Fréttablaðið - 21.12.2019, Side 34

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 694 4103,
Brynjólfur Þorsteinsson, inn­kaupastjóri erlendra bóka, segir að fólk leiti eftir öllu
mögulegu í erlendu deildinni.
„Hingað kemur fólk í leit að öllu
á milli himins og jarðar, skáld­
skap eða fræðum, hverju sem
er. Maður fær eiginlega aldrei
sömu spurninguna tvisvar, sem
er skemmtilegt, og það er gaman
að heyra í hverju fólk er að pæla.
Við erum líka með gott úrval af
þýddum skáldskap hvaðanæva,
eitthvað sem er kannski ekki til
annars staðar hér á landi,“ greinir
Brynjólfur frá þegar hann er
spurður hverju viðskiptavinir séu
helst að leita eftir. Hann bætir því
við að áhersla sé lögð á að eiga nóg
af titlum og fjölbreyttum.
„Við erum auðvitað líka með
stóru titla ársins, til dæmis The
Testaments eftir Margaret At­
wood, framhaldið af Handmaid‘s
Tale, Catch and Kill eftir Ronan
Farrow, blaðamanninn sem fletti
ofan af Harvey Weinstein, The
Year of the Monkey eftir Patti
Smith, og ýmislegt annað sem er
í deiglunni þessa dagana,“ segir
hann.
Erlendu bækurnar ódýrari
Brynjólfur segir að það sé nokkuð
algengt að fólk gefi fallegar gjafa­
bækur, einhverja skemmtilega
klassík, eða fræðibækur um efni
sem er kannski ekki til á íslensku
í jólagjöf. „Erlendu bækurnar
eru líka yfirleitt ódýrari en þær
íslensku, þannig að þær henta vel
þegar fólk ætlar að fara varlega
í spreðinu. Klassíkin er mjög
vinsæl og einnig ferðabækur. Þessa
dagana fara bækur um loftslags­
mál líka hratt og svo náttúrulega
íslenskar bækur á ensku, sem er
skemmtilegt, það er gaman að selja
útlendingum Kristnihald undir
jökli eða Sjón, til dæmis,“ segir
Brynjólfur en boðið er upp á sjö
þúsund titla í hillunum í erlendu
deildinni.
„Flestir ættu að finna eitthvað
við sitt hæfi, hvort sem það er um
tónlist, ljósmyndun, landkönnun
eða bara hvað sem er. Það hefur
aukist að fólk lesi bækur á ensku,
kannski sérstaklega með auknum
vinsældum hljóðbóka og aðgengi
í gegnum internetið. Það jafnast
þó ekkert á við að fá góða bók í
jólagjöf,“ segir Brynjólfur. „Barna­
bókadeildin er ekki stór, en ég á
nokkra titla til, Múmínálfana og
Lísu í Undralandi og þess háttar,
í fallegum útgáfum sem væru
flottar í pakka.“
Reddar óvenjulegum bókum
Mikill fjöldi Íslendinga leggur leið
sína á Laugaveginn á aðventunni
og kíkir í Bókabúð Máls og menn­
ingar í leiðinni. Brynjólfur segir að
Íslendingar komi mikið á veturna
en meira sé um erlenda ferða­
menn á sumrin. „Það er svo gott
fyrir Íslendinga að lesa á veturna,
það virkar fínt gegn skammdegis­
þunglyndinu,“ segir Brynjólfur
og nefnir að margir fastakúnnar
sérpanti bækur. „Þeir eru kannski
að leita að bókum um efni sem
erfitt er að nálgast en við getum
yfirleitt reddað því eftir ein­
hverjum leiðum,“ segir Brynjólfur
sem hefur starfað hjá BMM í þrjú
ár, fyrst í hlutastarfi með skóla
en síðan í föstu starfi hjá erlendu
deildinni. „Blessunarlega,“ segir
hann. „Það er ekkert skemmtilegra
en að grúska í bókum og forrétt­
indi að fá að starfa við það. Þetta
hefur alltaf verið draumadjobbið,
að fá að haga heilli hæð af bókabúð
eftir mínu höfði, og ég vona að
það sjáist á deildinni. Það er líka
gaman að hafa áhrif á hvað aðrir
lesa og hlutverk sem ég tek alvar­
lega, bókmenntir eru ekkert grín,“
segir Brynjólfur sem er einnig að
fást við skáldskap. „Jú, ég er meira
að segja með í jólabókaflóðinu í
ár, með ljóðabókina Þetta er ekki
bílastæði sem Una útgáfuhús gefur
út. Ég hugsa að það verði svolítil
bið á að hún verði til hérna hjá mér
á ensku, enskumælandi verða bara
að vera þolinmóðir,“ segir Brynj­
ólfur sem hlaut Ljóðstaf Jóns úr
Vör fyrr á árinu.
Hann segir að vinnan í bókabúð­
inni og skáldskapur fari mjög vel
saman. „Ég skrifaði meira að segja
2­3 ljóð þegar það var rólegt að
gera í vinnunni, en fyrir alla muni
ekki segja verslunarstjóranum,“
segir hann brosandi.
Góð jólasala
Brynjólfur hefur gaman af að
aðstoða fólk við val á bókum og
segir að það sé ánægjulegt að finna
réttu bókina. „Við leggjum mikið
upp úr því hér í bókabúðinni að
þjónusta fólk vel. Jólasalan hefur
verið góð og það verður spennandi
að sjá hvernig staðan verður eftir
lokun á Þorláksmessu. Þetta er
náttúrlega algjört metár í bóka­
útgáfu og verður spennandi að sjá
hvort allar þessar bækur skili sér
undir jólatréð.“
Á efri hæð bókabúðar Máls og
menningar er skemmtilegt kaffi­
hús sem selur alls konar drykki
og veitingar. „Það er virkilega
notalegt í jólaösinni að koma og
kaupa jólagjafir og setjast svo upp
á kaffihús og fá sér eitthvað gott í
gogginn og slaka aðeins á.“
Bókabúð Máls og menningar er á
Laugavegi 18. Opið er frá 9-22 á
virkum dögum og 10-22 um helgar
allan ársins hring. Á Þorláksmessu
verður opið til 23.
Það er fjölbreytt úrval bókatitla í erlendu deildinni og margar fallegar gjafabækur. Brynjólfur aðstoðar viðskiptavini við valið. FRÉTTABLAÐIÐ/SIGTRYGGUR ARI
Erlenda deildin er stór enda úrvalið mikið og fjölbreytt.
Bókabúð Máls
og menningar á
Laugavegi hefur
fjölda fastra
viðskiptavina
en þar er hægt
að sérpanta er-
lendar bækur.
Þetta er náttúrlega
algjört metár í
bókaútgáfu og verður
spennandi að sjá hvort
allar þessar bækur skili
sér undir jólatréð.
Framhald af forsíðu ➛
2 KYNNINGARBLAÐ FÓLK 2 1 . D E S E M B E R 2 0 1 9 L AU G A R DAG U R