Fréttablaðið - 21.12.2019, Síða 36

Í Kína hefur yngri
kynslóðin þróað
þann sið að gefa hvert
öðru epli sem er pakkað
inn í litríkan og fallegan
pappír
Við Íslendingar eigum marga, skemmtilega gjafasiði kringum jólin. Jólasveinar
gefa þægum börnum gjafir í
skóinn í þrettán daga fyrir jól en
kartöflur ef þau eru ekki eins þæg,
mjúkur pakki þýðir að gjafþegi fer
ekki í jólaköttinn og svo fá nánast
allir einhverja bók í jólagjöf. Aðrar
þjóðir eru síður en svo eftirbátar
okkar í gjafasiðum, sumir finnst
okkur skrýtnir en þá er bara að
rifja upp karlana sem koma inn til
barnanna okkar daglega á dimm-
asta tíma ársins og fella dóma um
hegðun þeirra.
Börn í Mið- og Suður-Evrópu
setja reyndar líka skóna sína út í
glugga en bara einu sinni og þá er
það skjalfestur dýrlingur, heilagur
Nikulás, sem kemur 6. desember
og setur eitthvert góðgæti í skóna
þeirra. Með honum eru stundum
óvættir sem stela börnum, til
dæmis hinn óhugnanlegi Krampus
sem er hálfur maður og hálf geit
og minnir um margt á Grýlu og en
einnig á Pan, hinn gríska hjarðguð.
Í Katalóníu er það trjádrumbur-
inn brosmildi Tíó de Nadal, með
sokk á hausnum og mjóa tré-
Ég fæ jólagjöf
Frá því að vitringarnir þrír gáfu Jesúbarninu gull, reykelsi
og mirru á fyrsta þrettándanum hafa jólagjafir tengst
siðum og venjum í flestum löndum þar sem haldin eru jól.
Í Mexíkó tíðkast að berja burt syndir sínar vikuna fyrir jól með því að slá í sjö
geisla pinjötu. Hér er ein slík svífandi yfir Mexíkóborg. NORDICPHOTOS/GETTY
Krampusinn ógurlegi heimsækir borgir og bæi í þýskumælandi Evrópu í
föruneyti heilags Nikulásar sem gefur börnum gjafir 6. desember.
Tíó de Nadal, eða jóladrumburinn káti, sem kúkar gjöfum og sætindum handa börnum í Katalóníu fyrir jólin.
fætur sem börnin lemja þangað til
hann gefst upp og kúkar gjöfum
og nammi um alla stofu. Síðasti
kúkurinn er ýmist laukbiti, hvít-
lauksrif eða síld og þá er drumbn-
um stungið í eldinn þar sem hann
hlýjar fjölskyldunni meðan hún
snæðir jólamatinn.
Í Púertó Ríkó hlakka börnin
mikið til 5. janúar þegar þau fara
út og fylla skókassa af grasi. Þeir
eru svo settir undir rúmin hjá
foreldrum og öfum og ömmum
og morguninn eftir eru kass-
arnir fullir af sælgæti og gjöfum frá
vitringunum þremur sem fylltu þá
þegar úlfaldar þeirra höfðu rifið
glaðir í sig grasið úr kössunum.
Í Kína, þar sem það er frekar
nýleg hefð að halda jól, hefur yngri
kynslóðin þróað þann sið að gefa
hvert öðru epli sem er pakkað
inn í litríkan og fallegan pappír.
Orðið yfir epli og aðfangadag eru
svipuð á kínversku og epli táknar
frið og lukku. Þetta leiðir hugann
óneitanlega að jólaeplunum sem
komu með jólin til Íslendinga langt
fram eftir síðustu öld.
Það er misjafnt hver kemur með
jólagjafirnar, jólasveinninn eða
einhver útgáfa af honum kemur
með þær í Vestur-Evrópu, í Suður-
Evrópu eru það gjarna vitringarnir
sem geta bara ekki hætt að gefa
gjafir eftir að þeir gáfu Jesú gullið,
reykelsið og mirruna. Í Kosta
Ríka er það Jesúbarnið sjálft sem
kemur með gjafirnar. Í Brasilíu
eiga allir leynivin sem gleður þá á
ýmsa lund á jólaföstunni og lætur
ekki uppi hver hann er fyrr en á
aðfangadagskvöld.
Í Mexíkó rignir sælgæti frá sjö
geisla pappastjörnu á hverju kvöldi
frá 16.-24. desember. Armarnir
tákna dauðasyndirnar sjö og og
með því að lemja sundur einn arm
á hverju kvöldi á þessu tímabili
hreinsast fólk af syndum sínum
og afneitar þeim. Þetta er upp-
haflegi tilgangurinn með því að
lemja stundur pinjötu eða pappa-
form svo sælgæti og gjafir leki út
sem síðan hefur náð útbreiðslu í
tengslum við afmæli og öskudaga.
Í ýmsum löndum á Balkan-
skaga taka börnin gjafamálin í
sínar hendur! Á þriðja sunnudegi
í aðventu þá binda þau fætur
móður sinnar saman um ökklana
svo hún á erfitt um gang og neita
að leysa hana nema hún gefi þeim
jólagjafir. Sunnudaginn eftir gera
þau föður sínum sama grikk sem
er alveg jafn hissa á atganginum
þó móðirin hafi gengið í gegnum
sömu raun viku áður.
Brynhildur
Björnsdóttir
brynhildur@frettabladid.is
Útsölustaðir: Flest apótek, heilsuhillur stórmarkaða.
Enzymedica býður uppá öflugustu meltingar-
ensímin á markaðnum en einungis eitt hylki
með máltíð getur öllu breytt.
Meltingarónot, uppþemba,
vanlíðan, röskun á svefni og
húðvandamál eru algengir
fylgifiskar þegar gert er vel
við sig í mat og drykk.
l Ensím eru nauðsynleg fyrir meltingu og
öll efnaskipti líkamans.
l Betri melting, meiri orka, betri líðan!
l 100% vegan hylki.
l Digest Basic hentar fyrir börn
Gleðilega meltingu
4 KYNNINGARBLAÐ FÓLK 2 1 . D E S E M B E R 2 0 1 9 L AU G A R DAG U R