Bændablaðið - 23.03.2017, Qupperneq 14

14 Bændablaðið | Fimmtudagur 23. mars 2017
Tvö sveitarfélög á Austurlandi,
Fjarðabyggð og Fljótsdalshérað,
hafa lýst yfir áhyggjum af ófjár-
magnaðri samgönguáætlun
Alþingis.
„Fyrst og fremst þarf að horfa til
öryggis vegfarenda, en alkunna er að
mikil og vaxandi umferð er um allt
land um þessar mundir vegna aukins
ferðamannastraums til landsins og
aukinna flutninga á vegum,“ segir
í bókun sem samþykkt var á fundi
bæjarráðs Fjarðabyggðar. Vegarkaflar
á þjóðvegi 1 sem ekki hafa verið
malbikaðir eru sérstaklega nefndir
og segir í bókun að vegarkaflinn um
Berufjörð sé á köflum varhugaverður
og nánast ófær við ákveðin skilyrði.
Öryggissjónarmið verði höfð að
leiðarljósi
Vegurinn til Borgarfjarðar eystri er
einnig nefndur, en mikilvægi þess
vegar hefur aukist á undanförnum
árum vegna aukinnar umferðar
þangað. Bæjarráð Fjarðabyggðar
bendir á að eitt af sex stefnumál-
um Sambands sveitarfélaga á
Austurlandi sé að leggja áherslu
á lagfæringu þeirra vegarkafla
sem ekki eru með bundið slitlag.
Hvetur bæjarráð þingmenn til að
leita leiða til að koma auknu fjár-
magni til vegakerfis landsins, m.a.
með öryggissjónarmið að leiðarljósi,
„og að horfa til langtímasjónarmiða
við uppbyggingu innviða landsins
í heild“.
Samgöngukerfi komið
að fótum fram
Bæjarráð Fljótsdalshéraðs fjallaði
einnig um nýjustu upplýsingar um
fjárveitingar vegna samgönguáætl-
unar 2015 til 2018 sem samþykkt
var á liðnu hausti. Telur ráðið ekki
við það unað að ekki verði staðið
við áætlunina.
„Þau verkefni sem þar er að
finna eru sannanlega engin gælu-
verkefni heldur bráðnauðsynleg
úrbótaverkefni á samgöngukerfi sem
komið er að fótum fram,“ segir í
bókun ráðsins. Augljóst sé að fjár-
veitingar til samgöngumála þurfi að
vera að minnsta kosti 1,5% af vergri
þjóðarframleiðslu til að hægt sé að
viðhalda og byggja upp samgöngu-
kerfið eins og þörf sé á.
Krefst bæjarráð þess að þing-
menn kjördæmisins gangi þannig
til verks að hægt verði að fara í
nauðsynlegar og samþykktar sam-
gönguframkvæmdir á Austurlandi
á þessu ári og því næsta.
Neitum að láta hafa okkur að
fíflum eina ferðina enn
Miðstjórn félagasamtakanna Ungt
Austurland hefur einnig lýst yfir
gríðarlegum vonbrigðum með boð-
aðan niðurskurð á samgönguáætlun.
Í ályktun samtakanna segir að nú sé
kominn tími til að efna kosninga-
loforð.
„Ungir Austfirðingar neita að
láta hafa sig að fíflum eina ferðina
enn og krefjast þess að staðið verði
við gefin loforð. Þingheimur, og þar
með talinn samgönguráðherra, Jón
Gunnarsson, samþykkti rétt fyrir
kosningar samgönguáætlun þar sem
úrbótum á þessum vegum var lofað.“
Fram kemur í ályktun samtak-
anna að ónýtir vegir gangi gegn til-
gangi þeirra um bætt búsetuskilyrði
á Austurlandi.
„Með ákvörðunum sem þess-
um vinna stjórnvöld beinlínis gegn
því markmiði. Við það verður ekki
unað.“ /MÞÞ
Fréttir
Áhyggjur sveitarfélaga fyrir austan vegna samgönguáætlunar:
Engin gæluverkefni heldur
bráðnauðsynlegar úrbætur
Bárðardalsvegur. Mynd /MÞÞ
Bárðardals- og Dettifossvegir:
Sveitarstjórn vill
láta klára dæmið
Sveitarstjórn Þingeyjarsveitar
fjallaði um niðurskurð á sam-
gönguáætlun Alþingis á fundi
sínum nýlega og samþykkti bókun
þar sem fram kemur að ekki sé
hægt að sætta sig við að áætlunin
hafi ekki að fullu verið fjármögn-
uð við gerð fjárlaga árið 2017.
Mikill niðurskurður fylgi áætlun
sem er vanfjármögnuð um 10 millj-
arða króna og vegna verkefna sem til
stóð að framkvæma á þessu ári. Þess
ber þó að geta að stjórnvöld eru nú
að skoða hvernig hægt sé að mæta
þeirri miklu óánægju sem blossaði
upp um allt land er fréttist af því að
ekki ætti að standa við þá áætlun í
vegamálum sem Alþingi samþykkti
í haust.
Mikilvæg hagsmunamál fyrir
byggðarlög í landinu
Í bókun sveitarstjórnar Þingeyjar-
sveita er nefnt að fyrsti áfangi í
uppbyggingu Bárðardalsvegar sem
og þriðji áfangi Dettifossvegar séu
meðal þeirra verkefna sem sam-
gönguráðherra leggur til að skorin
verði niður. Fjármagn í flughlaðið
á Akureyri mætir niðurskurði og er
ekki á áætlun.
„Þessar framkvæmdir og fleiri
sem fyrirhugað er að falla frá eru
mikilvæg hagsmunamál fyrir
byggðarlög í landinu og eru liður í
því að styrkja innviði landsbyggðar-
innar og stuðla að möguleikanum
fyrir fjölbreytta uppbyggingu um allt
land,“ segir í bókun sveitarstjórnar.
Kemur niður á umferðaröryggi
Bent er á að áframhaldandi fjársvelti
til samgöngumála geti leitt til hruns
í samgöngukerfinu og muni það
koma hart niður á umferðaröryggi,
ferðaþjónustu og öðrum atvinnu-
greinum sem og íbúum landsins.
Sveitarstjórn Þingeyjarsveitar
skorar á Alþingi, ráðherra og
ríkisstjórn að endurskoða þessa
ákvörðun og tryggja þegar það
fjármagn sem gert er ráð fyrir í
samgönguáætlun, þannig að upp-
bygging þessara samgöngumann-
virkja sem og annarra um land allt
komi til framkvæmda á árinu sam-
kvæmt áætlun.
Niðurgrafinn moldarvegur
Húsavíkurstofa hefur einnig gagn-
rýnt niðurskurð á samgönguáætl-
un og þá einkum og sér í lagi hvað
varðar uppbyggingu Dettifossvegar.
Í ályktun Húsavíkurstofu
segir að ferðaþjónustufyrirtæki á
Norðurlandi eystra hafi um langt
skeið kallað eftir því að fram-
kvæmdum við þann veg verði lokið,
enda annar hann ekki eftirspurn um
þessar mundir.
„Dettifossvegur nr. 862 er niður-
grafinn moldarvegur sem getur alls
ekki annað þeirri eftirspurn sem nú
þegar er til staðar á svæðinu við
Dettifoss, aflmesta foss Evrópu
og einu stærsta aðdráttarafli fyrir
ferðamenn á Norðurlandi,” segir í
ályktuninni. /MÞÞ
„Áframhaldandi fjársvelti til sam-
göngumála getur leitt til hruns í
samgöngukerfinu sem mun koma
hart niður á umferðaröryggi,
ferðaþjónustu, öðrum atvinnu-
greinum og íbúum landsins,“ segir
í bókun sem samþykkt var á fundi
Bæjarstjórnar Akureyri nýverið.
Á fundinum urðu umræður um
niðurskurð á samgönguáætlun
Alþingis.
Fram kemur í bókun að bæjar-
stjórn telur það algjörlega óviðun-
andi að nýsamþykkt samgöngu-
áætlun hafi ekki verið fjármögnuð
að fullu við gerð fjárlaga 2017. Hún
sé vanáætluð um 10 milljarða króna
á yfirstandandi ári og hafi samgöngu-
ráðherra því lagt til mikinn niður-
skurð á þeim verkefnum sem til stóð
að framkvæma á árinu.
Meðal þeirra verkefna sem ráð-
herra samgöngumála leggur til að
skorið verði niður er þriðji áfangi
Dettifossvegar. Ljóst sé því að
framkvæmdum við veginn ljúki
ekki á árinu 2018 líkt og stefnt var
að. Þá mæti fjármagn í flughlað á
Akureyrarflugvelli einnig niður-
skurði og sé ekki á áætlun.
Mikilvæg hagsmunamál
„Þessar framkvæmdir og fleiri sem
fyrirhugað er að falla frá eru mikil-
væg hagsmunamál fyrir byggðarlög
í landinu og eru liður í því að styrkja
innviði landsbyggðarinnar og stuðla
að möguleikanum fyrir fjölbreytta
uppbyggingu um allt land,“ segir í
bókun Bæjarstjórnar Akureyrar og
bent á að áframhaldandi fjársvelti
geti leitt til hruns í samgöngukerfinu.
Bæjarstjórn Akureyrarkaupstaðar
skorar á Alþingi, ráðherra og ríkis-
stjórn að endurskoða þessa ákvörðun
og tryggja þegar það fjármagn sem
gert er ráð fyrir í samgönguáætlun,
þannig að uppbygging þessara sam-
göngumannvirkja sem og annarra
um land allt komi til framkvæmda
á árinu samkvæmt áætlun. /MÞÞ
Bæjarstjórn Akureyrar um fjársvelti í vegamálum:
Getur leitt til hruns
í samgöngukerfinu
Horft inn Berufjörð frá Djúpavogi. Mynd / HKr.
r Mjóa rði. Þessi leið nýtur vaxandi vinsælda meðal ferðamanna þótt hún
sé utan Hringvegar 1 og því ekki í forgangi með viðhald. Mynd / HKr.
Hvalnesskriður á Þjóðvegi 1 geta verið hættulegar vegfarendum. Mynd / HKr.
Vegurinn til og frá Borgar rði eystri liggur um Njarðvíkurskriður sem ekki
eru alltaf árennilegar. Mynd / HKr.