Fréttablaðið - 18.12.2019, Blaðsíða 12

Þegar kemur að
útgöngunni, skipta
fiskveiðar Danmörku miklu
máli, af því að þetta er grein
sem reiðir sig á gott samstarf
þjóða sem veiða á sama
svæði.
Mette Fredriksen,
forsætisráðherra Danmerkur
Hofsá og Sunnudalsá er enn ein perlan í bókaflokknum um laxveiðiár á Íslandi.
Í þessari bók er í fyrsta sinn fjallað um Hofsá og Sunnudalsá, og veiðisvæðunum
lýst á einstaklega skemmtilegan og aðgengilegan hátt.
„Hofsá í Vopnafirði er ein þekktasta laxveiðiá landsins og
hliðará hennar Sunnudalsá er einnig góð laxveiðiá og eru
þær oft nefndar í sömu andrá. Hofsá á sér óvenjulega sögu
sem laxveiðiá, en á sjötta áratug síðustu aldar hófu breskir
veiðimenn að venja komur sínar í Hofsárdal og bundust þeir
ánni og sveitinni sterkum böndum.“
HOFSÁ OG SUNNUDALSÁ
Vatnagörðum 14 • 104 Reykjavík
Sími 563 6000 • www.litrof.is
ÓSKABÓK
VEIÐIMANNSINS!
EINNIG TIL
Á ENSKU
DANMÖRK Mette Fredriksen, for­
sætisráðherra Danmerkur, krefst
þess að Danir fái áfram veiða innan
breskrar lögsögu eftir útgöngu
Bretlands á næsta ári, ellegar beiti
þeir neitunarvaldi sínu hvað við­
skiptasamninga við Evrópusam­
bandið varðar.
Mette hefur áður verið ákveðin
hvað danska fiskveiðihagsmuni
varðar og ítrekaði hún það eftir
að úrslit bresku kosninganna lágu
fyrir. „Þegar kemur að útgöngunni,
skipta fiskveiðar Danmörku miklu
máli, af því að þetta er grein sem
reiðir sig á gott samstarf þjóða sem
veiða á sama svæði,“ sagði Fred­
riksen.
Langmest af norðursjávarsíld­
inni finnst í breskri lögsögu og
Danir veiða stóran skerf af henni.
Einnig veiða Danir mikið af makríl
vestan við Bretland.
Danir, eins og margar aðrar Evr­
ópusambandsþjóðir, hafa veitt í
breskri lögsögu síðan á áttunda
áratugnum og heilu byggðarlögin
eru háð þessum veiðum. Eitt af
þeim er Thyboron, tvö þúsund íbúa
bær á vesturströnd Jótlands. Meira
en þriðjungur af lans sem landað er
þar kemur úr breskri lögsögu.
Í Thyboron hafa margir haft
áhyggjur af útgöngu Breta úr Evr­
ópusambandinu, sem ljóst er að
verður á næsta ári eftir stóran
kosningasigur Íhaldsf lokksins.
„Við gætum þurft að loka þessum
bæ,“ sagði sjómaðurinn Michael
Bork, 36 ára, sem hefur sótt sjó­
inn síðan hann var barn. „Eftir að
Bretar ganga út verður danskt haf­
svæði þétt setið skipum frá Dan­
mörku, Hollandi og Belgíu. Það er
ekki nægur fiskur til.“
Óvissan í kringum útgönguna
hefur þegar haft mikil áhrif á
danska útgerðarbæi, dregið hefur
mjög úr fjárfestingum í greininni
og veiðileyfi í uppnámi.
Fiskveiðar eru eitt af því fyrsta
sem rætt verður eftir útgöngu­
samninginn, samkvæmt viðskipta­
samningaáætlun sem Ursula von
der Leyen, forseti framkvæmda­
stjórnar Evrópusambandsins,
hefur látið gera. Samkvæmt áætl­
unum verður samið allt næsta
ár en líklegt er að viðræðurnar
dragist lengur en það, sérstaklega í
ljósi þess að mikið er undir og leið­
togarnir eru vígreifir.
Það sem f lækir málið enn frekar
er undirbúningur að stórum við­
skiptasamningi á milli Bretlands
og Bandaríkjanna, sem gæti verið
undirritaður á undan samningum
við Evrópusambandið. En hann
gæti einnig truf lað samningana,
til dæmis hvað varðar land­
búnaðarafurðir, og Johnson gæti
þurft að velja hvort hann vilji
góðan samning við Bandaríkin eða
Evrópusambandið.
kristinnhaukur@frettabladid.is
Stefnir allt í síldarstríð Dana og Breta
Mette Fredriksen, forsætisráðherra Danmerkur, ítrekaði mikilvægi þess að dönsk fiskiskip fengju áfram að veiða í breskri lögsögu
eftir útgöngu Bretlands úr Evrópusambandinu á næsta ári. Veiðarnar eru lífsnauðsynlegar fyrir heilu byggðarlögin í Danmörku.
Forsætisráðherra Danmerkur heimsótti Downing stræti 10 í mánuðinum. NORDICPHOTOS/GETTY
Musharraf var forseti Pakistan frá 1999 til 2008. NORDICPHOTOS/GETTY
PAKISTAN Fyrrverandi forseti Pak­
istan, Pervez Musharraf, var dæmd­
ur fyrir landráð af þarlendum dóm­
stól í gær. Hann verður látinn gjalda
fyrir landráðin með lífi sínu.
Það var hryðjuverkadómstóll í
Íslamabad sem sakfelldi Musharraf
en hann var ákærður árið 2014 fyrir
að hafa virt stjórnarskrá landsins
að vettugi, breytt henni með ólög­
mætum hætti og loks fellt hana úr
gildi með vísan til meints neyðar­
ástands í landinu. Rannsókn máls­
ins hófst árið 2013 og hefur meðferð
þess því tekið sex ár.
Musharraf komst til valda með
aðstoð hersins í valdaráni árið 1999
og sat á forsetastóli til 2008. Brotin
sem hann var sakfelldur fyrir voru
framin árið 2007 í því skyni að
halda völdum í landinu.
Þetta er í fyrsta skipti í sögu Pak­
istan sem yfirmaður herafla lands­
ins er ákærður og sakfelldur fyrir
landráð, en samkvæmt stjórnar­
skrá landsins liggur dauðarefsing
eða lífstíðarfangelsi við landráðum.
Musharraf er 76 ára gamall og
hefur haldið til í Dúbaí frá 2016 eftir
að hæstiréttur Pakistans af létti
farbanni til að hann gæti leitað sér
læknisaðstoðar utan landsins.
Forsetinn fyrrverandi var ekki
viðstaddur dómsuppkvaðninguna
en hann sendi frá sér yfirlýsingu á
myndbandi nýverið þar sem hann
lýsti yfir sakleysi sínu. Hann sagði
ekkert vit í ákærum á hendur sér.
Hann á enn þann kost að áfrýja
dauðadómnum. – aá
Dæmdur til dauða fyrir
landráð í forsetatíð sinni
Musharraf var ekki
viðstaddur uppkvaðningu
dómsins. Hann hefur kost á
að áfrýja dóminum en hann
segist saklaus.
1 8 . D E S E M B E R 2 0 1 9 M I Ð V I K U D A G U R10 F R É T T I R ∙ F R É T T A B L A Ð I Ð