Fréttablaðið - 11.03.2020, Blaðsíða 17

MARKAÐURINN
ÚTGÁFUFÉLAG Torg., Kalkofnsvegur 2, 101 Reykjavík, sími 550 5000
Netfang rit stjorn@markadurinn.is | Sími 550 5051
Ritstjóri Hörður Ægisson hordur@frettabladid.is
Netfang auglýsingadeildar auglys ing ar@frettabladid.is Veffang frettabladid.is
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
Félög á vegum viðskiptafélag-anna Gunnars Sverris Harðar-sonar og Þórarins Arnars
Sævarssonar, sem eru meðal ann-
ars eigendur fasteignasölunnar RE/
MAX á Íslandi, seldu í byrjun vik-
unnar um 2,7 prósenta hlut í Kviku
fyrir um 440 milljónir króna, sam-
kvæmt heimildum Markaðarins.
Sigurður Bollason fjárfestir keypti
meginþorra bréfanna.
Gunnar Sverrir og Þórarinn
Arnar seldu á mánudagsmorgun
alls 54 milljónir hluta í Kviku banka
á genginu 8,18 krónur á hlut en um
var að ræða bréf sem viðskiptafé-
lagarnir áttu í gegnum framvirka
samninga hjá Íslandsbanka. Salan
kom ekki til vegna veðkalls, eftir því
sem heimildir Markaðarins herma.
Viðskiptafélagarnir, sem komu
fyrst inn í hluthafahóp Kviku banka
síðla árs 2017, áttu fyrir söluna um
9,25 prósenta hlut í fjárfestingar-
bankanum.
Fram kom í f löggunartilkynn-
ingu sem eignarhaldsfélagið RES II,
í eigu hjónanna Sigurðar og Nönnu
Bjarkar Ásgrímsdóttur, sendi Kaup-
höllinni í fyrradag að félagið hefði
bætt við sig í Kviku í gegnum fram-
virka samninga og ætti nú liðlega
6,5 prósenta hlut í bankanum.
Auk eignarhlutarins í Kviku eru
Gunnar Sverrir og Þórarinn Arnar
á meðal stærstu hluthafa Skeljungs
með um 8,5 prósenta hlut og þá eiga
þeir nærri þrjátíu prósenta hlut í
fasteignaþróunarfélaginu Kaldalón.
Hlutabréfaverð í Kviku hækkaði
um 0,5 prósent í viðskiptum gær-
dagsins eftir skarpa 5,8 prósenta
lækkun á mánudag og stóð í 7,95
krónum á hlut við lokun markaða.
Gengi bréfanna hefur fallið um
fjórðung frá áramótum. – hae, kij
Seldu nærri þriggja prósenta hlut í Kviku
Gunnar Sverrir
Harðarson, einn
eigenda RE/MAX
á Íslandi.
Stefnt er að því að gengið verði frá sölu á öllu hlutafé í Borgun í vikunni, samkvæmt heimild-
um Markaðarins. Er kaupandinn
erlenda greiðslumiðlunarfyrir-
tækið Salt Pay og nemur kaupverðið
um fimm milljörðum króna, eftir
því sem heimildir blaðsins herma.
Seljendur eru Íslandsbanki, sem
setti 63,5 prósenta hlut sinn í Borg-
un í söluferli í byrjun síðasta árs,
eignarhaldsfélagið Borgun, sem er
samlagsfélag í eigu meðal annars
Stálskipa og Einars Sveinssonar
fjárfestis, með 32,4 prósenta hlut,
og félag í eigu stjórnenda Borgunar
með tveggja prósenta hlut.
Samkvæmt samkomulagi um
kaupin, sem gert er ráð fyrir að
skrifað verði undir síðar í vikunni,
munu forgangshlutabréf í Visa Inc.
ekki fylgja með. Bréfin, sem Borgun
eignaðist þegar það seldi hlut sinn
í Visa Europe á árinu 2016, eru
bókfærð um þrjá milljarða króna í
bókum félagsins en markaðsvirði
þeirra er hins vegar talið verið
lægra.
Eins og greint hefur verið frá í
Markaðinum stóðu viðræður um
kaupin um nokkurt skeið við tvö
erlend félög, þar á meðal greiðslu-
þjónustufyrirtæki sem er meðal
annars í eigu og stýrt af Ali Mazan-
derani, stjórnarmanni í Creditinfo
Group. Í þeim viðræðum var gert
ráð fyrir að kaupverðið fyrir Borgun
yrði í kringum sjö milljarðar króna
en ekki lá þá fyrir hvort áðurnefnd
forgangshlutabréf í Visa Inc. yrðu
látin fylgja með í kaupunum.
Corestar Partners hefur verið
Íslandsbanka til ráðgjafar í sölu-
ferlinu.
Rekstur Borgunar hefur gengið
erfiðlega á síðustu árum en til
marks um það tapaði félagið ríf-
lega 972 milljónum króna á síðasta
ári borið saman við 1.069 milljón
króna tap árið 2018.
Rekstrartekjur greiðslumiðlunar-
fyrirtækisins voru alls 2.603 millj-
ónir króna í fyrra, eftir því sem
fram kom í ársreikningi Íslands-
banka fyrir árið, samanborið við
2.128 milljónir króna árið áður.
Þá jukust launatengd gjöld félags-
ins um níu prósent á síðasta ári og
námu þá 2.260 milljónum króna.
Annar rekstrarkostnaður félagsins
var 1.359 milljónir króna.
Eignir Borgunar námu um 22,4
milljörðum króna í lok síðasta árs
en á sama tíma var eigið fé félagsins
liðlega 6,6 milljarðar króna.
– hae, kij
Fimm milljarða króna
sala á Borgun að klárast
Íslandsbanki setti hlut sinn í Borgun í söluferli í fyrra. FRÉTTABLAÐIÐ/ERNIR
Í tillögum sem fulltrúar bank-anna hafa kynnt fyrir Seðla-banka Íslands, sem viðbragð til að bregðast við fyrirsjáan-legum lausafjár- og greiðslu-
er f iðleikum fyrirtækja vegna
efnahagslegra áhrifa af útbreiðslu
kórónaveirunnar, er meðal annars
lagt til að Seðlabankinn beiti efna-
hagsreikningi sínum með því að
kaupa sértryggð skuldabréf fyrir-
tækja, svo sem fasteignafélaga, á
markaði. Slíkar aðgerðir eru sam-
bærilegar þeim sem seðlabankar
beggja vegna Atlantsála réðust í eftir
alþjóðlegu fjármálakreppuna til að
að lækka langtímavexti á markaði.
Þá kemur einnig fram í tillögum
bankanna, sem hafa verið útfærðar
á vettvangi Samtaka fjármálafyrir-
tækja (SFF), að ríkið muni bera hluta
af þeirri útlánahættu sem fylgir því
ef bankarnir koma til móts við fyrir-
tæki, einkum í ferðaþjónustu, með
aukinni lausafjárfyrirgreiðslu, sam-
kvæmt heimildum Markaðarins.
Sömuleiðis er að finna tillögur, sem
minna um margt á „Beinu brautina,“
samkomulag stjórnvalda og lána-
stofnana 2010 um skuldaaðlögun
lítilla og meðalstórra fyrirtækja,
sem lúta að því hvernig taka eigi á
tímabundnum greiðsluvanda með
því að endurskipuleggja skuldir líf-
vænlegra fyrirtækja í erfiðleikum.
Samkvæmt tillögunum, sem eru
margþættar, er jafnframt lagt til að
bindiskyldan minnki, vextir Seðla-
bankans lækki enn frekar og að svig-
rúm fjármálakerfisins til að takast
á við tímabundinn lausafjárvanda
atvinnulífsins verði aukið með því
að draga úr eiginfjárkröfum og
sveif lujöfnunaraukinn lækkaður
verulega. Sveif lujöfnunaraukinn
nemur nú tveimur prósentum eftir
að hafa verið hækkaður um 0,25
prósentur 1. febrúar, sem byggðist á
ákvörðun Fjármálastöðugleikaráðs
ári áður, en nýlega skipuð Fjármála-
stöðugleikanefnd kemur saman í
fyrsta sinn síðar í þessum mánuði
þar sem meðal annars verður rætt
hvort endurskoða eigi eiginfjárauka
á bankana til lækkunar.
Seðlabankinn fundaði með stóru
bönkunum síðastliðinn mánudag,
samkvæmt heimildum Markaðar-
ins, en fram kom á blaðamanna-
fundi ríkisstjórnarinnar í gær að
hún myndi meðal annars beita sér
fyrir virku samráði milli stjórnvalda
og Samtaka fjármálafyrirtækja um
viðbrögð þeirra við erfiðleikum
fyrirtækja í ferðaþjónustu. Þannig
hefur Yngvi Örn Kristinsson, hag-
fræðingur SFF, síðustu daga unnið
náið með stýrihópi sjö ráðuneytis-
stjóra um samfélagsleg og hagræn
viðbrögð við kórónaveirunni. Stýri-
hópurinn var settur á fót undir lok
síðasta mánaðar. Útfærðar tillögur
ættu að liggja fyrir á allra næstu
dögum.
Á blaðamannafundi forystumanna
ríkisstjórnarinnar kom fram að
aðgerðir stjórnvalda munu miða að
því að aðstoða fyrirtæki sem lenda í
tímabundnum rekstrarörðugleikum,
frestir verði veittir á opinberum
gjöldum, skoðað verði að fella niður
skatta sem eru íþyngjandi fyrir fyrir-
tæki landsins og setja aukinn kraft í
opinberar framkvæmdir svo dæmi
séu tekin. Í samtali við Markaðinn
segir Lilja Alfreðsdóttir, mennta- og
menningarmálaráðherra, aðgerðirn-
ar vera „þýðingarmikið fyrsta skref“.
Til að slíkar efnahagsaðgerðir
skili hins vegar sem mestum árangri
þurfi atvinnulífið, peningamála-
yfirvöld og stjórnvöld að ganga í
takt. „Þá þurfa aðrir, meðal annars
sveitarfélögin, að koma til móts við
fyrirtæki í lausafjárerfiðleikum með
frestun fasteignagjalda,“ segir Lilja.
„Við vitum ekki hversu lengi
þetta efnahagsástand varir vegna
útbreiðslu kórónaveirunnar og
hversu mikið áfallið verður,“
útskýrir Lilja, „af því að þetta eru
fordæmalausar aðstæður. Þess vegna
er mikilvægt, einkum í ljósi þess að
ferðaþjónustan er okkar stærsta
gjaldeyrisskapandi atvinnugrein,
að við grípum til umfangsmikilla
aðgerða til að milda höggið og
tryggja um leið skjóta efnahagslega
viðspyrnu.“ hordur@frettabladid.is
Seðlabankinn kaupi
skuldabréf fyrirtækja
SFF kynnt tillögur sem lúta að því að Seðlabankinn kaupi sértryggð skulda-
bréf. Ríkið taki á sig hlut útlánaáhættunnar vegna lausafjárfyrirgreiðslu til
fyrirtækja. Lilja segir aðgerðir stjórnvalda vera „þýðingarmikið fyrsta skref“.
Seðlabankinn hefur boðað í dag, miðvikudag, til sérstaks kynningarfundar um ákvörðun peningastefnunefndar
bankans. Fundinum var flýtt um viku en hann átti að fara fram í næstu viku. FRÉTTABLAÐIÐ/VALLI
Við vitum ekki
hversu lengi þetta
efnahagsástand
varir af því að
þetta eru
fordæma-
lausar
aðstæður.
1 1 . M A R S 2 0 2 0 M I Ð V I K U D A G U R2 MARKAÐURINN