Morgunblaðið - 17.10.2019, Qupperneq 2

Tölvuteikning/Rakel Karls
Vogabyggð Þar er að rísa nýtt íbúðahverfi og framkvæmdir þegar hafnar.
Borginni stefnt vegna innviðagjalds
 Byggingarverktaki segir að álagning innviðagjalds sé ólögmæt  Krefur borgina um endurgreiðslu
Stefna byggingarverktakans Sér-
verks ehf. á hendur Reykjavíkur-
borg vegna innviðagjalda verður
þingfest í Héraðsdómi Reykjavíkur í
dag. Borginni er aðallega stefnt til
endurgreiðslu oftekinna gjalda en til
vara að ólögmæti innviðagjalds verði
viðurkennt. Sérverk segir að álagn-
ing innviðagjaldsins sé ólögmæt.
Tekjuöflun sveitarfélaga verði að
byggjast á heimild í lögum, óháð því
hvort um er að ræða skattheimtu eða
gjald fyrir þjónustu.
Sérverk keypti Kuggavog 5 af
Vogabyggð ehf. og tók m.a. yfir
skuldabréf vegna innviðagjalda.
Uppgreiðsluverð þess í október 2018
var rúmlega 120 milljónir króna.
Sérverk skrifaði borginni 11. sept-
ember 2018 og sagði að álagning inn-
viðagjaldsins stæðist ekki því ekki
væru heimildir í lögum til innheimtu
þess. Því síður rúmaðist innviða-
gjaldið innan tekjuöflunarheimilda
sem borgin hefði á einkaréttarlegum
grunni. Fyrirtækið krafðist þess að
fá innviðagjaldið endurgreitt. Borgin
hafnaði því alfarið.
Í stefnunni er m.a. vitnað í minnis-
blað til borgarstjóra þar sem kemur
fram að áformaðar séu framkvæmd-
ir í hverfinu við gerð gatna, torga,
stíga, nýrra stofnlagna, strandstíga,
útsýnis- og göngupalla, landfyllinga
og grjótvarna. Einnig göngubrú og
stíflu við Háubakkatjörn, brú yfir
Naustavog, færslu á Kleppsmýrar-
vegi og færslu skolpdælustöðvar.
Innviðakostnaður þessi er metinn
tæpir fimm milljarðar króna í frum-
kostnaðaráætlun. Samtök iðnaðarins
rituðu borginni 3. janúar 2017 og
spurðust m.a. fyrir um heimild til að
leggja á innviðagjöld. Borgarlög-
maður taldi að borgin þyrfti ekki
lagaheimild til töku innviðagjalda
þar sem um væri að ræða einkarétt-
arlegan samning við lóðarhafa um
samstarf við uppbyggingu hverfa í
borginni.
Þess er getið í stefnunni að emb-
ætti borgarlögmanns hafi lagt fram
tillögur í nóvember 2018 um gjald-
tökuheimildir vegna uppbyggingar
almenningssamgangna. Þar sé lagt
til að annaðhvort verði skipulagslög-
um breytt til að leyfa innheimtu inn-
viðagjalds eða sett verði ákvæði um
nýjan gjaldstofn í lög um gatnagerð-
argjald. gudni@mbl.is
2 FRÉTTIRInnlent
MORGUNBLAÐIÐ FIMMTUDAGUR 17. OKTÓBER 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ð
b
á
f
i
595 1000
Verð frá kr.
89.995
7 nætur á
3, 6 eða 13. nóvemberðverð
ge
tur
br
ey
st
án
fyr
ir
.
g
Tenerife VIÐTALMargrét Þóra ÞórsdóttirAkureyri
Stefán Sigurðsson á Akureyri fagnaði hundrað ára afmæli
sínu í gær, 16. október, og þótti helst til of mikið umstang í
kringum kaffitímann. „Það er bara eins og maður sé eitt-
hvert stórmenni“, sagði hann. Bæjarstjórinn á Akureyri,
Ásthildur Sturludóttir, heiðraði Stefán með nærveru sinni
og fékk sér afmæliskaffi með honum og gestum hans. Þá
barst honum kort frá forseta Íslands sem honum þótti
mikið til koma.
Flutti 14 ára til Akureyrar
Stefán fæddist í Stóradal í Djúpadal í Eyjafirði. Hann
er sonur Sigurðar Stefánsson, bónda í Kambfelli og Mel-
gerði í Eyjafjarðarsýslu, síðar á Akureyri, og Lilju Jó-
hönnu Stefánsdóttur. Hann fæddist í torfbæ en þegar
hann var um eins árs aldur flutti fjölskyldan í timburhús
sem afi hans, Stefán Jóhannesson, reisti á jörðinni. Lífið
lék ekki beint við fjölskylduna, móðir hans lést ung að ár-
um, Stefán var þá á tólfta ári en hann missti einnig systur
sínar tvær. Stefán flutti til Akureyrar 14 ára gamall með
föður sínum, móðurafa og móðursystur og settist fjöl-
skyldan að í Innbænum, í húsi í Aðalstræti 17. Þar bjó
Stefán þar til hann festi ráð sitt og flutti í Þórunnarstræti
118 þar sem hann bjó í 60 ár, allar götur þar til hann flutti
á Dvalarheimilið Hlíð í maí árið 2016. Kona hans var
Annalísa Helga Sigurðardóttir, Anelise Helga Holm, sem
fædd var í Danmörku en kom til Akureyrar um tvítugt.
Hún lést árið 2000. Annalísa og Stefán eignuðust þrjár
dætur, tvíburana Lilju og Helgu og Sóldísi. Helga lést
fyrr á þessu ári. Afkomendur Stefáns eru 10 talsins.
Langlífi er í ætt Stefáns, en faðir hans varð 94 ára gam-
all og amma hans í föðurætt náði 97 ára aldri. Eitt af móð-
ursystkinunum hans varð 95 ára.
Í meira en hálfa öld í verksmiðjunum
Ævistarf Stefáns var í verksmiðjunum á Gleráreyrum á
Akureyri, lengst starfaði hann í Skógerð Iðunnar, var
verkstjóri í sníðadeild. Lilja dóttir hans segir að starfið í
skódeildinni hafi verið hans ær og kýr. „Hann var mættur
fyrir allar aldir á morgnana, um 6, og var þarna meira og
minna allan daginn alla daga, hann lifði og hrærðist í
vinnunni.“ Lilja starfaði sjálf í skódeildinni um tíma og
undir hans stjórn. Stefán vann í verksmiðjunum í ríflega
hálf öld, eða 52 ár.
Stefán var fjölskyldumaður og hafði ánægju af bók-
lestri, átti hann mikið bókasafn. Hann tók þátt í starfsemi
Ferðafélags Akureyrar og hafði unun af því að ganga á
fjöll, einkum kringum Akureyri. Hann var einnig í Skóg-
ræktarfélagi Eyfirðinga og tók þátt í gróðursetningu með
félaginu hér og hvar um Eyjafjörð, m.a. í Vaðlareit hand-
an Akureyrar.
Stefán hefur lengst af dvöl sinni á Hlíð verið við þokka-
lega líkamlega heilsu en er aðeins farinn að gefa eftir í
seinni tíð.
„Eins og maður sé
eitthvert stórmenni“
Morgunblaðið/Margrét Þóra
100 ára Stefán Sigurðsson ásamt dætrum sínum, Lilju og Sólrúnu, og Ásthildi Sturludóttur bæjarstjóra.
 Stefán Sigurðsson á Akureyri fagnaði 100 ára afmæli
Ófögur sjón blasti við augum við
Rauðavatnið, en í kringum það er
mikil náttúrufegurð og vinsælt úti-
vistarsvæði fyrir göngufólk og
hestamenn. Einhver hafði farið
þangað og losað sig við alls konar
drasl.
Bjarni Brynjólfsson, upplýs-
ingastjóri Reykjavíkurborgar, seg-
ir að rekist fólk á drasl á víðavangi í
borgarlandinu eigi það að senda
ábendingu um það á heimasíðu
borgarinnar. Starfsmenn borg-
arinnar muni þá hreinsa til. Hann
segir nokkuð algengt að tilkynn-
ingar berist um að drasli sé hent á
víðavangi.
Bjarni hafði heyrt að á sam-
félagsmiðlum væri boðið upp á að
losa fólk við drasl gegn vægu gjaldi.
Í stað þess að fara með það í Sorpu
hefði því verið hent úti í náttúrunni.
„Það er algjörlega forkastanlegt
að á 21. öldinni sé fólk enn að
fleygja svona á víðavangi,“ sagði
Bjarni. gudni@mbl.is
Alls konar rusli er
hent úti á víðavangi
 Algengt að tilkynningar berist
Morgunblaðið/Árni Sæberg
Við Rauðavatn Fólk vill líklega ekki sjá svona sóðalega umgengni þegar
það fer í heilsubótargöngu eða reiðtúr sér til ánægju úti í náttúrunni.