Fréttablaðið - 19.09.2015, Qupperneq 38

Kosningabaráttan í Bandaríkjunum fyrir forsetakosn-ingarnar á næsta ári er engan veginn stutt eða hnitmið-uð, þótt vissulega sé
hún óspart notuð sem skemmtiefni í
fjölmiðlum.
Þetta er nærri tveggja ára og harla
langdregið ferli, sem fer af stað þegar
fyrstu stjórnmálamennirnir tilkynna
um framboð og stendur yfir allt þar
til kosningarnar eru haldnar.
Að þessu sinni var það repúblik-
aninn Rand Paul sem reið fyrstur
á vaðið stuttu eftir síðustu áramót.
Forkosningar flokkanna hefjast svo
snemma á næsta ári og kosningarnar
verða haldnar í nóvember 2016.
Á endanum verður það væntan-
lega fjárstyrkur frambjóðendanna
sem ræður úrslitum. Þeir leggja ekki
minna kapp á að höfða til auðmanna,
sem gefa í kosningasjóði, heldur en til
almennra kjósenda.
Það er ekki síst þar, sem styrkur
Donalds Trump liggur. Sjálfur er
hann auðmaður, sem hefur gefið í
kosningasjóði stjórnmálamanna, en
þarf ekki á slíkum gjöfum að halda.
Skákar í skjóli eigin auðs
Þetta gefur honum frelsi til að vekja
athygli almennings með glannalegum
Skemmtiefni
stjórnmálanna
Sjónvarpskappræður repúblikana á fimmtudagskvöldið voru haldnar í forsetabókasafni Ronalds Reagan í Kaliforníu, þar sem forsetaflugvél Reagans er höfð til sýnis. Fréttablaðið/EPA
Demókratarnir Repúblikanarnir
Guðsteinn
Bjarnason
gudsteinn@frettabladid.is
Donald Trump virðist eiga erfiðara með að komast upp með gífur­
yrði. Mætti harðari mótstöðu í kappræðum en hann á að venjast.
Enn er þó meira en ár í kosningar og lítið að marka skoðanakannanir.
Hillary
Clinton
44,7%
Bernie
Sanders
23,3%
Joe
Biden
19,2%
Meðaltal skoðanakannana 20. ágúst - 13. sept. skv. Realclearpolitics.com
Donald
Trump
30,5%
Ben
Carson
20%
Jeb
Bush
7,8%
Ted
Cruz
6,8%
Marco
Rubio
5,3%
Mike
Huckabee
4,5%
Rand Paul
3,3%
Carly Fiorina
3,3%
Scott Walker
3,0%
John Kasich
2,5%
Chris Christie
1,5%
Rick Santorum
0,8%
Rick Perry
0,8%
Bobby Jindal
0,5%
Lindsey Graham
0,3%
Kosningabaráttan langa
10. janúar 2015
Rand Paul lýsir því
yfir, fyrstur allra, að
hann óski eftir því
að verða forsetaefni
Repúblikanaflokksins í
kosningunum 2016.
janúar febrúar mars apríl maí júní júlí ágúst september október nóvember desember
12. apríl, 2015
Hillary Clinton
lýsir því yfir að
hún óski eftir að
verða forsetaefni
Demókrata-
flokksins.
1. febrúar
Forkosningar flokk-
anna tveggja hefjast.
Fyrst er kosið í Iowa,
átta dögum síðar í
New Hampshire.
14. júní verða
síðustu for-
kosningar flokk-
anna haldnar, í
höfuðborginni
Washington.
18. júlí hefst flokksþing repúblikana, þar sem
forsetaefni flokksins verður kosið. Flokksþingið
verður haldið í Philadelphíu, í Pennsylvaníuríki.
25. júlí hefst flokksþing demókrata, þar sem
forsetaefni flokksins verður kosið. Flokksþingið
verður haldið í Cleveland í Ohio.
8. nóveMbeR
2016
Kosið verður til
þings og forseta
í bandaríkjunum
2015 2016
yfirlýsingum og hálfgerðum trúðslát-
um, en láta sér í léttu rúmi liggja hvað
fjársterku gefendunum sýnist.
Hann notar sér þetta líka til að
skjóta á mótframbjóðendur sína fyrir
að vera háðir fjármagni annarra. Og
enn þá ber hann höfuð og herðar yfir
aðra frambjóðendur Repúblikana-
flokksins í skoðanakönnunum.
Trump í vörn
Í sjónvarpskappræðum repúblikana á
CNN á fimmtudagskvöld átti hann þó
aldrei þessu vant í vök að verjast. Mót-
frambjóðendur hans eru greinilega
orðnir óhræddari við að skjóta á móti.
Einn þeirra, Scott Walker, ríkis-
stjóri í Wisconsin, sagði enga þörf
fyrir lærling í Hvíta húsið. Og Bobby
Jindal sagði demókratann Hill-
ary Clint on,  sem líklegust þykir til
að keppa um forsetaembættið við
einn repúblikananna,  græða mest
á persónulegum svívirðingum eins
og Trump hefur stundað í kosninga-
baráttunni.
Líklega var það samt Carly Fior-
ina, eina konan í hópi repúblikana á
sviðinu, sem kom stærsta högginu á
Trump að þessu sinni, þegar hún var
spurð út í niðrandi ummæli hans um
útlit hennar. Þá sagði hún: „Ég held
að allar konur í Bandaríkjunum hafi
heyrt mjög greinilega hvað Trump
sagði.“ Trump varð heldur vandræða-
legur, og ekki tókst honum að bæta
stöðu sína þegar hann í framhaldinu
lét þess getið að sér þætti hún bara
afskaplega falleg.
Hreyfingar á fylgi
Þegar skoðanakannanir eru skoðaðar
vekur reyndar sérstaka athygli að sá
frambjóðenda repúblikana, sem hefur
unnið mest á undanfarið, er heila-
skurðlæknirinn Ben Carsons, sem er
eins ólíkur Trump og hugsast getur.
Carson talar varlega og reynir
jafnan að vera málefnalegur, og það
hefur skilað honum því að vera kom-
inn upp í 20 prósenta fylgi. Hann er
þar með í öðru sæti á eftir Trump,
sem er með 30 prósent í skoðana-
könnunum. Hinir eru allir langt á eftir
þeim báðum.
Þann fyrirvara verður þó að gera
að enn er meira en ár í kosningar og
skoðanakannanir nú þar af leiðandi
lítt marktækar.
Clinton dalar
Hjá demókrötum er það enn Hillary
Clinton, sem er með öruggt forskot,
en þetta forskot hefur hins vegar
minnkað töluvert á síðustu vikum.
Þar á væntanlega einna stærstan hlut
vandræðagangur hennar vegna tölvu-
pósta, sem hún vistaði á einkavefþjón
þegar hún var utanríkisráðherra í stað-
inn fyrir að nota ráðuneytisvefþjón.
Hún hefur verið gagnrýnd fyrir
þetta háttalag og ekki tekist almenni-
lega að snúa sig út úr því, þótt hún segi
hreint út að þetta hafi stafað af klaufa-
skap hennar sjálfrar og vankunnáttu.
Hún var lengi vel með 60 prósenta
fylgi en er nú komin niður undir 40
prósent, og bæði Joe Biden varafor-
seti og róttæklingurinn Bernie Sand-
ers hafa unnið verulega á síðustu
vikurnar.
Mest hefur þar komið á óvart hið
góða gengi Bernie Sanders, sem höfð-
ar sérstaklega til grasrótarandstöðu
við auðvaldið og stendur með þeim
sem minna mega sín.
Bobby Jindal sagði
demókratann Hillary
Clinton, sem líklegust
þykir til að keppa um
forsetaembættið við einn
repúblikananna, græða
mest á persónulegum
svívirðingum eins og
Trump hefur stundað í
kosningabaráttunni.
»
1 9 . s e p t e M b e R 2 0 1 5 L A U G A R D A G U R38 H e L G i n ∙ F R É t t A b L A ð i ð