Feykir - 25.10.2017, Side 4
X17 AÐSENT :: Stefán Vagn Stefánsson skrifar
Tækifærin liggja í íslenskum landbúnaði
Landbúnaður er ein af undirstöðu-
atvinnugreinum Íslands. Þúsundir
manna vinna við landbúnað og störf
honum tengdum um land allt –
ekki aðeins á lands-
byggðinni heldur
einnig á höfuðborgar-
svæðinu.
Nýsköpun í greininni er
mikil og íslenskir bændur
bæði framsýnir og djarfir.
Nærtækt dæmi um þetta
er sá mikli uppbyggingar-
hugur sem er hjá naut-
gripabændum og mjólkur-
framleiðendum en mikill
fjöldi fjósbygginga er ýmist
á undir-búningsstigi eða í byggingu um
land allt. Þar er velferð gripa sett í
öndvegi ásamt því sem leitast er við að
nýta skilvirkustu framleiðsluaðferðir
hverju sinni.
Annað gott dæmi um þróunina og
stórhuginn er hin glæsilega prótein-
verksmiðja Heilsupróteins sem vígð var
á Sauðárkróki um liðna helgi. Verk-
smiðjan er samstarfsverkefni Mjólkur-
samsölunnar og Kaupfélags Skagfirðinga
en í henni verður framleitt próteinduft
úr mysu sem fellur til við ostagerð á
Vestur-, Norður- og Austurlandi. Í síðari
áfanga verksmiðjunnar verður framleitt
etanól úr mjólkursykri ostamysunnar og
einnig úr mysu sem fellur til við
skyrgerð. Með öðrum orðum er hráefni
sem áður var sóað, umbreytt á
hugvitssamlegan og umhverfisvænan
hátt í verðmæta aukaafurð. Þetta ber
vott um þróttmikla atvinnugrein.
En það eru líka ógnir
En það eru líka ógnir sem
steðja að íslenskum land-
búnaði. Sauðfjárbændur
standa frammi fyrir mikl-
um vanda. Fráfarandi
ríkisstjórn sýndi ekki mik-
inn vilja til skynsamlegra
úrlausna í þeim efnum
heldur virtist sem land-
búnaðarráðherrann vildi
helst nýta tækifærið til að
þrýsta áherslum Viðreisnar
á sviði landbúnaðarmála í
gegn. Það er ábyrgðarhluti
hjá Sjálfstæðisflokknum að hafa leitt
Viðreisn og Bjarta framtíð til valda.
Undan þeirri ábyrgð er ekki hægt að
víkja. Það er oft fljótgert að rífa niður
það sem hefur tekið langan tíma að
byggja upp.
Framsóknarflokkurinn vill auka
stuðning tímabundið til að hjálpa
bændum að komast yfir þennan hjalla
og lögleiða verkfæri til sveiflujöfnunar
svo að þessi staða komi ekki upp aftur.
Sauðfjárrækt er undirstaða dreifðra
byggða víða um land og lausn á þessu
máli þarf að verða eitt af fyrstu verkum
nýrrar ríkisstjórnar.
Íslenskur landbúnaður þarf
stöðugleika til að nýta tækifærin
Framsóknarflokkurinn vill landbún-
aðarstefnu sem tryggir stöðugleika.
Gildandi búvörusamningar eiga að
tryggja stöðugleika til lengri tíma til að
greinin geti fjárfest í samræmi við
markmið þeirra um að efla innlenda
framleiðslu, tryggja neytendum gæða-
afurðir á sanngjörnu verði, fæðuöryggi
landsmanna og byggðafestu í landinu.
Framsóknarflokkurinn leggur
áherslu á skýrar upprunamerkingar á
öllum matvælum, hvort sem um er að
ræða grænmeti eða nauta-, lamba-,
svínakjöt og kjúklinga, svo og aðrar
afurðir. Neytendur eiga rétt á skýrum
upplýsingum um uppruna, fram-
leiðsluhætti, dýravelferð, lyfjanotkun og
umhverfisáhrif. Það eru gæði, hreinleiki
og lækkun umhverfisfótspors matvöru
sem neytendur munu í vaxandi mæli
kalla eftir.
Framsóknarflokkurinn telur að auka
þurfi enn frekar skógrækt, landgræðslu
og aðra endurheimt landgæða. Það verði
gert í samstarfi við landeigendur, skóg-
ræktar- og landgræðslufélög, bændur og
sveitarfélög. Slíkt samstarf leiðir til
aukinnar kolefnisbindingar, verðmæta-
sköpunar og verndunar jarðvegs. Fram-
sóknarflokkurinn mun ennfremur beita
sér fyrir lægra raforkuverði til garð-
yrkjustöðva til að styðja við öfluga og
heilnæma ræktun.
Bændur og neytendur geta
treyst Framsóknarflokknum
Í 100 ára sögu sinni hefur Fram-
sóknarflokkurinn ávallt staðið með
íslenskum bændum og neytendum. Þar
liggja sameiginlegir hagsmunir en ekki
andstæð sjónarmið. Kjósendur geta
treyst því að atkvæði greitt Fram-
sóknarflokknum næstkomandi laugar-
dag mun skila sér í sterkri röddu sem
talar máli bænda, neytenda og al-
mennings alls – ekki aðeins fyrir
kosningar heldur einnig að þeim
loknum.
Stefán Vagn Stefánsson,
höfundur skipar 3. sæti á lista
Framsóknarflokksins í NV-kjördæmi
X17 AÐSENT :: Teitur Björn Einarsson skrifar
Risaátak í samgöngum
Sjálfstæðisflokkurinn boðar risaátak í
uppbyggingu samgöngumannvirkja á
næsta kjörtímabili vegna þess að
góðar samgöngur eru
lífæð byggðanna. Með
greiðfærum vegum,
háhraðanettengingum og
burðugum höfnum og
flugvöllum eykst
samkeppnishæfni
byggðanna og tækifærum
til verðmætasköpunar
atvinnulífsins fjölgar.
Kröftugt atvinnulíf er
grunnforsenda aukinnar
velmegunar og bættra
búsetuskilyrða.
Á réttri leið
Á undanförnum árum hefur miðað í
rétta átt í samgöngumálum í Norð-
vesturkjördæmi. Ísland ljóstengt, lands-
átak um uppbyggingu ljósleiðarakerfa í
dreifbýli, er komið vel á veg, fram-
kvæmdir við Dýrafjarðargöng eru
hafnar og auknum fjármunum er nú
varið í nauðsynlegt viðhald vega og
brýnar viðhaldsframkvæmdir hafna. En
betur má ef duga skal. Verkefnin fram-
undan eru stór og þörfin
afar brýn. Augljóst er að
auka verður fram-
kvæmdahraðann verulega
á næstu árum ef það á að
takast að bæta samkeppn-
isstöðu landsbyggðarinnar,
í þéttbýli sem dreifbýli, svo
um munar.
Stór verkefni bíða
Stóra viðfangsefnið sem
við höfum verið að glíma
við að undanförnu er að
samgönguáætlun hefur hingað til ekki
verið fullfjármögnuð. Samgöngu-
ráðherra hefur ítrekað bent á þá
staðreynd og opnað á umræður um
hvernig við komumst hraðar í allar
þessar mikilvægu framkvæmdir án þess
að raska markmiðum um ábyrga stjórn
opinberra fjármála, en hafa verður í
huga að rekstur ríkisins var ekki reistur
við fyrr en árið 2014 með hallalausum
fjárlögum.
Þetta eru brýn verkefni sem bíða,
eins og tvöföldun Kjalarnesvegar, frá-
gangur á Fróðárheiði og uppbygging
Skógarstrandarvegar, Dynjandisheiðar,
Vatnsnesvegar og Skagastrandarvegar.
Framkvæmdir í Gufudalssveit eru þar
fyrir utan í algjörum forgangi. Er þá
ótalin þörfin fyrir átak í viðhaldi hafna
og klæðningu tengivega í sveitum og
styrkingu á innanlandsflugi.
Loksins tækifæri
til framkvæmda
Sjálfstæðisflokkurinn vill bæta 100
milljörðum við í innviðauppbyggingu
um landið allt í ljósi þess að ríkis-
bankarnir hafa nú bolmagn til að greiða
ríkinu þá fjármuni í sérstakar arð-
greiðslur. Þá fjármuni á að nýta, til við-
bótar við áður áætlaðar framkvæmdir,
í að fullfjármagna samgönguáætlun og
styrkja þannig samgöngur um land allt.
Um er að ræða risaátak í samgöngum í
Norðvesturkjördæmi sem við erum
loksins komin í færi til að takast á
hendur.
Þessi góða staða sem við búum nú
við kom ekki til af sjálfu sér. Ábyrg
hagstjórn, tiltekt á efnahagsreikningi
ríkissjóðs, lækkun skatta á fólk og
atvinnulíf og afnám gjaldeyrishafta
samhliða uppgjöri við slitastjórnir eru
allt mál sem Sjálfstæðisflokkurinn hefur
lagt áherslu á til að hægt yrði að búa í
haginn fyrir áframhaldandi árangur og
uppbyggingu í íslensku samfélagi.
Kosningarnar 28. október næstkom-
andi munu ráða miklu um það hvort
okkur takist að halda áfram á réttri braut
og því skiptir máli að kjósa stjórn-
málaflokk sem vill og getur sett kraft í
innviðauppbyggingu svo byggðirnar
geti dafnað á eigin forsendum.
Teitur Björn Einarsson
Höfundur er þingmaður
Sjálfstæðisflokksins og skipar 3. sæti
á lista flokksins í Norðvesturkjördæmi
Flogið til
Sauðárkróks á ný
Samgöngur á Norðurlandi vestra
Flugfélagið Ernir hefur flug á
Sauðárkrók þann 1. desember nk.
og í vikunni verður áætlun kynnt og
sala á flugi hefst, eftir því sem
kemur fram á Facebooksíðu Arna.
„Það er ánægjulegt að þessu
markmiði hafi verið náð. Búið er að
reyna að fá þetta samþykkt um
alllangt skeið. Þetta er gríðarlega
mikil samgöngubót fyrir íbúana og
landsmenn alla, auk þess getur þetta
skapað ný tækifæri fyrir vetrar-
ferðamennsku í Skagafirði,“ segir
Sigríður Svavarsdóttir, forseti
sveitarstjórnar Svf. Skagafjarðar.
Um tilraunaverkefni er að ræða í
sex mánuði sem hugsanlega verður
framhald á. /PF
4 40/2017