Fréttablaðið - 04.02.2020, Qupperneq 9

Undirritaður hyggst leggja fram tillögu til þingsálykt-unar þar sem heilbrigðis-
ráðherra er falið að leita leiða til að
eyða biðlistum á sjúkrahúsið Vog.
Í greinargerð með tillögunni er
ráðherra falið að skila úttekt á því
hve mikið fjárframlag SÁÁ þyrfti
ár hvert til þess að sjúkrahúsið
Vogur geti stytt biðlista. Heilbrigð-
isráðherra skal skila niðurstöðum
sínum fyrir 1. september 2020.
SÁ Á rekur sjúkrahúsið Vog,
ásamt því að reka meðferðarstöð-
ina Vík og göngudeild. SÁÁ fær
ár hvert ríkisframlag til reksturs
sjúkrahússins Vogs. Samkvæmt
útgefnu efni frá árinu 2017 var
heildarkostnaður v ið rek stur
sjúkrahússins rúmar 925 millj-
ónir, ríkisframlagið sem SÁÁ fékk
það ár voru rúmar 694 milljónir.
Kostnaður á legudag var því 40.818
kr. miðað við 22.670 legudaga á ári.
Að meðaltali eru 500 manns á
biðlista eftir innlögn á Vog. Hefur
svo verið frá miðju ári 2014 og
fjöldinn farið upp í 700 manns. Bið-
tími er stuttur fyrir þá sem leita sér
meðferðar í fyrsta sinn og enginn
fyrir unglinga. Þeir sem bíða eftir
innlögn eru þeir sjúklingar sem
hafa verið í meðferð áður. Það
hefur sýnt sig að sumir sjúklingar
þurfa f leiri en eina meðferð til að
ná árangri. Margir þeirra hafa náð
góðum árangri og átt innihalds-
ríkt og heilbrigt líf. Það er stundum
sagt að hver einstaklingur finni
sinn botn á misdjúpu vatni, þar af
leiðandi er nauðsynlegt að þeir sem
sækja um meðferð oftar en einu
sinni fái nauðsynlega þjónustu.
Árið 1997 var br ugðist við
vaxandi biðlista með því að gerð
var áætlun hvernig eyða mætti
honum m.a. með því að byggja við
sjúkrahúsið Vog. Áætluninni lauk
árið 2000 og það tókst að stytta
biðlistana og þurrkuðust þeir út
um tíma. Skortur á rekstrarfé og
fækkun starfsfólks, varð til þess
að biðlistar lengdust aftur.
Það er ljóst að ómeðhöndlaðir
fíklar hafa mikil áhrif á samfélagið.
Það er samfélagslegur ávinningur
allra að fíklar sem vilja komast
í meðferð haf i tækifæri til að
komast að þegar þeir eru tilbúnir
til þess. Leiða má líkur að því að
rekja megi hluta af brota, eigna-
spjalla og slysa til einstaklinga
sem eru undir áhrifum vímuefna,
þar með talið áfengis. Með þessum
þremur breytum verða f leiri útköll
hjá löggæslunni sem og refsingar.
Sá heilsubrestur, bæði andlegur
og líkamlegur, sem fylgir ofneyslu
áfengis og fíkniefna er gríðarlegur
baggi fyrir samfélagið. Aukið fé til
að eyða biðlistum mun skila sér í
bættri heilsu, kostnaðurinn skilar
sér því til baka. Það hefur margoft
sýnt sig að sé fíklum eða áfengis-
sjúklingum hjálpað verða þeir
nýtir þjóðfélagsþegnar en ekki ein-
staklingar sem stundum eru byrði
á þjóðfélaginu.
Kostnaður þjóðfélagsins við að
hafa sjúkt fólk annaðhvort á stofn-
unum eða á vergangi er mikill.
Þeir sem sækjast eftir heilsu eiga
að fá aðstoð. Sjúkrahúsið Vogur
hefur sérhæft sig í afeitrun fíkla og
meðferðum undanfarna áratugi,
reynsla starfsfólks þess er mikil, og
vekur athygli út fyrir landsteinana.
Aðgengi fólks að meðferðarstofnun
á að vera sjálfsagt og eðlilegur hluti
af heilbrigðiskerfinu. Það er mat
undirritaðs að árangur af biðlista-
lausu aðgengi inn á sjúkrahúsið
Vog mun auðvelda þann vanda
sem blasir við í heimi fíkniefna
hvers konar.
Að eyða biðlistum á Vog
er öllum til hagsbóta
Sigurður Páll
Jónsson
þingmaður Mið-
flokksins
Að meðaltali eru 500 manns
á biðlista eftir innlögn á Vog.
Hefur svo verið frá miðju
ári 2014 og fjöldinn farið
upp í 700 manns. Biðtími
er stuttur fyrir þá sem leita
sér meðferðar í fyrsta sinn
og enginn fyrir unglinga.
Þeir sem bíða eftir innlögn
eru þeir sjúklingar sem hafa
verið í meðferð áður.
Bretar gengu úr Evrópusam-bandinu á dögunum. Sumir hafa lýst útgöngunni sem
frelsun Bretlands. Útganga sett í
búning sjálfstæðisbaráttu og þjóð-
ernishyggju. Loks ráði Bretar eigin
örlögum. „Take back control“ hét
það hjá Brexit-sinnum. Talað er
um tækifæri Breta til nýrra og betri
viðskiptasamninga. Bretland standi
sterkar eitt og óháð, frjálst til að
nýta mátt sinn og megin, óháð hags-
munum annarra þjóða. En er það
virkilega svo að smætta megi Evr-
ópusambandsaðild í plús og mínus
dálka í excel-skjali?
Það sorglega er nefnilega að horfa
upp á Breta snúa baki við þeim hug-
sjónum sem búa á bak við Evrópu-
samvinnuna. Hugsjónina um frið
á okkar tímum, um frelsi, mann-
réttindi, mannúð, jöfnuð, lýðræði
og samvinnu þjóða. Samvinnu þar
sem hagsmunir einstakra ríkja eru
ekki ráðandi, heldur sú fallega hug-
sjón að saman getum við skapað
betri heim.
Evrópusambandið hefur vissu-
lega skilað okkur miklum efna-
hagslegum ávinningi. Sameigin-
legur innri markaður án tolla og
viðskiptahindrana hefur skilað
íbúum álfunnar bættum lífsgæðum
og lægra vöruverði. Nýjasta dæmið
er afnám reikigjalda símafyrirtækja
innan vébanda sambandsins en það
er aðeins dropi í haf þeirra umbóta
sem ESB hefur fært okkur. Það er
hins vegar heldur fátæklegt að meta
árangur Evrópusamvinnunnar á
grundvelli fríverslunar einnar.
Evrópusamvinnan hefur tryggt
lengsta samfellda friðartímabil í
álfunni. Undir merkjum hennar
hefur tekist að tryggja lýðræðislegt
stjórnarfar í fjölmörgum ríkjum
sem áður bjuggu við stjórnarfar ein-
ræðis, hvort heldur undir merkjum
kommúnisma eða fasisma. Lönd á
borð við Írland, Grikkland, Spán,
Pólland, Eistland, Lettland, Lit-
háen, Tékkland, Slóveníu, Slóvakíu
og f leiri, hafa hafist upp úr sárri
fátækt með aðild sinni að Evrópu-
sambandinu. Þessi lönd hafa öll
notið ríkulega fjárhagslegs stuðn-
ings, en ekki síður stuðnings í inn-
leiðingu löggjafar sem fest hefur í
sessi grundvallarþætti lýðræðislegs
þjóðfélags.
Verkefni Evrópusambandsins
er hvergi nærri lokið þó svo okkar
kynslóð hafi ekki upplifað stór-
felldan ófrið í álfunni. Hugsjónir
ESB eiga ekkert minna erindi í dag.
Við glímum við fordæmalausar
áskoranir í loftslagsmálum sem
ekki verða leystar nema með metn-
aðarfullu alþjóðlegu samstarfi. Hið
sama má segja í innflytjendamál-
um. Aukið flæði flóttamanna vegna
stríðsátaka og áhrifa af hlýnun
jarðar kallar á alþjóðlegt samstarf.
Þá má ekki gleyma vaxandi upp-
gangi fasisma og þjóðernisöfga. Sú
válega þróun minnir okkur óþyrmi-
lega á til hvers Evrópusambandið
var stofnað.
Vegna þessa er sorglegt að horfa
á bak Bretum úr Evrópusamband-
inu. Ég held þó að þegar fram í sækir
muni Bretar ekki líta á útgönguna
sem frelsun Bretlands. Að þeir Boris
Johnson og Nigel Farage muni ekki
skipa sér á bekk með frelsishetjum
Breta á borð við Churchill eða Nel-
son. Ég held að sagan verði þeim
ekki svo hagfelld.
Evrópusamvinnan snýst nefni-
lega ekki bara um viðskiptakjör
eða sérhagsmuni einstakra þjóða.
Um tolla á fisk, kjöt eða osta. Þvert
á móti snýst Evrópusamvinnan um
frelsi og frið, um mannréttindi,
jöfnuð og betra líf. Að vera reiðu-
búin að leggja okkar af mörkum
til að skapa betri heim. Slíkar hug-
sjónir rúmast aldrei í excel-skjalinu.
Því á endanum snýst þetta ekki um
okkar lengstu hagsmuni heldur um
hvaða hugsjónir við stöndum fyrir.
Glataðar hugsjónir ráða
Að vera reiðubúin að leggja
okkar af mörkum til að
skapa betri heim. Slíkar
hugsjónir rúmast aldrei í
excel-skjalinu.
Þorsteinn
Víglundsson
þingmaður Við-
reisnar
MIÐVIKUDAGINN 5. FEBRÚAR KL. 8.30-11.30
Í HÖRPU – NORÐURLJÓSUM
MENNTADAGUR ATVINNULÍFSINS 2020
Tryggðu þér sæti á vef SA: www.sa.is
SKÖPUN
S K O Ð U N ∙ F R É T T A B L A Ð I Ð 9Þ R I Ð J U D A G U R 4 . F E B R Ú A R 2 0 2 0