Fréttablaðið - 19.09.2015, Qupperneq 78

Fólk| helgin
Markmið fyrirlestranna „Verum ástfangin af líf­inu“ sem Þorgrímur Þrá­
insson flytur um þessar mundir
í grunnskólum landsins er að
kveikja neista í ungmennunum
svo þau beri sig eftir draumum
sínum í stað þess að treysta á
aðra. „Hvert og eitt okkar er
kraftaverk og í ljósi þess að við
notum aðeins lítinn hluta af hæfi­
leikum okkar almennt geta allir
gert miklu betur og náð lengra en
þá órar fyrir. Við erum öll okkar
eigin gæfu smiðir,“ segir Þorgrím­
ur. Hann stefnir að því að halda
fyrirlesturinn í öllum grunnskól­
um í vetur og áþekkan fyrirlestur
í fyrirtækjum. „Það er ekki síðra
að fá að vera með hugleiðingar
um lífið og tilveruna í hópi full­
orðinna.“
Það eru allir leitandi
Til þess að fylgja fyrirlestrunum
eftir stofnaði Þorgrímur Face­
book­síðu með sama heiti og fyr­
irlestrarnir. „Vinur minn, Ólafur
Stefánsson, fyrrverandi hand­
boltahetja, sem hlýddi á fyrirlest­
urinn, ráðlagði mér að opna síðu
til fylgja eftir því sem ég segði við
krakkana svo þeir gætu horft á
fleiri myndbönd, prentað út eyðu­
blöð um markmiðasetningu og
fundið annað efni. Á örfáum dög­
um hafa um þrjú þúsund horft á
myndböndin og ég bæti fleirum
við með reglubundnum hætti.“
Verum ástfangin af lífinu inni­
heldur stutt myndbönd sem ættu
að hvetja fólk til að lifa frábæru
lífi, bera ábyrgð á velferð sinni,
hrósa og gera góðverk. Spurður
að því hvort Íslendingar tengi
almennt við þessa lýsingu segir
Þorgrímur að allir Íslendingar
sem hann þekki tengi við hana.
„Kannski þekki ég bara ákveðna
tegund Íslendinga?“ spyr hann sig
í kjölfarið og bætir svo við: „Það
eru allir leitandi, hvort sem þeir
viðurkenna það eða ekki, leitandi
eftir innri ró eða sínum sannleika
en á meðan við lifum lífinu fyrir
utan okkur sjálf, í kapphlaupi
eftir hégóma, þá nálgumst við
síður okkar innri sannleika.“
dreyMir uM jafnvægi
Þorgrímur segir það ekki hvarfla
að sér að halda að lífið sé ein­
göngu það sem við okkur blasir
dagsdaglega.
„Ég er leitandi eins og aðrir og
finn frið í náttúrunni, þögninni,
einverunni en ég er líka fullkom­
lega frjáls þegar ég held fyrir­
lestra. Það eru forréttindi að fá
að hitta ungt fólk og sá fræjum
og á þeim vettvangi liggur ástríða
mín um þessar mundir.“ Spurður
að því hvort sá andlegi þanka­
gangur sem lesa má á milli lína
hjá Þorgrími hafi ágerst hjá
honum með hækkandi aldri og
auknum þroska svarar hann: ,,Ég
sveiflast á milli þess að vilja feta í
fótspor Gísla á Uppsölum og þess
að vera í hringiðunni með lands­
liðinu í knattspyrnu, eldlínunni.
Ég hef ekki sagt mitt síðasta
orð en mig dreymir um að kafa
dýpra í „andann“ og vera ávallt í
fullkomnu jafnvægi, hvað sem á
dynur.“
Þorgrímur ver helginni á
Austurlandi og ætlar líklega að
kíkja á steinasafnið hennar Petru
á Stöðvarfirði og trítla á einhver
fjöll ef vel viðrar. Hann var til í að
svara nokkrum spurningum um
hvernig dæmigerðum helgum hjá
honum er háttað.
„Dæmigerð helgi hjá mér er
Kaffitár í Bankastræti snemma
á laugardegi. Kíki á leik hjá Val
eða Víkingi Ólafsvík, velti síðan
vöngum yfir því hvort ég eigi
að taka til og ryksuga heima en
slíkar vangaveltur skemma ekki
kvöldið. Sunnudagar eru áþekkir;
vinna, fjölskyldan, jafnvel golf ef
vel viðrar.“
Hver er óskamorgunmatur-
inn um helgar? Að fara með
fjölskylduna í Sandholt bakarí á
Laugavegi og njóta þess góðmetis
sem er þar í boði, og ljúka honum
með súkkulaðikrossant og cap­
puccino.
Hver er yfirleitt helgar-
morgunmaturinn? Hafragrautur
og banani en annað slagið fæ ég
mér ristað kaffibrauð á Kaffitári í
Bankastræti með smjöri, sultu og
osti. Það er ljúffengt.
Þegar þú ferð út að skemmta
þér hvað finnst þér skemmti-
legast að gera? Gott leikhús er
gulls ígildi og að fara út að borða
í góðra vina hópi en ég rata ekki
um skemmtistaði borgarinnar.
Sefur þú út um helgar?
Stundum nýt ég þess að vakna
ekki fyrr en ég er búinn að sofa
en það er frekar fátítt á fjölmennu
heimili.
Vakir þú fram eftir? Þeim
dögum fer fækkandi enda nýt
ég þess í botn að vera á milli
svefns og vöku því þá flýg ég oft
á vit ævintýranna. Ég held að
ég sé geimvera, eins og Heimir
Hallgrímsson, landsliðsþjálfari í
knattspyrnu.
Ef þú ert næturhrafn færðu
þér eitthvað í gogginn á kvöld-
in? Ég er ekki kvöldlystugur en
ef ég finn nammi á heimilinu
hverfur það fljótt.
Ertu með nammidag? Hvaða
nammi færðu þér? Allir dagar
hjá mér eru nammidagar en ég
nýti mér það sjaldan. Lakkrís­
rúllur eru freistandi sem og líf­
rænt súkkulaði sem frúin fellur
oft fyrir. Hún er reyndar í áskrift
hjá einhverju kókosbollufyrirtæki
sem er með heimsendingarþjón­
ustu. Ekki hafa það eftir mér!
Hvað verður í sunnudags-
kaffinu? Ég verð á Austurlandi
fram í byrjun október, dvel án efa
í góðu yfirlæti hjá Ingimari Jóns­
syni á Stöðvarfirði um helgina
og kíki með honum í steinasafn
Petru. Kannski verða bláber í
sunnudagskaffinu, kleinur eða
bara harðfiskur.
 n liljabjork@365.is
Í góðu jafnvægi
Ég sveiflast á milli þess að vilja
feta í fótspor Gísla á Uppsöl-
um og þess að vera í hringiðunni
með landsliðinu í knattspyrnu,
eldlínunni. Ég hef ekki sagt mitt
síðasta orð en mig dreymir um
að kafa dýpra í „andann“ og vera
ávallt í fullkomnu jafnvægi.
forréttindi að
hitta ungt fólk
kveikir neista Rithöfundurinn Þorgrímur Þráinsson ferðast nú um landið
og flytur fyrirlesturinn „Verum ástfangin af lífinu“ í grunnskólum landsins.
verður á austurlandi Þorgrímur ver helginni á Austurlandi og ætlar líklega að kíkja á steinasafnið hennar Petru á Stöðvarfirði
og trítla á einhver fjöll ef vel viðrar. MYND/STEFÁN
Nýjar vörur frá
OLSEN
VILTU DANSA
FYRIR OKKUR?
Skráning í áheyrnarprufur er hafin.
Smelltu þér inn á www.stod2.is/talent