasala á miði.is
O L D B E S S A S T A Ð I R
Sokkabandið kynnir
eftir Sölku Guðmundsdóttur
í leikstjórn Mörtu Nordal
Sýningar
14. febrúar – 20.30
18. febrúar – 20.30
20. febrúar – 20.30 
27. febrúar – 19.00
04. mars – 20.30
„Byltingin er hafin! Til hamingju með Old Bessastaði!“
– Kristín Ómarsdóttir
„Meinfyndið og beitt leikverk..talar beint inn í okkar samtíma.“
– S.J. Fréttablaðið
„Allar vinna þær (leikkonurnar) vel úr efnivið sínum undir smekkvísri
stjórn Mörtu Nordal...“ – Þ.T. Morgunblaðið
anna á höfuðborgarsvæðinu. „Þú
vilt ná lókal-patriotismanum. Bæði
viltu geta gert út á það að á ferða-
mannastöðunum eru alltaf ein-
hverjir sem vilja fá eitthvað lókal.
Og svo vill fólk líka kaupa fram-
leiðslu frá sínu eigin heimasvæði.“
jonhakon@frettabladid.is
1 7 . f e b r Ú a r 2 0 1 6 M i ð V i k u d a g u r2 Markaðurinn