Fréttablaðið - 16.04.2020, Blaðsíða 12

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jóhanna Helga Viðarsdóttir RITSTJÓRI: Jón Þórisson jon@frettabladid.is, FRÉTTASTJÓRAR: Ari Brynjólfsson arib@frettabladid.is,
Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Kristjón Kormákur Guðjónsson kristjon@frettabladid.is.
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Kolbrún
Bergþórsdóttir
kolbrunb@frettabladid.is

Um leið má
ekki gleym-
ast að á
tímum eins
og þessum
eru þess
einnig
fjölmörg
dæmi að
einstaklingar
sýni sam-
kennd, hlýju
og umhyggju
í mun meiri
mæli en áður.

Eitt af því
mikilvægasta
fram undan
er að opna
landamæri og
koma sam-
göngum aftur
í samt lag.
Rithöfundur í miðbæ Reykjavíkur, á virðulegum aldri og því nokkuð vitur og reynslumikill, hefur haft fyrir venju í áraraðir að spássera um bæinn á hverjum degi. Þar sem þetta er mikill sómamaður væri freistandi að segja að hann sé sáttur
við guð og menn. Það orðalag á þó ekki nægilega vel
við þar sem hann er trúleysingi og því miður fjarska
stoltur af því. Sæll í guðleysi sínu er hann um leið
velviljaður flestum mönnum. Þess vegna hefur hann
haft fyrir sið á hinum reglulegu spássitúrum sínum
um bæinn að heilsa þeim sem hann mætir, þótt hann
þekki alls ekkert til þeirra. Góðan daginn, segir hinn
kurteisi og dagfarsprúði rithöfundur, hátt og snjallt
við ókunnuga.
Bærinn hefur venjulega verið fullur af fólki en svo
að segja enginn hefur tekið undir kveðju rithöfundar-
ins. Það þykir sennilega ekki fullkomlega eðlilegt
að sýna ókunnugum áberandi umhyggju og hlýju
í mannmargri borg. Á síðustu vikum hefur rithöf-
undurinn verið að upplifa nokkuð alveg nýtt. Vegna
samkomubanns hefur fámenni verið í miðbænum
en nær allir þeir ókunnugu einstaklingar sem hann
mætir taka nú undir kveðju hans og veifa meira að
segja sumir til hans.
Um daginn fór rithöfundurinn í lengri göngu en
venjulega, alla leið út í Gróttu. Þar voru margir á
göngu, rétt eins og hann sjálfur. Það lá áberandi vel á
öllum. Rétt er að taka fram að allt þetta glaðlega fólk
hélt ákveðinni fjarlægð en kinkaði um leið vingjarn-
lega kolli til þeirra sem voru í tveggja metra fjarlægð-
inni. Rithöfundurinn hitti þarna áttræða konu sem
var afskaplega lukkuleg með lífið og ekki hrædd við
kórónaveiruna sem svo margir skelfast. Mikið er þetta
góður dagur, sagði hún við rithöfundinn sem jánkaði
því og síðan kvöddust þau kurteislega.
Rithöfundurinn er ekki einn um að koma auga á
það að fjölmargir sýna nú ókunnugum meiri hlýju
en áður. Fólk á göngu heilsast og brosir uppörvandi.
Skilaboðin sem það sendir eru: Við erum öll í þessu
saman og við munum komast í gegnum þetta.
Rithöfundurinn hefur ekki breytt lífi sínu að ráði,
þrátt fyrir hremmingar sem kórónaveiran hefur
framkallað. Hann er fremur einrænn og hinir einrænu
þurfa ekki að breyta högum sínum svo mjög, enda
kunna þeir allra best við sig heima hjá sér. Rithöf-
undurinn er heima að lesa og skrifa og fer svo í sína
göngutúra og sýnir fólki sem hann mætir hlýju með
vinalegri kveðju. Þannig líf á einstaklega vel við hann.
Á tímum kórónaveirunnar er sannarlega hætta á
auknu heimilisofbeldi og andlegri vanlíðan. Um leið
má ekki gleymast að á tímum eins og þessum eru þess
einnig fjölmörg dæmi að einstaklingar sýni sam-
kennd, hlýju og umhyggju í mun meiri mæli en áður.
Alla þessa eiginleika er hægt að sýna á tímum þar sem
fólki er sagt að halda fjarlægð frá öðrum. Um leið er
þetta falleg baráttuaðferð á erfiðum tímum. Hún sigr-
ar ekki kórónaveiruna en gerir veröldina þó aðeins
betri og notalegri. Og við þurfum á því að halda.
Göngutúrinn
Við væntum þess öll, og vonum innilega, að bráð-lega verði hið versta yfirstaðið í Covid-faraldr-inum. Vissulega er brekkan brött, við stöndum í
þeirri öfundsverðu stöðu að geta byrjað að létta af tak-
mörkunum, eftir þrjár vikur, ef allt gengur að óskum.
Allir eru að gera sitt besta. Við horfum á hvað þessi veira
gerir því að hún er óvissuþátturinn. Og hvað gerir hún
nú?
Mun hún leggjast í dvala eða koma upp aftur og
aftur? Við vitum það ekki. Nú þegar tilfellum af smiti
fer fækkandi þá þurfum við að huga hratt að því hvern-
ig við getum komið Íslandi aftur í gang. Þess vegna
þurfum við að vera viðbúin öllu og erum að vinna að
efnahagsaðgerðum nr. 2.
Norðurlöndin hafa hvert um sig farið sína leið í við-
brögðum en á flestan hátt erum við á sömu braut. Öll
byggja Norðurlöndin aðgerðir í sóttvörnum á besta
mati fagfólks og stefna Norðurlandanna til að styðja við
fjölskyldur og atvinnulíf hefur verið fumlaus og skýr.
Norðurlöndin hafa líka átt náið samráð sín á milli.
Þar búum við Íslendingar að því að hafa þar til um
síðustu áramót verið í formennsku í Norrænu ráðherra-
nefndinni þar sem ég leyfi mér að fullyrða að okkur
hafi tekist að blása lífi og krafti í norrænt samstarf með
áherslu á umhverfis- og loftslagsmál. Norræna sam-
starfið heldur nú áfram en við gjörbreyttar aðstæður.
Eitt af því mikilvægasta fram undan er að opna
landamæri og koma samgöngum aftur í samt lag. Vöru-
flutningar hafa sem betur fer haldið áfram, öfugt við
fólksflutninga. Ferðaþjónustan hefur nánast stöðvast.
Við ætlum okkur að koma þessari grundvallaratvinnu-
grein aftur af stað og það mun krefjast útsjónarsemi og
úthalds.
Margt bendir til þess að veröldin muni opnast í
skrefum. Þá kann það að gerast að nærsvæðin – í okkar
tilviki Norðurlöndin og vestnorræna svæðið – opnist
fyrst. Kannski verður þróunin sú að ferðalög og við-
skipti milli Norðurlandanna muni aukast umtalsvert
á næstum misserum, því á milli okkar ríkir traust og
samstaða. Þar skiptir samstarfið við Norðurlöndin
miklu máli.
Samráð á Norðurlöndum
Sigurður Ingi
Jóhannsson
samstarfsráð-
herra Norður-
landa
20% afsláttur
Oakley-umboðið á Íslandi
Hlauparar: Arnar Pétursson og
Hulda Guðný Kjartansdóttir.
DAGAR Í OPTICAL STUDIO
Finnskir dagar
Skipuleggjendur hátíða í sumar
klóra sig nú blóðuga í höfðinu
yfir hvernig megi takmarka þær
við tvö þúsund manns. Búið er
að blása af Mexíkóska daga og
Eyjamenn eru farnir að biðla til
ráðherra dagatalsmála um að
færa verslunarmannahelgina
fram í október. Hugmyndir
eru um að skipta hátíðunum
niður á nokkra daga, eins og
Fiskidagurinn fyrsti og annar
í Mýrarbolta. Vesturbæingar
fá 17. júní, Grafarvogsbúar 19.
júní. Eigendur gufubaða eru
hvattir til að halda Finnska
daga. Á Akureyri verður hátíðin
Ein með engum og Sæludagar
teygðir upp í Sæluvikur. Helgi
Björns tæklar Menningarnótt.
Ekki sama hvaðan
Fjölmiðlar hér á landi hafa
síðustu ár veigrað sér við að
hvetja einstaklinga sem liggja
undir feldi til að gefa kost á sér í
kosningum. Á þessum vettvangi
í gær var gerð undantekning á
því þegar Guðmundur Franklín
Jónsson, netheimaspekingur
á Útvarpi Sögu, var eindregið
hvattur til að bjóða sig fram til
forseta. Af einhverjum ástæðum
fór hvatningin öfugt í hann. Guð-
mundur vill frekar fá stuðning
frá fyrirbærum eins og „Q-Anon
Iceland“ sem telur að Bill Gates
sé að eltast við heimsyfirráð með
því að dreifa kórónaveirunni.
Það er greinilega ekki sama
hvaðan stuðningurinn kemur.
arib@frettabladid.is
1 6 . A P R Í L 2 0 2 0 F I M M T U D A G U R12 S K O Ð U N ∙ F R É T T A B L A Ð I Ð
SKOÐUN