Fréttablaðið - 27.02.2020, Qupperneq 25

Tyra Banks segir
að Modelland sé
staður til að fagna eigin
einstöku fegurð.
Sandra Guðrún
Guðmundsdóttir
sandragudrun@frettabladid.is
Tyra Banks hefur hafið sölu á miðum í nýjan fyrirsætuskemmtigarð. MYND/GETTY
Tyra Banks, sem er líklega þekktust í dag fyrir að vera þáttastjórnandi hinnar vin-
sælu þáttaseríu America’s Next
Top Model, mun opna garðinn
þann 1. maí næstkomandi í Santa
Monica í Kaliforníufylki í Banda-
ríkjunum. Miðasala inn í garðinn
hófst í vikunni. Samkvæmt lýsingu
á vefsíðu Módelgarðsins mun fólk
sem þangað kemur geta upplifað
drauminn og verið fyrirsæta í einn
dag. Það getur fengið ljósmyndir
af sér teknar af fagmönnum sem
draga fram það besta hjá öllum
gestum. Hægt verður að ganga inn
á svið þar sem gesturinn er þátt-
takandi í tískusýningu.
Það er sérstaklega tekið fram
að allir óháð vaxtarlagi og útliti
geti komið í garðinn og upplifað
bestu útgáfuna af sjálfum sér. Þar
segir að Tyra Banks sjálf muni gefa
gestum ýmis ráð þegar þeir fá að
stilla sér upp fyrir myndavélarnar.
Fyrirsætan verður að vísu ekki á
staðnum heldur gefur hún leið-
beiningar á upptöku sem spiluð
er fyrir gesti. Einnig fara gestirnir
í gegnum einhvers konar ævin-
týraveröld sem er drifin áfram af
leikurum og dönsurum innan um
stórkostlega hönnun. Gestirnir
yfirgefa garðinn svo með mynda-
bók með myndum sem teknar eru
af þeim á meðan þeir upplifa ævin-
týraheim fyrirsætunnar.
Margir tískuspekúlantar vestan-
hafs hafa velt fyrir sér hver tilgang-
urinn sé með garði sem þessum og
hver sé raunveruleg ástæða þess að
fyrirsætan hrinti þessari hugmynd
í framkvæmd. Er þetta hrein og
bein græðgi, er ætlunin að hafa af
fólki pening fyrir einhvers konar
óljósa upplifun? Spurningum sem
þessum hefur verið varpað fram.
Miði inn garðinn er alls ekki ódýr
og fólk hefur rætt og skrifað um að
óljóst sé hvað nákvæmlega er inni-
falið í verðinu. Almennt aðgangs-
verð eru 59 Bandaríkjadollarar
sem eru rúmlega 8.000 íslenskar
krónur. Svo er hægt að kaupa
ævintýraaðgang og draumaaðgang
sem kosta heilar 208.000 krónur,
dýrari miðinn, og tæpar 80.000
krónur ódýrari miðinn. Innifalið í
dýrasta aðganginum er, ásamt því
sem áður var talið, hárgreiðsla og
förðun, aðgangur að tískufatnaði
og VIP-sætum sem óljóst er hvað
fela í sér, drykkir í boði hússins og
fleira.
Tyra sagði sjálf í viðtali að hana
langaði einfaldlega að leyfa öllum
að njóta sín í einn dag. Modelland
væri staður til að fagna sinni eigin
einstöku fegurð og elska sig sjálf
þrátt fyrir eigin galla. Hún vill að
allir geti upplifað sig fallega. Hvort
fólk er tilbúið til þess fyrir rúmar
200.000 krónur á svo eftir að koma
í ljós.
Ævintýraland sem
fagnar fegurðinni
Fyrirsætan og frumkvöðullinn Tyra Banks hyggst opna
skemmtigarð á næstunni undir nafninu Modelland en
hann hefur verið í undirbúningi í næstum áratug.
Kr. 5.530.-
Str. 40/42-56/58
Fleiri litir
Bæjarlind 6 • S. 554 7030 Við erum á Facebook
túnikur
30% afsláttur
fimmtudag-laugardags
Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
NETVERSLUN WWW.BELLADONNA.IS
FLOTT FÖT, FYRIR FLOTTAR KONUR
FRÉTTIR, FÓLK &
MENNING
á Hringbraut
4 KYNNINGARBLAÐ FÓLK 2 7 . F E B R ÚA R 2 0 2 0 F I M MT U DAG U R