Bændablaðið - 23.03.2017, Qupperneq 56

56 Bændablaðið | Fimmtudagur 23. mars 2017
Steinn er fæddur og uppalinn á
Þernunesi og tók við búinu árið
2012 en Valdís flutti þangað 2013.
Býli: Þernunes 2.
Staðsett í sveit: Í sunnanverðum
Reyðarfirði.
Ábúendur: Steinn Björnsson og
Valdís Hermannsdóttir.
Fjölskyldustærð (og gæludýra):
Steinn á tvö börn úr fyrra sambandi,
Lilju, 14 ára og Marinó, 10 ára, svo
eigum við saman Hermann, sem er
að verða 8 mánaða. Við eigum tvo
smalahunda, Dropa og Grímu og einn
sparihund, Skottu.
Stærð jarðar? 1.200 ha.
Gerð bús? Sauðfjárbú.
Fjöldi búfjár og tegundir? 540
fjár og nokkrir hestar.
Hvernig gengur hefðbundinn
vinnudagur fyrir sig á bænum?
Gjafir kvölds og morgna og þess
á milli er árstíðabundnum störfum
sinnt, ásamt því að hestarnir eru
hreyfðir.
Skemmtilegustu/leiðinlegustu
bústörfin? Allt skemmtilegt, en
bara misjafnlega mikið, skemmti-
legustu störfin eru þó klárlega sauð-
burður og smalamennskur ásamt
heyskap í góðri tíð. Leiðinlegast
er þegar búféð veikist eða slasast.
Hvernig sjáið þið búskapinn
fyrir ykkur á jörðinni eftir fimm
ár? Í mjög svipuðu sniði eins og
hann er núna, en þá ætlum við að
vera komin með góða aðstöðu fyrir
hestana og ríða meira út.
Hvaða skoðun hafið þið á félags-
málum bænda? Við höfum ekki
miklar skoðanir á félagsmálum
bænda.
Hvernig mun íslenskum landbún-
aði vegna í framtíðinni? Ef haldið
er rétt á spöðunum, þá ætti honum
að vegna vel í framtíðinni, til þess
þurfa stjórnvöld og bændur að vinna
vel saman. Það þarf að halda á lofti
gæðum og hreinleika íslenska land-
búnaðarins.
Hvar teljið þið að helstu tæki-
færin séu í útflutningi íslenskra
búvara? Helstu tækifærin eru í
raun útlendingar sem eru staddir á
Íslandi, að fæða ferðamenn.
Hvað er alltaf til í ísskápnum?
Mjólk, bæði frá MS og Örnu, súr-
mjólk, smjör og ostur.
Hver er vinsælasti maturinn á
heimilinu? Allar afurðir sauð-
kindarinnar.
Eftirminnilegasta atvikið við
bústörfin? Við munum svo sem
ekki eftir neinu sérstöku, en sauð-
burðurinn í fyrra var einstaklega
góður.
Líf og lyst
BÆRINN OKKAR
Matreiðsla með börnunum – salat í krukku og orkustykki
Það vita flestir hvernig á að gera
dýrindis eftirrétti og ekkert mál að
fá krakka til að borða þá, en það fer
meiri tími í að fá börn til að borða
salat til dæmis. Salöt í krukku hafa
verið í tísku undanfarið, en hvernig
á að gera salat sem krakkarnir vilja
raunverulega borða?
Svarið er að láta þau raða sjálf
lagskipt í krukku og hrista svo fyrir
framreiðslu.
Salat í krukku
Best er að gefa krökkunum þínum fulla stjórn
yfir hvað á að setja í krukkuna – svo lengi sem
þau nota að minnsta kosti fjórar tegundir af
grænmeti.
Til dæmis: gulrætur, baunir, maís, lárperu og
jarðarber. Hægt er að bæta við skinku (eða hverju
því sem fólk vill).
1. Fyrir mýkri matvæli á borð við lárperu og
skinku er hægt að leyfa barninu að skera
þau sjálft. Lárperu er hægt að skera með
bitlausum smjörhníf og klippa skinku
með skærum.
2. Byrjið með dressingu neðst svo salatið
blotni ekki. Setjið um 2–3 matskeiðar
af sósu eða dressingu í botninn. Svo
raðið þið grænmetinu lagskipt; þyngsta
grænmetið fyrst og svo lag eftir lag eftir
þyngd. Efst er svo salatið. Röðin gæti
þá til dæmis verið: gulrætur, skinka,
baunir, maís, lárpera, jarðarber og
grænt salat á toppinn.
Svo má setja stökkt á toppinn eins
og kartöfluflögur eða brauðteninga.
Krakkarnir elska „kex“ þannig að
það gerir salat meira aðlaðandi.
Salatið er þá klárt, Á þessum tíma-
punkti getur þú kælt salatið og
borðað það síðar. En ef þið viljið
borða það strax, er bara að hrista
krukkuna og hún er klár.
Honey Nut Cheerios orkustykki
Hér er uppskrift að orkustykki með þurrkuðum
ávöxtum, súkkulaði og sólblómafræjum. Það er
tilvalið að nota hráefni í það sem er við höndina
hverju sinni. Ég set próteinduft líka í það en þá
er það meira fullorðins. Í því er fullkomin orka
sem morgunmatur en það er líka gott að borða
sem snakk, á ferðinni.
› 1/4 bolli ósaltað smjör
› 1/4 bolli hunang
› 1/4 bolli ljós púðursykur
› 1 msk. vanilludropar
› 3 bollar Cheerios (eða svipað morg-
un korn. Venjulegu Cheeriosi má
skipta út fyrir minna sæt múslistykki)
› 1 bolli rúsínur, fræ eða aðrir þurrkaðir
ávextir og hnetur
› um 1/2 bolli skraut til dæmis
súkkulaði hjúpuð sólblómafræ,
smá súkkulaði, korn til skrauts eða
kakónibbur
› ögn flögusalt
Setjið álpappír í botninn á pönnu
og setjið til hliðar. Gott er að pensla
með ögn af smjöri eða olíu – og setjið
svo til hliðar.
Setjið smjör, hunang og púðursykur
í skál sem má fara inn í örbylgjuofn.
Hitið í um mínútu þar til þetta hefur
bráðnað. Hitið blönduna næst á hærri
styrk í eina mínútu, takið blönduna
út og hrærið. Loks er blandan hituð
á hæsta styrk í mínútu og svo hrært
í henni. Þegar hún hefur verið hituð
þrisvar er blandan orðin froðukennd
og þá skal fara með gát með hana
því hún er orðin að sjóðandi heitri
karamellu og getur valdið hættuleg-
um bruna.
Hrærið vanillunni varlega saman við
vegna þess að blandan getur soðið
upp úr.
Hrærið morgunkorni saman við.
Hrærið rúsínum eða hnetum saman
við.
Setjið blönduna á pönnuna og þrýstið
smjörpappír fast niður í blönduna
með spaða. Má skreyta með fræjum
og salti (eða skrautperlum).
Setjið pönnuna í ísskáp og kælið í að
minnsta kosti tvær til þrjár klukku-
stundir eða yfir nótt – eða þar til
stykkin eru alveg stíf. Geymist í loft-
þéttu íláti í kæli í allt að tvær vikur
eða í frysti í allt að sex mánuði.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Þernunes