Fréttablaðið - 19.12.2002, Side 14

14 19. desember 2002 FIMMTUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
Það sem af er desembermánuðihafa Morgunblaðið og Frétta-
blaðið birt álíka magn almennra
auglýsinga. Ef hver dálksenti-
metri í aðalblöðunum er talinn
hefur Fréttablaðið vinninginn. Ef
sérblöð á borð við fasteignablað
og bílablað Morgunblaðsins eru
talin með hefur Morgunblaðið
vinninginn. Í síðustu viku voru
smáauglýsingar Fréttablaðsins og
DV svo til jafn margar. Frétta-
blaðinu hefur samkvæmt þessu
tekist á skömmum tíma að ná
jafnstöðu við Morgunblaðið í al-
mennum auglýsingum og jafn-
stöðu við DV í smáauglýsingum.
Þeir eru nú orðnir fáir sem
ekki hafa áttað sig á að Frétta-
blaðið er komið til að vera. Og að
staða Fréttablaðsins mun líkleg-
ast eflast enn frekar á næstu mán-
uðum. Vegna samkeppninnar við
Fréttablaðið má hins vegar ætla
að staða áskriftarblaðana muni
ekki batna – líklega versna. Þegar
Fréttablaðið hóf göngu sína fyrir
rúmu einu og hálfu ári höfðu fáir
trú á verkefninu – líklega ekki
fleiri en þeir sem réðu sig til
vinnu á blaðinu. Þegar rekstur út-
gáfunnar fór í þrot í sumar vegna
vanfjármögnunar höfðu fáir trú á
að hægt væri að endurreisa blaðið
– líklega ekki fleiri en réðu sig til
starfa hjá nýju útgáfufélagi. Þetta
fólk, starfsfólk Fréttablaðsins,
hefur nú sýnt að það hafði rétt
fyrir sér. Með óbilandi trú á
möguleikum ókeypis dagblaðs
hefur það framkvæmt það sem
aðrir töldu ómögulegt. Og oft í
miklum mótbyr.
Það hefur verið athyglisvert að
fylgjast með þessari vegferð.
Ekki síst vegna viðbragða þeirra
sem telja sig hafa vit á viðskiptum
við samkeppni á dagblaðamark-
aði. Lengst af var Fréttablaðinu
tekið eins og boðflennu. Það
raskaði jafnvægi sem menn töldu
svo þægilegt og gott. Menn hafa
komið fram í fjölmiðlum og skrif-
að í blöð og viljað finna eitthvað
bogið við Fréttablaðið – helst eitt-
hvað illt; illan vilja eða illan ásetn-
ing. Samt gengur rekstur Frétta-
blaðsins ekki út á annað en að
gefa 75 prósentum heimila á land-
inu dagblað sex daga vikunnar.
Ég býst við að flestir sem
stofnað hafa til samkeppni á Ís-
landi hafi svipaða sögu að segja.
Ný fyrirtæki, nýjar hugmyndir og
ný þjónusta eru tortryggð. Það er
skiljanlegt að þeir sem hafa hags-
muni af óbreyttu ástandi vilji tor-
tryggja nýja samkeppni. En það
vekur furðu hversu almennan ótta
þeir sem þykjast hafa vit á við-
skiptum bera til samkeppni. Al-
menningur elskar hins vegar sam-
keppni. Það sýna viðtökur hans
við Fréttablaðinu. ■
Boðflennur búa til samkeppni
skrifar um Fréttablaðið og illan bifur
margra á samkeppni í viðskiptum.
Mín skoðun
GUNNAR SMÁRI EGILSSON
DÓMSMÁL Héraðsdómur Suðurlands
hefur svipt 37 ára karlmann öku-
réttindum í eitt ár vegna ölvunar-
aksturs. Maðurinn velti bíl sínum í
beygju á Suðurlandsvegi.
Dómurinn sagði frásögn
mannsins um að hann hefði fyrst
drukkið áfengi þar sem hann sat
slasaður í bíl sínum eftir veltuna
fjarstæðukennda.
Ökumaðurinn slasaðist mjög al-
varlega, meðal annars á höfði, og
missti mikið blóð. Áfengismagnið í
blóði hans mældist 1,61 prómill.
Ummerki bentu til að hlið bílsins
hafi lent af miklu afli á stórum
steini, kastast síðan áfram upp hlíð
og farið í boga aftur að veginum
þar sem hún valt heila veltu. Bílinn
barst um 150 metra áður en hann
stöðvaðist stórskemmdur.
Dómnum þótti fjarstæðukennt
að maðurinn hefði brugðist við
þessum atburðum með því að ná
sér í áfengisblöndu sem hann
geymdi í bílnum. Þá er geta hans til
að drekka mikið magn áfengis eftir
slysið dregin í efa. ■
Frásögn ölvaðs ökumanns sögð fjarstæðukennd:
Ótrúleg drykkja
slasaðs manns
FÉLAGSÞJÓNUSTAN
Félagsþjónustan í Reykjavík lagði til breyt-
ingar á félagsstarfi aldraðra, sem fólu í sér
að leggja niður sex félagsmiðstöðvar.
Borgaryfirvöld hafa ákveðið að fresta að-
gerðum.
Félagsstarf aldraðra:
Félags-
miðstöðvum
verður ekki
lokað
ALDRAÐIR Borgaryfirvöld hafa
ákveðið að leggja ekki niður sex
af fimmtán félagsmiðstöðvum
fyrir eldri borgara.
Félagsþjónustan í Reykjavík
hafði lagt til breytingar á félags-
starfinu, sem fólu í sér að leggja
niður félagsmiðstöðvar og efla
aðrar. Áttu breytingarnar að
spara borginni um 17 milljónir
króna og samkvæmt þeim átti að
segja upp tveimur forstöðukon-
um. Íbúar í íbúðum aldraðra við
Sléttuveg og Furugerði mótmæltu
áformunum og sendu þeir m.a.
borgaryfirvöldum undirskrifta-
lista þess efnis.
Borgarráð ákvað í fyrradag að
fresta aðgerðunum. Þess í stað á
að þróa starf miðstöðvanna á
næstu mánuðum, þannig að það
höfði til stærri hóps en áður. Haft
verður að leiðarljósi að ná fram
hagræðingu í rekstrinum og að
áherslur og tilboð á frístundaiðju
verði mismunandi eftir miðstöðv-
um.
Veita á 10 milljónum króna úr
borgarsjóði til að mæta þessari
tillögu. ■
Uppstillingarnefnd Samfylk-ingarinnar í Reykjavík hefur
farið þess á leit við Ingibjörgu
Sólrúnu Gísladóttur, borgarstjóra,
að hún gefi kost á sér á lista
flokksins í Reykjavík fyrir alþing-
iskosningarnar í vor. Hún hefur
ekki enn svarað þeirri málaleitan,
en hér er því haldið fram, að hún
hljóti að íhuga þann möguleika
vandlega.
Þessi umræða fór af stað fyrir
nokkrum mánuðum og af skiljan-
legum ástæðum fékk íhaldið
hland fyrir hjartað og geystist út
úr öllum venjulegum skúmaskot-
um með þá kenningu helsta, að
Ingibjörg hefði lofað að vera
borgarstjóri alltaf, alltaf og lengi,
lengi og væri að ganga á bak orða
sinna, ef hún breytti í einhverju
sínu pólitíska lífi.
Nú man ég ekki eftir, að Ingi-
björg hafi nokkurn tímann lýst
því yfir að hún ætlaði ekki að vera
borgarstjóri áfram og ég man
heldur ekki eftir því, að hún hafi
lofað íhaldinu að taka ekki þátt í
landsmálapólitík, - en það er
íhaldinu óbærileg tilhugsun að
þessi afburða stjórnmálamaður
láti til sín taka á þeim vettvangi.
Verra var kannski, að sumir af
fylgismönnum Reykjavíkurlist-
ans fóru á taugum í umræðunni, -
létu íhaldið ráða ferðinni og segja
félagshyggjufólki í Reykjavík
fyrir verkum.
Nú verða menn að muna, að
það, hvort Ingibjörg Sólrún fer í
framboð eða ekki, kemur íhaldinu
ekkert við. Það ákveður það ekki
og á ekki að gera það.
Menn hafa einnig haldið því
fram, að einn maður geti ekki ver-
ið borgarstjóri og einnig tekið
sæti á Alþingi. Það er löngu úrelt
áhyggjuefni. Menn gleyma stór-
felldum breytingum sem gerðar
hafa verið á stjórnkerfi Reykja-
víkurborgar undir forystu
Reykjavíkurlistans, með ramma-
fjárlögum fyrir hvern málaflokk,
aukinni ábyrgð stjórnenda og for-
manna nefnda og skilvirkari
stjórnun yfirleitt. Þótt starf borg-
arstjóra sé mjög umfangsmikið,
vill svo til að hún hefur frábært
fólk sér til aðstoðar og er þar að
auki býsna liðtækur verkmaður
sjálf. Það er ekkert sem kemur í
veg fyrir að hún geti ekki sinnt
starfi borgarstjóra af stökustu
prýði þegar hún tekur sæti á Al-
þingi.
Enda má benda á, að tveir
borgarfulltrúar íhaldsins, Björn
Bjarnason og Guðlaugur Þór
Þórðarson, munu taka sæti á Al-
þingi í vor. Ekki ber að skilja hlut-
ina svo, að Björn Bjarnason, leið-
togi stjórnarandstöðunnar í borg-
arstjórn, sé og ætli sér að sinna
öðru hvoru verkefninu með hang-
andi hendi, eða hvað?
Nú er um að gera fyrir félags-
hyggjufólk í Reykjavík að ræða
þennan möguleika út frá forsend-
um þeirrar pólitísku stöðu sem
við þeim blasir og þeim möguleik-
um, sem felast í því að fá Ingi-
björgu Sólrúnu til virkrar þátt-
töku í landsmálum öllum.
Ekki láta íhaldið ákveða það
hvort Ingibjörg gefur kost á sér
eða ekki. ■
skrifar um
hugsanlegt
framboð
borgarstjóra.
HELGI
PÉTURSSON
Um daginn
og veginn
Auðvitað
Ingibjörgu!
Háholt 23, 270 Mosfellsbær, Sími 586 8050 fax 586 8051, e-mail mirella@isl.is
Glæsilegir toppar og bolir á dömur
úr ull, silki, bómull og microfibra
Einnig mikið úrval af fallegum
nærfötum á alla fjölskylduna
Ítölsk vara.
Mikil gæði.
Leitið upp-
lýsinga um
útsölustaði.
1902 – 2002
Falleg og björt kvennúr
Sirkon, steinar og eðalstál
Verð kr. 17.600 – 17.900