Bændablaðið - 23.03.2017, Page 12

12 Bændablaðið | Fimmtudagur 23. mars 2017
Fréttir
Þó nú virðist vor vera á næsta
leiti hefur væntanlega ekki farið
framhjá neinum mikil snjókoma
á höfuðborgarsvæðinu aðfaranótt
26. febrúar. Á sama tíma var lít-
ill snjór miðað við árstíma víðast
hvar annars staðar á landinu.
Sökum mikils fannfergis brá
Vegagerðin á það ráð að kalla til
tæki og mannskap utan af landi til
að flýta fyrir að hreinsa vegi og
vegkanta.
Hannes Hilmarsson, bóndi á
Kolbeinsá í Hrútafirði, á dráttarvél
með snjóblásara framan á vélinni
og hefur aðallega verið við snjó-
mokstur á Holtavörðuheiði og á
Ströndum undanfarin ár. Hann var
á meðal þeirra sem tók þátt í „hvíta-
gullsæðinu“ á höfuðborgarsvæðinu.
Hannes setti traktorinn sinn
á vörubíl og ók suður og byrjaði
við suðurenda Hvalfjarðarganga.
Á nóttunni alla síðustu viku var
Hannes í að blása snjónum frá veg-
köntum út frá Reykjavík beggja
vegna vegar ásamt fleiru. /HLJ
Óvenjumikill snjómokstur á höfuðborgarsvæðinu um síðustu mánaðamót:
Vegagerðin kallaði bónda
úr Hrútafirði til aðstoðar
Framkvæmdanefnd Norðurþings
hefur samþykkt að stefna að
hönnun og lagningu ljósleiðara
um Reykjahverfi á þessu ári.
Fram kemur í fundargerð
nefndarinnar að skoðað verði með
samlegð vegna framkvæmda á
vegum Þingeyjarsveitar. Einnig
að lokið verði við hönnun ljós-
leiðarakerfis um þá hluta dreifbýl-
is Norðurþings sem eftir standa og
gert ráð fyrir að sækja um styrki
fyrir framkvæmdum í kjölfarið
þannig að ljúka megi því verkefni
á næsta ári, 2018.
Þegar frekari upplýsingar liggja
fyrir um kostnað og útfærslu verður
fjallað um þá þætti sem og fjárheim-
ild vegna verkefnisins.
Fjórir af fimm nefndarmönnum
samþykktu þetta en fimmti nefndar-
maðurinn, Kjartan Páll Þórarinsson,
var á móti.
Fréttavefurinn 641.is kveðst hafa
heimildir fyrir því að sveitarstjórn
Norðurþings muni samþykkja til-
lögu nefndarinnar og þannig geti
íbúar í dreifbýlishluta Norðurþings
tengst ljósleiðara á þessu ári og því
næsta.
Valþór Freyr Þráinsson, bóndi
á Litlu-Reykjum í Reykjahverfi,
sagði í spjalli við 641.is að það yrði
frábært fyrir sveitina að fá loksins
alvöru samband og verða þá komnir
með fjarskiptaþjónustu sem væri
á pari við íbúa í Þingeyjarsveit,
Mývatnssveit og á Tjörnesi. /MÞÞ
Reykjahverfi í Norðurþingi:
Stefnt að lagningu
ljósleiðara á árinu
Dalvíkurbyggð:
Nýr vegur upp að Upsum
Nýr vegur var síðastliðið sumar
lagður upp að Upsum í beinu fram-
haldi af Böggvisbraut á Dalvík, til
norðurs og yfir Brimnesána sem
liggur í tveimur stokkum undir
veginn.
Með þessum nýja vegi varð
aðgengi að Upsakirkju mun betra
en staðurinn er sögufrægur og er
fyrst getið í Landnámabók en einnig
í Svarfdæla sögu. Þar segir að Karl
hinn rauði, sonur Þorsteins svörfuðar
landnámsmanns hafi búið á Upsum.
Við Upsakirkju er að finna upplýs-
ingaskilti með ýmsum fróðlegum
upplýsingum um kirkjuna og sögu
hennar.
Vegurinn bætti einnig aðgengi
að hundasvæðinu en norðan og
ofan við Upsir er merkt svæði þar
sem lausaganga hunda er leyfð.
Framkvæmdum við veginn er ekki
lokið en nú á dögunum var bætt úr
öryggi vegfarenda þegar vegrið voru
sett á veginn þar sem Brimnesáin
liggur undir. Á komandi árum stend-
ur svo til að leggja bundið slitlag á
veginn. /MÞÞ
Upsakirkja.
Bættur vegur að hundasvæði.
Nýr vegur var lagður frá Böggvisbraut að Upsum í fyrrasumar.
Húnavatnssýslur:
Heimafóður styrkir söfn
Félagið Heimafóður ehf. hefur
afhent Heimilisiðnaðarsafninu
á Blönduósi og Byggðasafni
Húnvetninga og Strandamanna
á Reykjum í Hrútafirði styrki sem
ætlaðir eru til viðhalds og endur-
bóta á húsakosti safnanna.
Styrktarupphæðin til hvors
safns um sig nemur 740 þúsund
krónum. Afhending styrkjanna fór
fram í Sjávarborg á Hvammstanga
að viðstöddum stjórnarmönnum
Heimafóðurs, forráðamönnum safn-
anna og fleiri gestum.
Sagt er frá þessu á vef Heimilis-
iðnaðarsafnsins. Þar kemur fram
að starfsemi Heimafóðurs ehf.
hófst í byrjun níunda áratugarins
og fólst einkum í því að halda utan
um vélasamstæðu sem malaði og
kögglaði þurrt hey hjá bændum
í Húnavatnssýslum. Þannig gat
heimaaflað fóður fullnægt meiru af
fóðurþörf búfjárins. Eftir að rúllu-
tæknin kom til skjalanna var sjálf-
hætt með slíka framleiðslu. Fyrr á
þessu ári kom stjórn félagsins saman
og þótti fara vel á því að skipta fjár-
munum þess milli þessara safna.
Allir stjórnarmenn félagsins ásamt
forráðamönnum safnanna og fleiri
gestum komu saman í Sjávarborg
á Hvammstanga þar sem afhending
styrkjanna fór fram.
Eftir afhendinguna þáðu við-
staddir kaffiveitingar og áttu saman
notalega stund þar sem rifjað var upp
sitthvað úr búskaparsögu héraðsins
sem og um starfsemi Heimafóðurs.
/MÞÞ
Sólveig Benjamínsdóttir, forstöðu-
maður Byggðasafnsins á Reykjum,
Guðmundur Karlsson, stjórnarfor-
maður Heimafóðurs og Elín S. Sig-
urðardóttir, forstöðumaður Heimilis-
iðnaðarsafnsins.
Mynd / Jóhannes Torfason
Lagt af stað frá Borðeyri að kvöldi 27. febrúar. Myndir / Hannes Hilmarsson
Hvíldartími við moksturinn hjá vél og manni á N1 Mosfellsbæ.
Háskóli Íslands kannar áhrif af mannvirkjum á upplifun ferðamanna:
87% ferðamanna tóku ekki eftir
Blönduvirkjun í umhverfinu
– 89% töldu virkjunarsvæðið náttúrulegt en um 7% töldu það manngert
Mikilvægt er að nýjar byggingar
og önnur mannvirki utan þéttbýl-
is hér á landi taki mið af verndun
náttúru og falli vel að landslaginu
á hverjum stað. Þetta er á meðal
ályktana sem draga má af svörum
ferðamanna sem birt eru í nýrri
skýrslu Háskóla Íslands og unnin
var fyrir Landsvirkjun.
Í ljós kom að 87% þeirra sögðust
ekki hafa tekið eftir virkjuninni við
Blöndu eða tengdum mannvirkjum.
Bróðurpartur þeirra sem þátt tóku,
92%, telja ósnortin víðerni hluta
af aðdráttarafli svæðisins, þó þar
megi sjá ýmis virkjunarmannvirki.
Flestir, 89%, telja svæðið í kringum
Blönduvirkjun náttúrulegt en um 7%
telja það manngert.
Könnunin var gerð meðal ferða-
manna síðastliðið sumar í nágrenni
Blönduvirkjunar og gefur til kynna
að langflestir ferðamenn í og við
Blönduvirkjun eru ánægðir með
dvöl sína á svæðinu, aðeins 8% voru
óánægð, að því er fram kemur á vef
Landsvirkjunar. Þar segir einnig að
meirihluta ferðamanna finnist svæðið
náttúrulegt og telur ósnortin víðerni
vera hluta af aðdráttarafli svæðisins,
þrátt fyrir að þar megi sjá virkjun-
armannvirki á borð við lón, stíflur,
veituskurði, vegi og raflínur. Þess má
geta að meðal ferðamanna voru flestir
Þjóðverjar, eða 35%, Frakkar um 11%
og Íslendingar rúm 9%.
Mannvirkin falli vel að landslaginu
Könnunin leiddi m.a. í ljós að 87%
sögðust ekki hafa tekið eftir virkj-
uninni og tengdum mannvirkjum og
meirihluti sagði tilvist virkjunarinnar
ekki hafa áhrif á áhuga sinn á því að
ferðast um svæðið. Í skýrslunni segir
að í ljósi þess að virkjunarmannvirkin
á Blöndusvæðinu trufli upplifun ferða-
manna lítið megi draga þá ályktun að
hönnun þeirra sé góð og þau falli vel
að landslaginu.
Anna Dóra Sæþórsdóttir, prófessor
í ferðamálafræði við líf- og umhverfis-
vísindadeild Háskóla Íslands, er aðal-
höfundur skýrslunnar. Markmiðið með
rannsókninni var að kanna áhrifin af
mannvirkjum á upplifun ferðamanna
af náttúru landsins. Ákveðið var að
skoða dæmi um virkjun í rekstri, bæði
lón og stöðvarhús, sem er í nágrenni
við fjölsótta ferðamannaleið yfir
hálendið.
Meðal þess sem var kannað var
hvort munur væri á viðhorfi ferða-
manna til svæða þar sem þegar væri
búið að reisa virkjun og á svæðum þar
sem uppi eru hugmyndir um að reisa
virkjun. Niðurstöður könnunarinnar
voru bornar saman við niðurstöður
sambærilegra kannana sem gerðar
voru sumarið 2015 á sjö svæðum á
landinu í tengslum við þriðja áfanga
rammaáætlunar.
Blönduvirkjun raskar ekki um of
ímynd um ósnortið hálendi
Í ljós kom að um 92% ferðamannanna
telja ósnortið víðerni vera hluta af
aðdráttarafli Blöndusvæðisins og er
þar um að ræða litlu lægra hlutfall
en á þeim stöðum þar sem ekki hefur
verið virkjað, en þar var hlutfallið á
bilinu 93–98%. Það virðist því sem
að Blönduvirkjun raski ekki um of
þeirri ímynd sem hálendið hefur
sem ósnortið víðerni í augum ferða-
mannanna sem þar fara um.
Á vef Landsvirkjunar er haft eftir
Herði Arnarssyni forstjóra að þetta
sé í fyrsta sinn sem svo viðamikil
könnun sé gerð meðal ferðamanna á
upplifun þeirra af virkjun í rekstri á
Íslandi. „Ljóst er að ef vel er staðið
að hönnun geta virkjanir og ferða-
mennska farið vel saman. Mikilvægt
er að nýjar byggingar og önnur mann-
virki utan þéttbýlis hér á landi taki
mið af verndun náttúru og falli vel
að landslaginu á hverjum stað.“
/MÞÞ
Ferðamenn virðast ekki átta sig á að landslagið inn af húsunum sem sjást við Blönduvirkjun sé að hluta manngert.
Aðeins 7% ferðamanna gera sér grein fyrir að Blöndulón sé uppistöðulón
raforkuvers og að hluta manngert. Myndir / Landsvirkjun