Fréttablaðið - 18.12.2019, Page 20

53
milljarðar er markaðs-
virði beins og óbeins hlutar
sjóðsins í Marel.
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
MARKAÐURINN
ÚTGÁFUFÉLAG Torg., Kalkofnsvegur 2, 101 Reykjavík, sími 550 5000
Netfang hordur@frettabladid.is | Sími 550 5051
Ritstjóri Hörður Ægisson hordur@frettabladid.is
Netfang auglýsingadeildar auglys ing ar@frettabladid.is Veffang frettabladid.is
Þrátt fyrir að íslensku lífeyris-sjóðirnir eigi stóran hluta af þeim félögum sem mest við-
skipti eru með í Kauphöllinni má
einungis rekja um 8-15 prósent af
markaðsveltu til sjóðanna. Þetta
er á meðal þess sem kemur fram í
grein Bryndísar Ásbjarnardóttur,
forstöðumanns þjóðhagsvarúðar
hjá Fjármálaeftirlitinu, í nýút-
gefnum Fjármálum sem er vefrit
eftirlitsstofnunarinnar.
„Allar líkur eru á að stórar stöð-
ur sjóðanna á verðbréfamarkaði
dragi úr skilvirkni hans með því að
grynnka viðskiptin,“ skrifar Bryn-
dís. Hún segir að lífeyrissjóðir
geti haft jákvæð og
neikvæð áhrif á fjár-
m á l a s t ö ð u g l e i k a .
Þar sem sjóðirnir eru
langtímafjárfestar, og
fjárfestingar þeirra
byggja á sjóðsöfnun,
geti þeir staðist áföll
á fjármálamarkaði ólíkt
öðrum fjárfestum.
„Hins vegar getur víð-
tækt umfang þeirra
á íslenskum fjár-
m á l a m a r k a ð i
haft áhrif á veltu
á markaði og skilvirkni hans og
þar með fjármálastöðugleika,“
segir Bryndís sem tekur fram að
veltuhraði á hlutabréfamarkaði
haf i almennt farið vaxandi á
undanförnum misserum og megi
teljast viðunandi miðað við stærð
markaðarins.
„Þó eru tilkynnt viðskipti hér
á landi sem samið er um utan til-
boðabókar yfir 60 prósent af öllum
viðskiptum sem þýðir að tilboða-
bækur eru mjög grunnar,“ skrifar
Bryndís.
Þá kemur fram í grein Bryndísar
að bein aðkoma einstaklinga að
verðbréfaviðskiptum hafi verið
lítil á undanförnum árum og sé
nú fjögur prósent á hlutabréfa-
markaði. Sú hlutdeild kunni að
Lífeyrissjóðir með minna
en 15 prósent af veltunni
13%
er hlutur erlendra fjárfesta
í Kauphöllinni.
Bryndís
Ásbjarnardóttir.
aukast ef tillögur í hvítbók ríkis-
stjórnarinnar um að gefa skatta-
lega hvata til almennings til
að kaupa hlutabréf verða að
veruleika. Hlutur erlendra
fjárfesta er um 13 prósent
og er lágur í alþjóðlegum
samanburði. Á hinum
Norðurlöndunum er hlut-
fallið um 40 prósent.
„Ætla má að sterk
staða þjóðarbúsins
ætti að gera Ísland
álitlegan fjárfest-
ingarkost á komandi
misserum,“ skrifar Bryndís og
nefnir í því samhengi að innkoma
íslenska markaðarins í alþjóð-
legar vísitölur á borð við MSCI
geti opnað dyr fyrir erlenda sjóði
og innleiðing Nasdaq á nýju upp-
gjörskerfi á næsta ári muni auð-
velda aðgengi að markaðinum. Þá
vekur hún athygli á því að f lökt á
hlutabréfamarkaði hafi ekki aukist
eftir að fjármagnshöftum var aflétt
og fylgni við erlenda markaði hafi
ekki aukist.
„Þessi litla fylgni ætti, út frá sjón-
armiði áhættudreifingar, að gera
fjárfestingu á innlendum hluta-
bréfamarkaði að álitlegum kosti
fyrir alþjóðlega f járfesta,“
skrifar Bryndís. – þfh
Eignarhlutur Lífeyrissjóðs versl-unarmanna (LIVE) í Marel, bæði beinn og óbeinn í gegn-
um Eyri Invest, er metinn nú á sam-
anlagt um 53 milljarða króna miðað
við gengi hlutabréfa félagsins. Virði
hlutarins, sem hefur hækkað um
tæplega 70 prósent á árinu, nemur
um 6,4 prósentum sem hlutfall af
heildareignum sjóðsins í lok sept-
ember en þær voru þá bókfærðar á
samtals 832 milljarða.
Vægi hlutabréfaeignar lífeyris-
sjóðsins í Marel, sem hlutfall af
heildareignum, hefur aukist um
meira en helming frá því í árslok
2018. Þá var samanlagður eignar-
hlutur sjóðsins í Marel metinn á
30,6 milljarða og nam ríflega fjórum
prósentum af heildareignum hans.
Þrátt fyrir að hafa selt lítinn hluta
af bréfum sínum í Marel á árinu þá
er sjóðurinn eftir sem áður næst-
stærsti hluthafi fyrirtækisins, með
um átta prósenta hlut, og er mark-
aðsvirði hans rétt undir 40 millj-
örðum. Þá á Lífeyrissjóður versl-
unarmanna rúmlega 10 prósenta
hlut í Eyri Invest, stærsta hluthafa
Marels með fjórðungshlut, og er sá
óbeini hlutur sjóðsins metinn á um
13 milljarða.
Samanlagður eignarhlutur líf-
eyrissjóðsins í Marel, sem er lang-
samlega stærsta fyrirtækið í Kaup-
höllinni með markaðsvirði upp á
um 482 milljarða, er farinn að nálg-
ast það að vera hátt í helmingur af
innlendri hlutabréfaeign sjóðsins.
Þannig var bókfært virði innlendra
hlutabréfa Lífeyrissjóðs verslunar-
manna í lok þriðja ársfjórðungs
um 130 milljarðar og því er hluta-
bréfaeign sjóðsins í Marel rúmlega
40 prósent af þeim eignum.
Helstu lífeyrissjóðir landsins, sem
allir eru á lista yfir tuttugu stærstu
hluthafa Marels, hafa það sem af er
þessu ári selt bréf í félaginu, samtals
um 39 milljónir hluta, fyrir jafn-
virði um 20 milljarða króna, eins og
fjallað var um í Markaðinum síðasta
miðvikudag. Þeir lífeyrissjóðir sem
hafa selt hvað mest í Marel eru Gildi,
Birta, LSR og Stapi. Samanlagður
hlutur lífeyrissjóðanna í Marel, sem
nemur um 28 prósentum, er metinn
á um 137 milljarða. – hae
Yfir 6 prósent af eignum LIVE í Marel  
Ly f jaf y r ir t æk ið Cor i-pharma, sem er í eigu stjórnenda félagsins og hóps íslenskra fjárfesta, vinnur nú að því að ljúka samtals 15 milljóna evra
hlutafjáraukningu, jafnvirði um
tveggja milljarða króna, en fjár-
mögnunin verður nýtt til að standa
undir kostnaði við þróun á eigin
samheitalyfjum á komandi árum.
Bjarni K. Þorvarðarson, forstjóri
og einn af stærstu eigendum Cori-
pharma, segir í samtali við Markað-
inn að hlutafjársöfnunin sé langt
komin og að gert sé ráð fyrir að
hún muni klárast í næsta mánuði.
Núverandi hluthafar hafa sam-
þykkt að koma með drjúgan hluta
fjármagnsins, eða um þriðjung, en
þá munu einnig aðrir fjárfestar,
einkum efnamiklir einstaklingar,
bætast í hlutahafahóp Coripharma
með því að leggja lyfjafyrirtækinu
til aukið hlutafé.
Miðað við gengið í hlutafjárút-
boðinu er heildarvirði (e. enterprise
value) Coripharma um 5,5 milljarð-
ar króna. Það er fyrirtækjaráðgjöf
Kviku banka sem hefur umsjón
með hlutafjáraukningunni og hefur
bankinn síðustu tvær vikur haldið
kynningar fyrir einkaf járfesta
og fjárfestingarsjóði, samkvæmt
heimildum Markaðarins. Gert er
ráð fyrir að ársávöxtun fjárfesting-
arinnar (e. IRR) verði á bilinu 20 til
26 prósent fram til ársins 2023.
Á seinni hluta næsta árs, útskýrir
Bjarni, hyggst félagið sækja sér
um 20 milljónir evra til viðbótar
og horfir þá til stofnanafjárfesta
og erlendra f jármálastofnana.
Áformað er að sú fjármögnun verði
í formi millilagsfjármögnunar,
en ekki hlutafjáraukningar, og að
heildarfjárþörf Coripharma til
næstu þriggja ára verði þá í kjöl-
farið tryggð.
Coripharma hóf undirbúning
verktökuframleiðslu á lyfjum fyrir
alþjóðleg lyfjafyrirtæki með kaup-
um á verksmiðju Actavis í Hafnar-
firði á miðju síðasta ári. Við kaup
þess á lyfjaþróun Actavis í maí á
þessu ári eignaðist Coripharma allar
þróunar- og framleiðslueiningar
Actavis á Íslandi og starfa þar nú
tæplega 100 starfsmenn en nær allir
eru fyrrverandi starfsmenn Actavis.
Coripharma vinnur nú að þróun
átta lyfja og kemur fyrsta þeirra á
markað eftir tvö ár þegar einkaleyfi
þess rennur út, að sögn Bjarna.
Við kaup Coripharma á lyfjaþró-
unarsviði Actavis fyrr á árinu var
hlutafé félagsins aukið um 10 millj-
ónir evra. Á meðal nýrra fjárfesta
sem bættust þá í hluthafahópinn,
samkvæmt heimildum Markaðar-
ins, voru fjárfestingarfélögin Stál-
skip, Brimgarðar, sem eru í eigu
systkinanna Eggerts Árna, Guðnýj-
ar Eddu, Gunnars Þórs og Halldórs
Páls Gíslabarna, og Eldhrímnir, en
það er í eigu hjónanna Ingimundar
Sveinssonar arkitekts og Sigríðar
Arnbjarnardóttur, ásamt þremur
börnum þeirra, og hagnaðist um
marga milljarða í fyrra vegna sölu
á hlut félagsins í fyrirtækinu The
Icelandic Milk and Skyr Corpor-
ation, betur þekkt sem Siggi’s Skyr.
Stærstu hluthafar lyfjafyrirtækis-
ins eru hins vegar framtakssjóður-
inn TFII, sem er í stýringu Íslenskra
verðbréfa, félagið BKP Invest, sem
er í jafnri eigu Bjarna og Kenneths
Peterson, stofnanda Norðuráls,
tryggingafélagið VÍS og Eignar-
haldsfélagið Hof í eigu bræðranna
Sigurðar Gísla og Jóns Pálmasona.
Samk væmt viðskiptaáætlun
Coripharma verða tekjur þess um
13,3 milljónir evra á næsta ári og
afkoma félagsins fyrir fjármagns-
liði, afskriftir og skatta (EBITDA)
neikvæð um 10,6 milljónir evra.
Áætlanir gera hins vegar ráð fyrir að
tekjurnar verði komnar í rúmlega
64 milljónir evra á árinu 2023 og
EBITDA félagsins verði þá jákvæð
um meira en 9 milljónir evra. Þá er
búist við því að heildarvirði Corip-
harma verði á þeim tíma metið á um
155 milljónir evra, jafnvirði rúm-
lega 20 milljarða króna.
hordur@frettabladid.is
Coripharma sækir sér
tvo milljarða í hlutafé
Lyfjafyrirtækið að klára hlutafjáraukningu upp á um 15 milljónir evra. Fjár-
mögnunin nýtt til að kosta þróun á eigin samheitalyfjum. Fjárfestingarfélög-
in Brimgarðar, Stálskip og Eldhrímnir bættust í hluthafahópinn fyrr á árinu.  
Bjarni K. Þorvarðarsson, forstjóri Coripharma. FRÉTTABLAÐIÐ/EYÞÓR
5,5
milljarðar króna er heildar-
virði lyfjafyrirtækisins
miðað við gengið í hlutafjár-
aukningunni.
1 8 . D E S E M B E R 2 0 1 9 M I Ð V I K U D A G U R2 MARKAÐURINN