Morgunblaðið - 20.12.2019, Page 29

FÖSTUDAGUR 20. DESEMBER 2019 MORGUNBLAÐIÐ 29
Ágúst Ingi Jónsson
aij@mbl.is
U
ppsjávarskipin sem eru í
smíðum og frystitogari
Nesfisks eru stór skip
og lætur nærri að upp-
sjávarskipin kosti hvort
um sig um 4,5 milljarða króna og
skip Nesfisks kostar litlu minna.
Skip Samherja og Síldarvinnsl-
unnar eru smíðuð hjá dönsku
skipasmíðastöðinni Karstensens
Skibsværft A/S. Skipin verða vel
búin í alla staði, bæði hvað varðar
veiðar og meðferð á afla, vinnuað-
stöðu og aðbúnað áhafnar. Burðar-
geta skipanna verður um 3.000
tonn af kældum afurðum. Skipin
verða 88 metrar á lengd og 16,6
metrar á breidd.
Börkur númer fimm
Skip Samherja á að leysa Vilhelm
Þorsteinsson EA 11 af hólmi, en
hann var seldur til Rússlands fyrir
ári. Nýr Vilhelm var væntanlegur
um mitt næsta ár, en nú er útlit
fyrir að skipinu seinki og það komi
ekki fyrr en í lok ágústmánaðar.
Hjá Karstensens er einnig verið
að smíða nýjan Börk fyrir Síldar-
vinnsluna í Neskaupstað. Hann
verður systurskip Vilhelms og er
gert ráð fyrir að skipið komi í
byrjun árs 2021. Nýr Börkur kem-
ur í stað eldra skips með sama
nafni, sem verið hefur í eigu Síld-
arvinnslunnar frá árinu 2014. Ný-
smíðin verður fimmta skipið í eigu
fyrirtækisins sem ber þetta nafn.
Karstensens er með höfuð-
stöðvar í Skagen í Danmörku, en
auk þess rekur fyrirtækið skips-
krokkamíðastöð í Gdynia í Pól-
landi. Skrokkar skipanna verði
smíðaðir í Póllandi, en skipin síðan
dregin til Danmerkur þar sem þau
verða fullkláruð.
Nýr Baldvin smíðaður á Spáni
Í haust var skrifað undir samninga
um smíði á nýjum Baldvin Njáls-
syni GK fyrir Nesfisk í Garði. Um
flakafrystitogara verður að ræða,
rúmlega 66 metra langt, 16 metrar
á breidd og fullkomið skip í alla
staði. Skipið verður smíðað hjá Ar-
mon skipasmíðastöðinni í Vigo á
Spáni og er væntanlegt hingað til
lands seinni hluta árs 2021. Eldri
Baldvin Njálsson GK er einnig
frystitogari, smíðaður 1990, einnig
í Vigo og bar áður nöfnin Rán HF
og OttoWathne NS.
Þá var stór frystitogari væntan-
legur til Brims hf. á árinu, en
samkvæmt tilkynningu fyrirtækis-
ins til Kauphallarinnar í lok októ-
ber ákvað Brim að ganga til
samningaviðræðna við Arctic
Prime Fisheries Aps., Qaqortog á
Grænlandi, um kaup á þessari ný-
smíði félagsins á Spáni. Gert var
ráð fyrir að niðurstöður viðræðna
lægju fyrir í síðasta lagi í lok
þessa mánaðar.
Þegar greint var frá smíðasamn-
ingnum sumarið 2017 kom fram að
samningsverðið væri rúmlega 44
milljón evrur eða sem nemur nú
rúmlega sex milljörðum krónum.
Um er að ræða stóran og afkasta-
mikinn flakafrystitogara, 81,30
metra langan og 17 metra breiðan.
Þá hefur Brim hf. boðað stór-
tækar breytingar í fiskiðjuveri
fyrirtækisins á Norðurgarði og
undirritað samning við Marel um
kaup og uppsetningu á hátækni
vinnslubúnaði og hugbúnaði fyrir
bolfiskvinnslu á Norðurgarði í
Reykjavík. Áætlað er að nýja
vinnslukerfið verði sett upp um
mitt ár 2020.
Uppbygging í landi
Samherji tekur á útmánuðum í
notkun fullkomið fiskiðjuver á Dal-
vík, sem verður meðal þeirra full-
komnustu í þessari grein. Fram
kom, er samningar voru undirrit-
aðir um lóðina á hafnarsvæðinu á
Dalvík fyrir röskum tveimur árum,
að áætluð fjárfesting í húsnæði og
búnaði næmi um 3,5 milljörðum.
Í byrjun þessa árs hófst fisk-
vinnsla í nýju 2.700 fermetra full-
komnu húsi G.RUN á Grundar-
firði. Annars staðar í þessari
samantekt er vikið að uppbygg-
ingu og breytingum hjá Skinney-
Þinganesi.
Stór skip og fullkominn búnaður
Verið er að smíða upp-
sjávarskip fyrir Sam-
herja og Síldarvinnsluna
og í haust var samið um
smíði á frystitogara fyrir
Nesfisk í Garði. Óljóst er
hins vegar hvað verður
um frystiskip sem verið
hefur í smíðum fyrir
Brim hf. á Spáni.
Tölvumynd/Skipasýn
Tölvumynd/Af heimasíðu Síldarvinnslunnar
Ljósmynd/Karstensens
Nýr Vilhelm Þorsteinsson er umlukinn vinnupöllum í stöð Karstensens í Póllandi, tilsniðið efni bíður í hrönnum.
Morgunblaðið/Sigurður Bogi
Samherji tekur fullkomið fiskiðjuver
í notkun á útmánuðum.
Nýr Baldvin Njálsson GK 400 verður smíðaður
í Vigo á Spáni fyrir Nesfisk í Garði og kemur í
stað eldra skips með sama nafni.
Nýr Börkur er væntanlegur til landsins
eftir rúmlega eitt ár og verður systur-
skip Vilhelms Þorsteinssonar EA 11
sem kemur í ágúst á næsta ári.