Kiwanisfréttir - 01.08.2006, Blaðsíða 14

ITALIUFERÐ KIWANISMANNA
OG KVENNA 2006
Það var myndarlegur hópur
Kiwanismanna og -kvenna
ásamt mökum, sem mættu á
Keflavíkurflugvöll annan í
hvítasunnu 5. júní sl. um
hádegisbil. Hér voru á ferð 133
manns. Ferðinni var heitið til
Italíu á Evrópuþing Kiwanis
sem haldið var í Róm dagana
9. og 10. júní. Ég ætla að láta
öðrum það eftir að gera grein
fyrir þinginu, sem mér þótti
ekki mikið til koma.
Flogið var frá Islandi til
Mílanó og komið þangað kl.
18:35 á staðartíma, síðan var
framhaldsflug fyrir flesta til
Napólí kl.20:50 og komið
þangað kl. 22:30 og skömmu
síðar á hótelin.
Það var galli á gjöf Njarðar að
nokkrir félagar urðu að taka
flug til Rómar og aka síðan í
langferðabifreið til Napólí sem
tók nokkurn tíma og voru þeir
að vonum þreyttir eftir
ferðina.
Næsta morgun vöknuðu
flestir nokkuð hressir og nú
var ferðinni heitið til
eyjarinnar Caprí, sem Davíð
Stefánsson o.fl. hafa dásamað
svo mjög. Eftir 45 mínútna
siglingu var komið til Caprí og
er ekki ofsögum sagt hversu
heillandi hún er. Við fórum í
siglingu kringum eyjuna og er
með ólíkindum að fólk skuli
búa þarna, því ekkert
undirlendi er og húsin hanga á
klettabrúnum. Það varð ein-
hverjum á orði „ekki vildi ég
vera með börn þarna" þv£ ef
farið var út á svalir voru fleiri
tugir metra niður í sjó.
Einhver orðaði það svo að
ef maður dytti út um glugga,
þá hefði hann tíma til að klæða
sig úr og þegar í sjó kæmi væri
hann á sundskýlu, svo hátt
væri niður.
Það er skemmst frá því að
segja að dagurinn á Caprí
verður sennilega sá ógleyman-
legast í ferðinni. Ég segi ekki
að það hafi ekki borið skugga
á, en þegar við neyttum
síðbúins hádegisverðar fór að
rigna og þvílík rigning, með
þrumum og eldingum og að
síðustu hagléli.
Síðla dags var siglt aftur til
Napólí og kvöldinu eytt í að
fara á veitingastaði, bæði fjær
og nær hótelunum og njóta
bæjarlífsins.
Að morgni 7. júní var haldið af
stað frá Napólí og held ég að
fæstir hafi saknað þess, þó svo
kynnin hafi ekki verið mikil,
því víða hef ég komið en held
að þetta hafi verið toppurinn á
sóðaskap sem ég hef séð.
14