Bændablaðið - 23.03.2017, Blaðsíða 28

28 Bændablaðið | Fimmtudagur 23. mars 2017
Íslandsmót iðn- og verkgreina haldið í Laugardalshöllinni í Reykjavík:
Ungar konur sækja á í fjölmörgum
hefðbundnum karlagreinum
− Mikil gróska og afar fjölbreyttar leiðir í landbúnaði, sjávarútvegi, matvæla-, byggingariðnaði, þjónustugreinum, véltækni, flugi og fleiru
Íslandsmót iðn- og verkgreina var
haldið í Laugardalshöllinni um
nýliðna helgi. Þar var jafnframt
haldin heljarmikil og lifandi sýn-
ing á því sem er að gerast í afar
fjölbreyttum heimi verkmennta-
greina.
Félag fagkvenna lét sig ekki
vanta í Laugardalshöllina, en
þar innanborðs er m.a. að finna
búfræðing og konur úr flestum
verkmennta- og tæknigreinum sem
finnast í landinu.
Við erum konur á öllum aldri
í karllægum iðnstörfum,“ sagði
Margrét Arnarsdóttir rafvirki. „Það
eru konur í alls konar fögum, raf-
virkjar, smiðir, píparar, skrúðgarð-
yrkjumeistarar og allt mögulegt.
Það eru konur í flestum iðngrein-
um, en við eru enn mjög fáar. Ég
held að það séu ekki nema 40 konur
útskrifaðar sem rafvirkjar af ríflega
4.000 rafvirkjum í landinu. Það eru
fjórar útskrifaðar sem píparar og
aðeins fleiri í húsgagnasmíði og
fleiri greinum. Samt erum við enn
allt of fáar.“
–Það er þá trúlega enginn í múr-
verki í þessum hópi?
„Jú, hún stendur nú hér við
hliðina á mér. Það eru samt allt of
fáar konur í iðngreinum og við erum
að reyna að hvetja konur til að sækja
í þessi störf.“
„Já, við erum að reyna að gera
okkur aðeins meira sýnilegar svo
stúlkur fái fyrirmyndir,“ segir Þeba
Björk Karlsdóttir, símsmiður, raf-
virki, byggingastjóri og búfræðing-
ur.
Margrét tekur undir það og
segir: „Það þarf bara að sýna að
við erum bara venjulegar konur í
þessum störfum og ekkert örðuvísi
en aðrar.“ /HKr.
Ungar og kraftmiklar konur úr Félagi fagkvenna, talið frá vinstri: Ingunn Anna Jónsdóttir múrari, Margrét Arnars-
dóttir rafvirki, Þeba Björt Karlsdóttir símsmiður, rafvirki, byggingastjóri og búfræðingur, Guðný Helga Grímsdóttir
húsgagnasmiður og Þóra Björk Samúelsdóttir raftæknifræðingur og rafvirki.
Steinunn Helgadóttir var á Íslandsmóti iðn- og verkgreina og kynnti fólki það sem fram fer á fataiðnbraut í Hönnunar- og handverksskóla Tækniskólans. Þar er m.a. kennd klæðskeraiðn og
kjólasaumur. Nemendur sem útskrifast úr þessum greinum í vor eru eitthvað á annan tuginn. Meðalnámstími í kjólasaumi og klæðskurði er alls fjögur ár, samtals mm annir í skóla og 24
vikna starfsþjálfun. Þar af að lágmarki átta vikur í starfsþjálfun undir handleiðslu meistara í viðkomandi iðngrein. Að loknu námi í skóla og starfsþjálfun öðlast nemandi rétt til að gangast undir
sveinspróf er veitir rétt til starfa í iðninni samkvæmt iðnaðarlögum og til inngöngu í nám til iðnmeistaraprófs. Steinunn sagði þetta skemmtilegt fag og fólk sem það lærði væri fatahönnuðum
afar nauðsynlegt. Þá nýttist þetta nám vel út í lí ð og tiltölulega auðvelt væri að fá atvinnu þar sem fjöldi saumastofa væri nú starfandi. Myndir / HKr.
Þuríður Ósk Magnúsdóttir og María Gréta Magnúsdóttir voru að gera blóm
úr marsipani og fórst það vel úr hendi.
Bílgreinarnar eru engin undantekning. Þar eru konur farnar að gera sig gildandi, m.a. í bifvélavirkjun, þó enn séu
þær allt of fáar.