Fréttablaðið - 18.01.2020, Qupperneq 28

Í þáttunum reynir
hann að afsanna
að Frakkar séu á niður-
leið í matargerðinni.
Rick ferðast einn í bíl
sínum á milli héraða í
leit að góðum veitinga-
húsum og matarmörk-
uðum.
Elín
Albertsdóttir
elin@frettabladid.is
Þeir sem fylgst hafa með sjón-varpsþáttum Ricks Stein á RÚV undanfarið geta bæði
dáðst að landslagi og fjölbreyttum
réttum sem hann bragðar á. Í
þáttunum, ferðast hann um Frakk-
land en í síðustu þáttaseríu, Rick
Stein’s Long Weekends, ferðaðist
hann á milli landa og kom meðal
annars til Íslands sem hann bar
vel söguna þótt honum þætti kalt í
veðri. Hann var þó ekkert hrifinn
af hákarli og þorramat.
Rick þykir einstaklega góður
sjónvarpsmaður enda fer hann létt
með að tala í myndavélar. Hann á
að baki þrjátíu þáttaraðir í sjón-
varpi. Bretar eru afar ánægðir með
hversu hann er duglegur að kynna
breskar afurðir. Hann hefur einnig
sérstakan áhuga á Frakklandi þar
sem hann á sitt annað heimili.
Rick og frú eiga einnig heimili í
Ástralíu.
Rick fæddist í Oxfordshire en
flutti með fjölskyldu sinni til
Cornwall þar sem hann settist
að. Hann útskrifaðist í ensku frá
háskólanum í Oxford eftir að hafa
farið á milli skóla. Áður hafði
hann meðal annars menntað sig
Gefum Frökkum séns
Rick Stein er einn þekktasti og jafnframt vinsælasti sjónvarpskokkur Bretlands. Hann er að auki
veitingahúsa- og hóteleigandi ásamt því að hafa gefið út tuttugu vinsælar matreiðslubækur.
Rick Stein hefur
gert yfir 30
sjónvarpsseríur
og þótt hann sé
orðinn 73 ára er
hann ekkert að
slá af. MYNDIR/
GETTY
Rick Stein og kona hans, Sarah, á heimili sínu Ástralíu. Sjávarréttastaður Ricks Stein í Cornwall er geysivinsæll.
í hótelstjórnun og starfaði sem
matreiðslumaður í sex mánuði á
Great Western Royal hótelinu í
Paddington.
Hefur lyft Cornwall upp
Rick sem er fæddur 1947 hóf eigin
rekstur sem diskótekseigandi í
Padstow í Cornwall eftir nám í
Oxford. Þegar hann opnaði fyrsta
veitingahúsið á sama stað sérhæfði
hann sig í nýveiddum fiskafurðum
sem fiskimenn komu með til hans
beint af sjónum. Hann hefur rekið
veitingastaðinn í meira en 25 ár
og hefur hann náð einstökum vin-
sældum. Núna er hann einnig með
gistiheimili, bistró og kaffihús
ásamt Fish and chips stað þar sem
fólk tekur matinn með sér. Þar
fyrir utan rekur hann matreiðslu-
skóla sem sérhæfir sig í kennslu í
sjávarréttum og kennir þar sjálfur.
Það má segja að öflugt starf hans
í heimabyggð hafi byggt upp Pad-
stow sem ferðamannastað. Hann á
einnig veitingastaði í Ástralíu. Rick
er tvígiftur og á þrjá syni með fyrr-
verandi eiginkonu sem reyndar
rekur veitingahús hans í Corn-
wall. Núverandi eiginkona hans
heitir Sarah Burns. Þau kynntust í
Ástralíu þar sem hún starfaði sem
kynningarstjóri tímaritsins Aust-
ralia Gourmet Traveller. Þau voru
í leynilegu sambandi fyrstu fimm
árin enda var Rick enn kvæntur
konu sinni Jill Newstead. Þau
skildu árið 2007 en gerðu samning
um að halda áfram rekstri fyrir-
tækjanna saman. Rick kvæntist
Söruh árið 2011 sem er 20 árum
yngri en hann.
Enn á fullu 73 ára
Þótt Rick sé orðinn 73 ára slær
hann hvergi af, hvorki á ferða-
lögum né í bókaskrifum. Nýjasta
bók hans, Secret France, kom út
í október. Þá sagði hann í viðtali
við tímaritið GQ að mörgum þætti
franskur matur ekki jafngóður
og hann var áður fyrr. „Þegar ég
ferðaðist um Frakkland í fyrsta
skipti var maturinn magnaður. Ég
tel þó að hægt sé að finna frábæra
gimsteina um allt landið. Maður
verður bara að vita hvar á að leita,“
segir hann. Rick viðurkennir
við blaðið að miklar breytingar
hafi orðið á franskri matargerð
undanfarin ár en biðlar til fólks að
gefa Frökkum áfram séns. Frönsk
matargerð er í mikilli samkeppni
við þá ítölsku.
Dýrmætir gimsteinar
Nýjustu þættirnir sem nú eru
sýndir á RÚV, Rick Stein’s Secret
France, voru frumsýndir hjá BBC
í haust en í þeim reynir hann að
afsanna að Frakkar séu á niðurleið
í matargerðinni. Rick ferðast einn
í bíl sínum á milli héraða í leit að
góðum veitingahúsum og matar-
mörkuðum. „Við fundum nokkra
staði sem voru alveg einstakir,“
segir Rick um sjónvarpsþættina
á GQ. „Frakkar eru líka komnir
skrefi lengra þegar kemur að ost-
unum,“ bætir hann við. „Farðu á
markaðinn í Périgueux og þá sérðu
hvað ég meina.“
Rick mælir sérstaklega með
einni uppskrift úr þáttunum sem
einnig er í bók hans, Secret France,
en hann segist hafa verið verulega
hamingjusamur með hana. „Þetta
er baka með andar confit en ofan
á hana er sett kartöflumús, mikill
ostur og síðan bakað í ofni,“ segir
hann. Uppskriftin heitir Duck
cott age pie og hægt er að finna
hana á netinu með því að setja
nafn Ricks Stein með.
Þess má geta að Rick hefur eldað
fyrir Elísabetu drottningu og
mann hennar, Filippus prins, Tony
Blair, Margréti Thatcher og Jacques
Chirac, forseta Frakklands.
Síðumúli 31 - 108 Reykjavik - S: 562-9018 / 898-5618
info@arcticstar.is - www.arcticstar.is
SÆBJÚGNAHYLKI FYRIR HEILSUNA
Arctic star sæbjúgnahylki
innihalda yfir fimmtíu tegundir af
næringarefnum, og eru þekkt fyrir:
• Hátt próteininnihald og lágt fituinnihald
• Að minnka verki í liðum og liðamótum
• Að byggja upp brjósk og draga úr tíðni
liðskemmda
• Að bæta ónæmiskerfið
• Að auka blóðflæði
• Að koma í veg fyrir æðakölkun
• Að auka orku líkamans, stuðla að
myndun húðpróteins og insúlins
ÍSLENSK FRAMLEIÐSLA, Framleiðandi er
Arctic Star ehf. Allar nánari upplýsingar
fást á www.arcticstar.is
Arctic Star sæbjúgnahylki
Varan fæst í flestum apótekum,
heilsubúðum og hagkaupum.
4 KYNNINGARBLAÐ FÓLK 1 8 . JA N ÚA R 2 0 2 0 L AU G A R DAG U R