Fréttablaðið - 16.04.2020, Blaðsíða 36

SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is FÓLK/
SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@
frettabladid.is, Ruth Bergsdóttir ruth@frettabladid.is. FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar
Helgason hrannar@frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Guðrún Inga Grétarsdóttir gudruninga@frettabladid.is
VIÐ STEFNUM AÐ ÞVÍ
AÐ GERA ÞETTA
VIKULEGA OG Á MEÐAN EIN-
HVER NENNIR AÐ HLUSTA Á
ÞETTA ÞÁ HÖLDUM VIÐ ÁFRAM.
Orkan býður lítrann á lægsta
verðinu í öllum landshlutum
— án allra skilyrða.
LÆGSTA
VERÐIÐ
Í ÖLLUM
LANDS-
HLUTUM
Bullur sem elta enska bolt ann af ást r íðu engjast margar í til-vistarkreppu eftir að COVID-19 gaf ensku úrvalsdeildinni rauða
spjaldið. Birgir Ólafsson, formaður
Tottenhamklúbbsins á Íslandi, og
Gestur Valur Svansson meðstjórn-
andi dóu þó ekki ráðalausir í fásinn-
inu og ákváðu að bjarga boltageð-
heilsu sinni og væntanlega f leiri
Spursara með vikulegu hlaðvarpi.
„Okkur langaði að gera eitthvað
tengt Tottenham á meðan þetta
samkomubann er og engir leikir
spilaðir. Þetta er svona okkar til-
raun til að reyna stytta boltabullum
stundirnar fram að næsta leik,“
segir Gestur Valur og þakkar sínum
sæla fyrir að þótt boltinn rúlli ekki
sé endalaust hægt að tala um hann
því ómögulegt er að segja til um
hvenær næst verður flautað til leiks.
Nýttu dauðafæri
„Við höfðum áður talað um að gera
þetta einhvern tímann, að vera
með svona þátt vikulega eða á
hálfs mánaðar fresti eða eitthvað,“
heldur Gestur áfram og segir þetta
hafa legið beint við á þessum dauðu
tímum. „Það var bara gráupp-
lagt að gera þetta núna þannig að
við fórum að skoða hvernig þetta
gengur fyrir sig og enduðum á Pod-
cast stöðinni sem er náttúrlega bara
snilld og þegar við áttuðum okkur
á hvað þetta var auðvelt létum við
bara vaða.“
Gestur Valur segir þá félaga í raun
ekki þurfa að hugsa um neitt nema
boltann og gæta þess að hafa um
nóg að tala í hljóðnemana sem bíða
tilbúnir eftir þeim. „Við pöntum
bara tíma, tökum upp og þeir græja
allt og redda þessu fyrir okkur á
netið þannig að það er hægt að
finna okkur á Spotify og f lestum
hlaðvarpsveitum undir Spursarar.“
Tilfinningalegt tómarúm
Eins og alþjóð veit hefur fólk sem
ánetjast enska boltanum og þeim
liðum sem þar keppa ríka tilhneig-
ingu til þess að gefa sig í sparkið
af lífi og sál þannig að upplifunin
verður því sem næst trúarleg.
Ástríðubullurnar eru því á þess-
um velli, eins og víðar, að upplifa
fordæmalaust ástand. Gestur tekur
sjálfan sig sem dæmi um mann sem
stendur frammi fyrir því að ára-
tugalangur og jafn taktur tilveru
hans hefur verið rofinn.
„Þetta er eins og ég segi. Menn
eru bara vanir þessu og ótrúlegasta
fólk spyr sig nú að því hvað í veröld-
inni maður gerði áður en boltinn
kom inn í lífið? Það eru engir leikir.
Engir! Og það er ekki einu sinni
hægt að horfa á íslenska boltann,
handboltann eða eitthvað í stað-
inn. Það er bara ekkert og maður
er búinn að liggja yfir þessu nánast
bara hverja helgi síðan maður var
tólf ára gamall, eða eitthvað svoleið-
is og maður nennir ekki að horfa á
einhverja gamla leiki,“ segir Gestur
sem hefur fundið sáluhjálpina við
hljóðnemann.
Sprittaðir Spursarar
Þættirnir eru orðnir tveir og Frétta-
blaðið truflaði Gest í miðjum undir-
búningi þeirra félaga á upptöku
fyrir þann þriðja sem ætti að detta
inn undir lok vikunnar.
„Fyrsti þátturinn fór aðallega í að
kynna okkur og hvernig við urðum
stuðningsmenn Tottenham og svo
framvegis. Annars blöðrum við
um allt og ekkert, um Totteham og
ensku úrvalsdeildina,“ segir Gestur
og lætur fljóta með að viðtökurnar
hafi verið fínar. „Við stefnum að því
að gera þetta vikulega og á meðan
einhver nennir að hlusta á þetta þá
höldum við áfram.“
Gestur Valur og Birgir eru vita-
skuld ekki einu Spursararnir á
Íslandi þannig að einhver gesta-
gangur er fyrirsjáanlegur í þætt-
inum. „Við ætlum að fá stuðnings-
menn í settið til okkar og spjalla um
Tottenham og enska boltann.
Hjá l ma r Ör n Jóha n ns son,
snappar i og skemmtik raf tur,
ætlar að koma í næsta þátt. Hann
er Tottenham-maður og við erum
með allar græjur til þess að taka á
móti gestum. Þarna er passað upp
á að hafa gott bil á milli og það
eru sprittbrúsar úti um allt þarna
þannig að þetta er bara gaman.“
toti@frettabladid.is
Sprittaðir Spursarar
bjarga í horn
Stjórnarmenn í Tottenhamklúbbnum hafa brugðist við leikja-
leysinu í enska boltanum og bjargað um leið geðheilsu sinni í horn
með vikulegu hlaðvarpi sem þeir nefna einfaldlega Spursarar.
Spursararnir Gestur Valur Svansson og Birgir Ólafsson, stjórnarmenn í Tottenhamklúbbnum á Íslandi, fara í and-
lega sturtu í podcastklefanum, láta dæluna ganga og halda þannig sönsum á meðan enski boltinn hreyfist ekki.
1 6 . A P R Í L 2 0 2 0 F I M M T U D A G U R28 L Í F I Ð ∙ F R É T T A B L A Ð I Ð