Fréttablaðið - 22.02.2020, Page 70

myndina svo eitthvað sé nefnt.
Þannig að þetta er orðinn nokkur
fjöldi, en enginn þeirra sem ég hef
unnið með áður tók verðlaunagrip-
inn með sér heim, þannig að þetta
ár hefur einnig verið mjög sérstakt
fyrir sjálfan mig.
Það er ekki nóg með að ég hafi
hannað útlitið á tilnefndri mann-
eskju heldur líka stelpunni sem
hlaut verðlaunin! Sem er svooooo
svalt. Alveg meiriháttar og Dr.
Hauschka heimurinn allur nötrar
líka af spenningi, vegna þess að
þetta eru snyrtivörurnar okkar sem
Hildur bar á sviðinu í þessum líka
stórkostlega flokki.“
Sagan skrifuð í tónum
„Hildur er fyrsta konan sem sigrar
þennan f lokk, þannig að hún var
þarna að skrifa söguna, vegna þess
að þarna hafa karlar drottnað yfir,
en hún rauf það með sigri sínum.“
Karim segir vissulega sérstakt að
fá tækifæri til þess að farða kvik-
myndatónskáld og sigurvegara
í þessum f lokki þar sem konur
hafa verið ósýnilegar og tónskáld
kannski ekki almennt mjög upp-
tekin af sviðsljósinu og útlitinu.
„Það er kannski ekki það fyrsta
sem þér dettur í hug að manneskja
sem er mest á kafi í hljóðheimi þurfi
meiköpp eða kæri sig jafnvel ekk-
ert um förðun hjá atvinnumanni,“
segir Karim. „Þetta eru hins vegar
Óskarsverðlaunin, sem beina að
sjálfsögðu kastljósinu að henni og
ég tel nálgun okkar hafa verið mjög
náttúrulega.“
Karim leggur áherslu á að ekki
sé nóg að velja rétta farðann og til-
heyrandi, þar sem allt verður að
smella saman þegar á hólminn er
komið. „Það þarf að horfa til þess
hverju hún klæðist og allt verður
þetta einhvern veginn að renna
saman í eina sannfærandi heild;
kjóll, hár, skór, veski og farði. Þann-
ig að þetta snýst ekki bara um að
velja meiköpp og fókusinn er miklu
meira á því hver hannar kjólinn og
síðan unnið út frá því.“
Óskar utan tískustrauma
Og í þeim efnum stjórnast allt af
stund, stað og tilefni. „Grammy-
kjólinn var til dæmis hávær og
frjálslegur og andlitsmálningin
miklu sterkari en á Óskarnum,
þar sem kjóllinn var miklu klass-
ískari þannig að förðunin þurfti
að vera miklu tímalausari. Þetta
er Óskarinn og hún verður að geta
horft á myndirnar af sér eftir 25 ár
og hugsað „ó já!“ en ekki í sjokki yfir
því hvað hún hafi eiginlega verið að
pæla,“ segir Karim og lýkur þessu
skyndinámskeiði í Óskarslúkki.
„Þannig að það er í raun ekki
mikið svigrúm í þessu á viðburðum
af þessu tagi og stærðargráðu. Ég
myndi ekki eltast við helstu tísku-
strauma fyrir Óskarinn vegna þess
að þetta þarf að vera eitthvað sem
endist að eilífu.
Við brugðum miklu meira á leik
á hinum viðburðunum og vorum
meira í því að gera tilraunir. Til
dæmis á Critics Choice, sem var
fyrsta skiptið okkar og afslöppuð
samkoma bauð upp á mjög nátt-
úrulegt lúkk.“
Kvikmyndatónskáldið Hildur Guðnadóttir og alþjóðlegi förð-unar f ræðing urinn Karim Sattar búa bæði í Berlín og þótt
þau hafi bæði lifað og hrærst í
hinum stóra heimi kvikmyndanna
hittust þau ekki fyrr en á rauða
dreglinum á Golden Globe í byrjun
janúar.
Sameiginlegur áhugi á náttúru-
legum snyrtivörum frá þýska fram-
leiðandanum Dr. Hauschka varð til
þess að þessi fundur markaði upp-
hafið á fallegri vináttu, svo gripið sé
til líkingamáls frá Hollywood.
„Ég elska Ísland. Þú ert að tala við
einn ákafasta aðdáanda Íslands. Ég
er viss um að þú hefur heyrt þetta
þúsund sinnum áður en ég meina
þetta. Þetta er raunveruleg ást,“
sagði Karim þegar Fréttablaðið
náði sambandi við hann, nýkom-
inn heim til Berlínar frá Los Ange-
les, hvar verðlaunahraðlest Hildar
Guðnadóttur nam staðar, í bili að
minnsta kosti, og landaði síðasta
og eftirsóttasta verðlaunagripnum
í þessari umferð.
„Ég hef komið nokkrum sinnum
til Íslands, aðallega til Reykjavíkur,
þótt ég hafi auðvitað séð eitthvað
aðeins af landsbyggðinni. En ekki
nóg, þannig að planið hjá mér er að
skoða og uppgötva meira af landinu
næst og ég er enn spenntari núna
eftir að ég ég hef eiginlega tengst
landinu fjölskylduböndum í gegn-
um Hildi, “ segir Karim sem þrátt
fyrir f lugþreytu var enn skýjum
ofar eftir sjö ævintýralegar vikur í
verðlaunaföruneyti Hildar.
Gleðilestin brunar áfram
„Þeir Chandler og Thomas sem
sáu um kynningarmál Hildar í
Bandaríkjunum á verðlaunatíma-
bilinu eru mjög nánir vinir mínir
og Thomas kynnti okkur á rauða
dreglinum á Golden Globe,“ segir
Karim um þá Thomas Mikusz og
Chandler Poling hjá White Bear
Public Relations sem reyndust
þarna miklir örlagavaldar.
„Ég sver það, þetta var frábært
og Hildur er svo innilega ánægð
með náttúrulegu vörurnar frá Dr.
Hauschka, þannig að við höfðum
strax eitthvað að tala um og náðum
samstundis vel saman. Eitt leiddi
svo af öðru og þessi sjö vikna rússí-
banareið hófst,“ segir Karim upp-
numinn og bætir við að frá, en eðli-
lega ekki með, Golden Globe, hafi
hann séð um förðun og útlit Hildar
gegnum alla sigurgönguna.
„Ævintýrið okkar hófst á Critics
Choice viku seinna, síðan Grammy,
þá BAFTA og loks kom Óskarinn og
hún fór heim með öll verðlaunin.
Guð minn góður, þetta var svo
spennandi! Og ég er svo stoltur af
henni og því sem hún hefur áorkað,“
segir Karim og dregur hvergi úr
hrifningu sinni.
„Hildur er svo dásamleg og hlý
manneskja. Svo vingjarnleg, örlát
og traust. Ég meina ég gæti haldið
svona endalaust áfram. Ég hljóma
eins og ég sé ástfanginn,“ hlær
Karim og bætir síðan í ef eitthvað
er. „Hún er svo jarðbundin og mikil
fjölskyldumanneskja sem er í svo
miklum og góðum tengslum við
uppruna sinn. Hún elskar landið sitt
þótt hún búi í Berlín og ég held að
það setji einmitt mikilvægi Íslands
fyrir hana í ákveðið samhengi.“
Sigur fyrir land og kvenþjóð
Þið eruð þjóðrækin sem er frábært
og árangur Hildar hittir ykkur beint
í þá taug. Ég meina, ræðum aðeins
hvað hún hefur afrekað. Þetta er
ekki bara Joker-tónlistin, heldur
líka Chernobyl, sem er varanlegt
og nú þegar sígilt stórvirki þann-
ig að ég geri ráð fyrir að núna bíði
hennar ótrúlegt líf. Tilboðum á eftir
að rigna yfir hana.
Þessi viðurkenning er líka frábær
fyrir Ísland og það sem hún sagði
um konur og stelpur … bara valdefl-
ingin sem fylgir því að vera fyrsta
konan sem er tilnefnd í þessum
flokki, ég meina, þetta er sögulegt.“
Karim er síður en svo að mæra
Hildi út í bláinn enda talar hann
af þekkingu og talsverðri reynslu
þegar Óskarinn er annars vegar. „Ég
er búinn að mæta núna á Óskars-
verðlaunahátíðina fimm ár í röð
og hef á hverju ári farðað einhverja
sem eru tilnefndir, ýmist einstakl-
inga eða hópa, fyrir bestu erlendu
myndina, og fyrir bestu heimildar-
Tískuforingi
Hildar enn
í sigurvímu
Hildi Guðnadóttur og Karim Sattar varð
svo vel til vina á Golden Globe að hann
stökk um borð verðlaunahraðlestar Hildar
sem varð skömmu síðar fyrsti Óskarsverð-
launahafinn sem hann hefur notið þess
heiðurs að farða fyrir stóru stundina.
Karim Sattar og Hildur Guðnadóttir með hnöttinn gyllta og góða, sem markaði upphaf vináttu þeirra, á milli sín.
Á Óskarnum er klassíkin öruggust
og sterkur leikur að mæta í Chanel
og svörtu. NORDICPHOTOS/GETTY
Þórarinn
Þórarinsson
thorarinn@frettabladid.is
ÉG MYNDI EKKI ELTAST
VIÐ HELSTU TÍSKU-
STRAUMA FYRIR ÓSKAR-
INN VEGNA ÞESS AÐ ÞETTA
ÞARF AÐ VERA EITTHVAÐ
SEM ENDIST AÐ EILÍFU.
Umhverfisvæni
andlitsmálarinn
Þjóðverjinn Karim Sattar
hefur starfað sem alþjóðlegur
förðunarfræðingur um langt
árabil. Hann lærði í New York en
hefur einnig sótt sér þekkingu
og reynslu um víða veröld og
hefur stjórnað ljósmyndatökum
fyrir þekkt glanstímarit eins og
Vogue, Marie Claire, Cosmopo-
litan og Glamour.
Karim er réttnefndur förð-
unarmeistari fræga fólksins en
þekkt andlit úr heimi kvik-
mynda, íþrótta og stjórnmála
hafa, auk konungborinna, nýtt
sér hæfileika hans og má til
dæmis nefna Jane Fonda, Annie
Lennox og Charlene Mónakó-
prinsessu.
Karim er hugsjónamaður og í
störfum sínum heldur hann sig
alltaf þeim megin í lífinu sem
allt er vænt og grænt, svo hann
gekk til liðs við Dr. Hauschka
2012, eftir fimmtán ár hjá The
Body Shop.
Karim hefur undanfarin ár
farið með penslum sínum og
blýöntum um andlit tilnefndra
gesta á Óskarsverðlauna-
hátíðum, en Hildur Guðnadóttir
er fyrsti sigurvegarinn á þeim
vettvangi sem hann státar af að
hafa málað.
2 2 . F E B R Ú A R 2 0 2 0 L A U G A R D A G U R30 H E L G I N ∙ F R É T T A B L A Ð I Ð