Bændablaðið - 23.03.2017, Side 9

9Bændablaðið | Fimmtudagur 23. mars 2017
Sjálfboðaliðar Umhverfis-
stofnunar hafa unnið samtals
1.750 dagsverk síðastliðin ár, að
80 verkefnum á 29 mismunandi
friðlýstum svæðum. Þar má nefna
náttúrulega göngustíga, endur-
heimt landslags og verndun líf-
fræðilegrar fjölbreytni.
„Ég er mjög stoltur af því
umfangsmikla sjálfboðaliðastarfi
sem fram fer árlega,“ segir René
Biasone, umsjónarmaður sjálfboða-
liðastarfs hjá Umhverfisstofnun
René segir í pistli á heimasíðu
Umhverfisstofnunar mikilvægt að
koma því á framfæri í hverju sjálf-
boðaliðastörf í þágu náttúruverndar
felist. „Margar skilgreiningar eru til
og ekkert alhliða samkomulag. En
flestir eru sammála um að það að
vera sjálfboðaliði þýði að sá hinn
sami leggi sitt af mörkum til að mæta
viðurkenndri þörf/nauðsyn, með
samfélagsábyrgum viðhorfum, og
án þess að vinna í hagnaðarskyni,“
segir René.
Vinna að ólíkum verkefnum
Hann bendir á að sjálfboðaliðar
Umhverfisstofnunar, sem vinni t.d.
að endurheimt landslags með því
að afmá för vegna utanvegaaksturs,
gegni mikilvægu hlutverki, sem
vart væri hægt að inna af hendi með
öðrum hætti. Margir sjálfboðalið-
ar séu nemendur í náttúrufræði,
líffræði, landafræði eða jarðfræði.
Sumir stefni að landvörslu í þjóð-
görðum. Með því að þjóna náttúr-
unni sem er almenningi í hag öðlist
þau þekkingu. Sem dæmi um ólík
verkefni sjálfboðaliða nefnir René
endurheimt landslags og víðern-
is, verndun fuglalífs og gróðurs
með stýringu gesta í óbyggðum og
verndun líffræðilegrar fjölbreytni.
Umhverfisstofnun rökstyðji
starfsemina með 1. grein nátt-
úruverndarlaga þar sem segir að
auðvelda eigi umgengni og kynni
almennings af náttúru landsins og
menningarminjum sem henni tengj-
ast og efla þekkingu og fræðslu um
náttúruna. Þjóðgarðar hafi þessi hlut-
verk vel skilgreind í 47. grein.
Innlendir leggja líka lið
Víða í heiminum, sérstaklega í
Evrópu, reka ýmsar opinberar stofn-
anir sjálfboðaliðastarfsemi líkt og
hér á landi. „Sjálfboðaliðastarf í
þágu náttúru er alls ekki „ódýrt
vinnuafl“. Skipulagning verkefna,
ráðningaferli sjálfboðaliða, búnaður
s.s. fatnaður, tjaldgræjur, verkfæri
og öryggisbúnaður kosti sitt sem og
gisting, matur, þjálfun sjálfboðaliða
og liðstjóra. Þá nefnir hann að sjálf-
boðaliðar séu líka innlendir. „Á árinu
2016 hafa 104 sjálfboðaliðar frá 13
mismunandi löndum unnið á Íslandi,
m.a. íslenskir nemendur við FÁ og
MH, ásamt kennurum þeirra.“ /MÞÞ
Náttúrustofa Norðurlands:
Í samrekstri fjögurra
sveitarfélaga
Fjögur sveitarfélög á Norður-
landi vestra, Skagaströnd,
Skagafjörður, Húnaþing vestra
og Akrahreppur, hafa ákveðið
að starfrækja í sameiningu
Náttúrustofu Norðurlands vestra,
ásamt öðrum þeim sveitarfélög-
um á svæðinu sem kunna að ger-
ast aðilar að stofnuninni.
Sveitarfélögin leggja að lág-
marki til 30% af rekstrarkostnaði
náttúrustofunnar á móti framlagi
ríkisins. Framlög sveitarfélaganna
skiptast í hlutfalli við íbúafjölda.
Í september 2015 voru þessi
fjögur sömu sveitarfélög sammála
um að standa saman að því að efla
og tryggja rekstur Náttúrustofu
Norðurlands vestra en rekstur henn-
ar hafi þá legið niðri. Húnaþing
vestra og Skagaströnd settu það
skilyrði að hluti starfseminnar yrði í
þeim sveitarfélögum að því er fram
kemur á vefnum huni.is.
Náttúrustofa Norðurlands vestra
er rannsóknarstofnun á sviði nátt-
úrufræða og tók til starfa í febrú-
ar árið 2000. Stofan er staðsett á
Sauðárkróki en starfssvæði hennar
afmarkast af Hrútafirði í vestri og
Tröllaskaga í austri. /MÞÞ
Umsjónarmaður sjálfboðaliðastarfs hjá Umhverfisstofnun:
Sjálfboðaliðar í þágu náttúru eru ekki ódýrt vinnuafl
Akureyri:
Flokkunartunnur
í miðbænum
Fjórum nýjum flokkunartunnum
hefur verið komið fyrir í miðri
göngugötu Akureyrarbæjar, í
Hafnarstræti.
Akureyrarbær hefur verið í farar-
broddi íslenskra sveitarfélaga þegar
að flokkun úrgangs kemur og eru
nýju tunnurnar liður í því að efla
það enn frekar. Sorpflokkun hefur
verið í bænum um árabil með góðum
árangri, jarðgerðarstöð er á svæð-
inu, metanstöð, lífdísilframleiðsla,
matarolíu er safnað og þá er skóg-
rækt nokkuð umfangsmikil.
Flokkunartunnurnar í miðbænum
eru settar saman í eina stöð þar sem
vegfarendur geta losað sig við og
flokkað um leið gler, plast, pappír
og almennt rusl.
Slíkar flokkunartunnur er víða að
finna í stórborgum erlendis og ætlun-
in er að fjölga þeim á Akureyri innan
tíðar ef reynslan af notkun þeirra
verður góð sem við er að búast. Fyrst
um sinn verður, að því er fram kemur
á vefsíðu Akureyrarbæjar einblínt
á að koma þeim fyrir á miðbæjar-
svæðinu þar sem oft er margt um
manninn. /MÞÞ