Hugur og hönd - 01.06.1970, Blaðsíða 25
refill
Saumaður með skakkagliti í rauðan ullarjava með íslenzku kambgarni í 3—4 lit-
um. Fyrirmyndin er um 23X100 cm. M. J.
kroti, stundum með rúnaletri: Þóra á
rnig, stutt og laggott. En á seinni öidum
varð algengara að snæ'ldusnúðar væru
úr tré og þá um leið stærri. Og þá var
ekki að sökum að spyrja: íslenzki tré-
skurðargróðurinn nam land á snúðun-
um, blöð og greinar fléttuðu sveiga allt
umhverfis, ellegar höfðaletur með lysti-
lega skráðu fangamarki eigandans eða
einhverju góðu orði. Nytsemdarhlutur
hversdagsins eignaðist líf og persónu-
leika af list og hugsun. Fa'llega unnin
snældusnúður úr íslenzku birki getur
verið ótrúlega fagur hlutur og fullkom-
inn í einfaldleik sínum.
Almenn saga fjallar um þjóðmál og
forustumenn. Menningarsaga fjallar
meðal annars um vinnandi hendur, tæki
þeirra og verk. Þar á halasnældan
heima. I fornöld og langt fram á mið-
aldir var vaðmál aðalútflutningsvara Is-
lendinga. Er það ekki furðulegt að
bandið í öll þau ósköp skuli formæður
okkar hafa spunnið á þetta yfirlætis-
lausa og einfalda tæki? Þær hafa kunn-
að til verka, kunnað að snúa snældunni
sinni í góðurn og bókstaflegum skiln-
ingi. Nú er þeirrar kunnáttu ekki leng-
ur þörf. Halasnældan er minjagripur,
hlutur hennar í þjóðlífinu minning.
Hún á skilið gott eftirmæli.
K. E.
HUGUR OG HOND
25