Fréttablaðið - 16.04.2020, Qupperneq 2

Tveir af hverjum þremur
safngestum árið 2018 voru
erlendir ferðamenn.
Veður
Suðvestan 3-10 í dag. Bjart veður
austan til, en skúrir á vestanverðu
landinu. Hiti 2 til 10 stig.
SJÁ SÍÐU 20
Dagur Vigdísar
Hópur einsöngvara og kór mættu á lóðina á Aragötunni hjá frú Vigdísi Finnbogadóttur og sungu fyrir hana afmælissönginn og þjóðsönginn á 90
ára afmælisdaginn. Margir f leiri gamlir vinir og kunningjar voru einnig mættir til að heiðra forsetann fyrrverandi. Vigdís sagðist ekkert sérstak-
lega vera hrifin af afmælisdögum, eða þykja þeir merkilegir yfirleitt, en erfitt væri að verjast tárum yfir svo fallegum söng. FRÉTTABLAÐIÐ/ERNIR
VERSLUN Borgarbúar tóku við sér
eftir að Katrín Jakobsdóttir forsæt-
isráðherra tilkynnti um tilslakanir
á samkomubanninu og fóru í búðir.
Í Kringlunni hefur viðskiptavinum
fjölgað og í gær þegar Fréttablaðið
leit við um hádegisbilið var þar
létt yfir. Í Smáralindinni var góður
dagur og í miðbænum minntu pásk-
arnir á jólavertíðina.
„Mér finnst meira líf í húsinu.
Ég var að tala við sendibílstjór-
ann okkar áðan og hann sagði að
umferðin væri að taka við sér. Við
skynjum að hér er að kvikna líf,“
segir Sigurjón Örn Þórsson, fram-
kvæmdastjóri Kringlunnar. Miðað
við talningar þar á bæ hefur gestum
verið að fjölga frá mánaðamótum
en aðeins um 4.000 manns heim-
sóttu verslunarmiðstöðina 24.-31.
mars. Á laugardeginum fyrir páska
varð 33 prósenta fjölgun frá fyrri
laugardegi.
„Hann Eyjólfur er að hressast.
Ég var reyndar að vona að það yrði
aftur farið í 100 því þegar fækkað
var niður í 20 þurftum við að loka
setusvæðinu við Stjörnutorg. En
það er að kvikna líf hér í húsinu og
starfsemi sem hefur verið lokuð
vegna boða og banna fer aftur í
gang 4. maí því hér eru naglastofur,
sjúkraþjálfun, hárgreiðslustofur og
annað sem má fara aftur af stað.“
Tinna Jóhannsdóttir, markaðs-
stjóri Smáralindar, tekur í sama
streng. Segir að umferðin á þriðju-
dag hafi verið örlítið meiri en dag-
ana á undan. „Það hefur reyndar
verið fín umferð um húsið en ég
heyri það á rekstraraðilum í hús-
inu og þeim sem ég hef rætt við að
undanförnu, að það er eins og það
hafi rofað eitthvað til.“
Hún hefur sömu sögu að segja
og Sigurjón. Laugardagurinn fyrir
páska var sterkur. „Fólk var greini-
lega að gera extra vel við sig þessa
páskana með því að kaupa góðan
mat, spil og f leira til að njóta með
sínum. En klárlega eftir fundinn rof-
aði aðeins til í hugsunarhætti og það
var bros víða um Smáralindina.“
Guðrún Jóhannesdóttir í Kokku
situr í stjórn Miðborgarinnar okkar
sem fundaði í gær. Guðrún hefur
haft opið eins og venjulega í þessu
ástandi, frá 10 til 18, og er ánægð
með sína viðskiptavini. „Auðvitað
er þetta skrýtið ástand. Það er spritt
við innganginn og það byrja allir
þar. Það var svolítið erfitt fyrst en
mér fannst það vera vegna þess að
fólk var að gleyma sér. En núna er
fólk mjög meðvitað og sprittar sig
og heldur fjarlægð. Enda skilar þetta
þessum árangri sem allir geta verið
stoltir af.“
Hún segir fólk ánægt með traff-
íkina. Um páskana séu Íslendingar
yfirleitt í útlöndum eða í bústað en
nú hlýða allir Víði. Þegar kom að því
að viðra sig voru mjög margir sem
röltu Laugaveginn.
„Laugardagurinn var nánast eins
og laugardagur um jólin,“ segir hún.
Þó að viðskiptavinir komi enn til
hennar hefur netverslun aukist
mikið. „Aukningin var um 600 pró-
sent hjá okkur í mars og verður trú-
lega svipuð í apríl.“
benediktboas@frettabladid.is
Fólk tók við sér eftir
tilkynningu stjórnar
Eftir að Katrín Jakobsdóttir forsætisráðherra tilkynnti um tilslakanir á sam­
komubanni eftir 4. maí sáu landsmenn loks til sólar og verðlaunuðu sig með
búðarferð. Verslunarmiðstöðvarnar fundu mun og miðborgarlífið blómstraði.
Kringlan hefur verið að lifna við eftir erfiða tíma. FRÉTTABLAÐIÐ/ERNIR
VIÐSKIPTI Tveir af hverjum þremur
safngestum á Íslandi árið 2018 voru
erlendir ferðamenn. Samkvæmt
nýjum tölum Hagstofu Íslands voru
skráðar alls 2,6 milljónir heimsókna
það ár.
Hlutfallið á milli íslenskra og
erlendra gesta er mismunandi eftir
söfnum en erlendir sækja helst í
sögusöfn. Ferðamannastraumur til
Íslands í sumar mun minnka veru-
lega vegna áhrifa COVID-19 farald-
ursins.
Ág úst a Hreinsdóttir, f ram-
kvæmdastjóri Sögusafnsins, segir
að safnið sé að íhuga alla möguleika
til að halda starfseminni áfram í
sumar. „Það er alveg í myndinni
að reyna að láta starfsemina höfða
meira til Íslendinga. Við ætlum
að stytta opnunartímann og svo
ætlum við að leita í kringum okkur,
tala við samtök um sögutengda
ferðaþjónustu um það hvort þau
séu að fara í eitthvert markaðsátak.“
Úti á Granda eru fleiri söfn eins og
Sjóminjasafnið. „Það var hugmynd
að tala við hin söfnin á Granda og
reyna að gera eitthvað saman. Það
væri held ég alveg hægt að gera
eitthvað skemmtilegt þarna,“ segir
Ágústa. Sögusafnið verður opnað
þann 4. maí þegar samkomubanni
verður aflétt að hluta. „Við reynum
að vera bjartsýn. Við stólum á það
að Íslendingar verði spenntir fyrir
því að heimsækja okkur.“ – así
Vilja höfða til
heimamanna
Þjóðlega klæddar gínur í Sögusafni.
VESTMANNAEYJAR Mjaldrarnir Litla-
Hvít og Litla-Grá hafa ekki verið
mikið í fréttum síðan COVID-19 kom
upp. James Burleigh, markaðsstjóri
Sea Life Trust, sendi umhverfis- og
skipulagsráði Vestmannaeyja erindi
þar sem hann óskar eftir fresti til að
ljúka utanhússframkvæmdum við
Ægisgötu 2 í Vestmannaeyjum sem
ráðið samþykkti. Í húsinu verður
griðastaður fyrir mjaldrana sem og
nýtt safn með gestastofu, aðhlynn-
ingaraðstöðu fyrir lunda, pysjur og
ýmsa sjófugla og myndarlegt nátt-
úrugripa- og sjávardýrasafn. – bb
Sea Life frestar
framkvæmdum
Litla-Grá og Litla-Hvít komu frá
Kína. FRÉTTABLAÐIÐ/ANTON BRINK
Um páskana eru
íslendingar yfirleitt
í útlöndum eða í bústað.
Guðrún
Jóhannessdóttir
1 6 . A P R Í L 2 0 2 0 F I M M T U D A G U R2 F R É T T I R ∙ F R É T T A B L A Ð I Ð