Fréttablaðið - 18.12.2019, Qupperneq 13

Takk fyrir Við björgunarsveitarfólk höfum undanfarna daga staðið í ströngu vegna verkefna sem urðu til vegna óveðurs sem gekk yfir landið og skapaði víða hættuástand. Björgunarsveitirnar gegna mikilvægu hlutverki í almannavarnakerfi landsins og kom
það berlega í ljós í þessum aðgerðum þar sem hundruðir sjálfboðaliða voru að störfum.
Okkur langar að þakka öllum þeim sem gera okkur mögulegt að hlaupa fyrirvaralaust í
útköll til þess að sinna þessum mikilvægu verkefnum. Skilningsríkum atvinnurekendum
sem eru reiðubúnir að gefa okkur frí frá vinnu, oftast á launum, fjölskyldum okkar,
vinum og vinnufélögum og síðast en ekki síst Bakvörðum og styrktaraðilum.
Sjálfboðaliðar björgunarsveitanna.