Morgunblaðið - 17.10.2019, Page 14

14 DAGLEGT LÍF
MORGUNBLAÐIÐ FIMMTUDAGUR 17. OKTÓBER 2019
Sigurður Bogi Sævarsson
sbs@mbl.is
Síðari heimsstyrjöldin ersögusvið tölvuleiksinsKards sem íslenska tölvu-leikjafyrirtækið 1939 Ga-
mes er með í smíðum um þessar
mundir. Verkið er langt komið og
síðan í apríl síðastliðnum hafa spil-
arar með PC-tölvur getað nálgast
reynsluaðgang að leiknum á leikja-
veitunni Steam. „Að vissu leyti för-
um við nokkuð troðnar slóðir. Kards
er í grunninn klassískur rafrænn
safnkortaleikur en bætum við tölu-
vert mikilli herkænsku sem gerir
þetta að spennandi bræðingi,“ segir
Ívar Kristjánsson, framkvæmda-
stjóri 1939 Games.
Þekking á sögunni til bóta
„Það er gott að þekkja nokkuð
til sögu seinni heimsstyrjaldarinnar
þar sem stríðstækin og herdeildir
eru að mestu sögulega réttar í leikn-
um. Reyndar virðist það vera svo að
flestir sem spila leikinn í dag eru
fullorðið fólk, þar sem meðalaldur er
32 ára, og hefur áhuga á sögunni,“
segir Ívar ennfremur.
Í dag vinna alls 11 manns – auk
undirverktaka – við framleiðslu á
Kards og eru menn langt komnir
með þróunina. Í raun er aðeins fín-
pússning eftir en leikurinn verður
gefinn út fyrir PC-tölvur í byrjun
febrúar næstkomandi og svo fyrir
snjallsíma næsta vor.
Bræðurnir Ívar og Guðmundur
Kristjánssynir stofnuðu 1939 Games
fyrir fjórum árum með það fyrir
augum að koma hugmyndum að
tölvuleiknum í veruleika. Þeir bræð-
ur eru öllum hnútum kunnugir í
tölvuleikjaframleiðslu, en Ívar var
einn stofnenda CCP og þeir bræður
störfuðu báðir þar áralangt.
Fjögurra ára þróunarvinna
Um fjögur ár eru síðan byrjað
var að leggja grunninn að þeim leik-
kerfum og hanna það útlit sem leik-
urinn Kards styðst við. Svo tók við
forritun og tæknivinna, þar sem val-
inn maður er í hverju rúmi. Í upphafi
fengu þeir bræður frumherjastyrk
frá Tækniþróunarsjóði og nokkra
englafjárfesta, sem svo eru kallaðir,
að verkefninu. Síðar fékk fyrirtækið
50 milljóna króna vaxtarstyrk frá
Tækniþróunarsjóði. Á síðasta ári
komu svo sterkir erlendair og inn-
lendir fjárfestingarsjóðir að verk-
efninu en heildarfjármögnun nemur
í dag um 3,4 milljónum Bandaríkja-
dala.
„Ég hef mikið spilað ýmiss kon-
ar herkænskuborðspil og tölvuleiki
frá unga aldri og hef líka lengi haft
sérstakan áhuga á leikjum þar sem
sögusviðið er seinni heimsstyrjöldin.
Einnig hafði ég verið að töluvert í
safnkortaspilum en þema slíkra
leikja er oftar en ekki ævintýra-
heimar fullir af göldrum, drekum,
álfum og slíku. Við bræðurnir sáum
okkur því leik á borði og einhentum
okkur í verkefnið,“ segir Guð-
mundur sem er yfirhönnuður við
gerð þessa tölvuleiks og öllum hnút-
um kunnugur í faginu.
Kards gengur út á að búa til 40
spila stokk úr spilum sem spilarar
safna og eiga. Má segja að spilin séu
vopnabúr spilaranna í leiknum og
spilarar geta valið að spila sem
helstu stórþjóðirnar sem börðust í
heimsstyrjöldinni, Bandaríkin, Bret-
land, Þýskaland, Sovétríkin og Jap-
an.
Mynda bandalag þjóða
Almennt er sagt að upphaf síð-
ari heimsstyrjaldarinnar hafi verið
innrás Þjóðverja í Pólland 1. sept-
ember 1939 – en Bretar og Frakkar
lýstu yfir stríði á hendur Þjóðverjum
tveimur dögum síðar. Framvinduna
þarf ekki að rekja hér, henni er ekki
heldur fylgt nákvæmlega í tölvu-
leiknum en hin sögulega skírskotun
er öllum ljós.
„Leikmenn geta spilað með eina
þjóð eða búið til bandalag tveggja
þjóða og spila síðan við aðra leik-
menn eða tölvuna. Hver þjóð hefur
ákveðinn sögulegan bakgrunn og
eiginleika og svo sína hermenn,
skriðdreka, fallbyssur, orrustu- og
sprengiflugvélar. Hertækin eru að
mestu sögulega rétt innbyrðis og
eru raunupplýsingar á hverju spili
fyrir þá sem vilja fræðast meira um
viðkomandi herdeild eða hertæki,“
segir Ívar.
Sterkur stokkur mikilvægur
„Hvert spil í leiknum stendur
fyrir herdeildir, flugvélar, skrið-
dreka, fallbyssur og ýmiss konar
skipanir og viðburði. Það er í raun
jafnmikilvægt að búa til sterkan
stokk og hvernig hann er spilaður en
hver leikmaður getur átt marga mis-
munandi stokka hverju sinni,“ segir
Guðmundur. „Vilji fólk svo bæta við
sig spilum getur það keypt sér-
stakan pakka fyrir gull sem það
vinnur sér inn við að spila leikinn
eða greiða þeir sérstaklega fyrir
með peningum. Leikurinn er svo-
kallaður Free To Play og flestir spil-
arar eða 85-90% eyða engu í leiknum
en þeir sem eyða peningum eru
kannski að eyða að meðaltali 25-35
dollara á mánuði og í gegnum það
fáum við tekjurnar.“
Morgunblaðið/Sigurður Bogi
Frumkvöðlar Bræðurnir Guðmundur, t.v, og Ívar Kristjánsson eru stofnendur 1939 Games sem framleiðir Kards
Stríðsmyndir Í tölvuleiknum birtast á skjá myndir úr seinna stríði, svo sem af skriðdrekum og orustuflugvélum.
Herdeildir,
flugvélar og
fallbyssur
Sögusvið tölvuleiksins Kards sem íslenskir hönnuðir
hafa framleitt er heimsstyrjöldin síðari. Spilarar hafa
vopnabúr tiltækt þegar þeir stíga inn á vígvöll og berj-
ast til síðasta manns í stafrænum heimi.
Í dag er Kards-leikurinn fáanlegur fyrir PC-tölvur á Steam og á næsta
vori verður hann svo tækur á snjalltækjum. Þá getur fólk farið að spila
leikinn sín á milli í snjalltækjum – eða þá milli síma og tölvu. KARDS not-
ast við kerfi sem svipar til ELO-stiga kerfis sem menn þekkja úr skák-
heiminum. Með því eru spilarar paraðir saman við þá sem eru á svipuðu
styrkleikastigi. Núna stendur yfir heimsmeistaramótið í KARDS þar sem
900 stigahæstu leikmennirnir um heim allan keppa um heimsmeistara-
titilinn. Úrslitaviðureignir fjögurra efstu manna fara fram á Íslandi í des-
ember næstkomandi.
„Við þróun tölvuleikja er alltaf mjög gaman þegar viðbrögð spilaranna
fara að koma Við erum núna því stödd í skemmtilegasta hluta ferlisins að
mínu mati og erum mjög sátt við þátttökuna og þá endurgjöf og dóma
sem við höfum fengið,“ segir Ívar Kristjánsson. „Um helmingur spilara er
frá Evrópu og fjórðungur spilaranna frá Bandaríkjunum og Kanada, þá
virðist vera mikill áhugi á leiknum í Kína og Japan og að undanförnu hef-
ur Brasilía komið mjög sterk inn. Síðasta föstudag þegar fjöldi þátttak-
enda náði 100 þúsund skáluðum við á vinnustofunni okkar hér á Granda-
garði og gerum það næst þegar spilarar verða orðnir jafn margir íbúum á
Íslandi, eða um 350 þúsund.“
Viðbrögð og endurgjöf góð
ÞÁTTTAKENDUR Í LEIKNUM ERU ORÐNIR 100 ÞÚSUND
Luxurius 2 bedroom
Luxurius 2 bedroom apartment abt. 140 m2 with all accessories, wifi,
fridge, light, curtains, washing and drying machines and even some nice
furniture if desired, spacious storage room in cellar. Ideal for 2 childless
respectable working couples. 360.000 ikr per month all included.
Optional 1 car parking in car cellar plus some storage cabinet there
extra for 50.000 ikr/month. No pets allowed and only quiet respectable
employed parties will be accepted.
The flat is on first floor, bright with windows in 3 directions and beautiful
vista, with a patio for sunning and grilling. Wonderful quite neighbors
and surroundings. Swimming pool and and facilities next door. Located
in Boðaþing 8, flat no. 106.
Also we have a good flat on second floor abt 100 m2 under an inclined
roof with 2 bedrooms, sauna and plenty of storage room. Rent is
240.000 ikr/month all included. Location Hliðarhjalli 46, 200 Kópavogur.
This is a quiet 3 story villa with good garden in a nice neighborhood and
present residents are mostly very nice working polish people.
halldorjonss@gmail.com
VR óskar eftir orlof
VR óskar eftir að leigja vönduð sumarhús eða
orlofsíbúðir til framleigu fyrir félagsmenn sína.
Leitað er eftir húsnæði á landsbyggðinni fyrir
næsta sumar.
Áhugasamir sendi upplýsingar á vr@vr.is
fyrir 15. nóvember 2019.
Eftirfarandi upplýsingar þurfa
að fylgja:
VR • Kringlunni 7 • 103 Reykjavík • Sími 510 1700 • vr@vr.is • vr.is
• Lýsing á eign og því sem henni fylgir
• Ástand íbúðar og staðsetning
• Stærð, fjöldi svefnplássa og byggingarár
• Lýsing á möguleikum til útivistar og
afþreyingar í næsta nágrenni
Öllum tilboðum verður svarað.