Bændablaðið - 11.01.2018, Blaðsíða 7

7Bændablaðið | Fimmtudagur 11. janúar 2018
Háskóli Íslands og Háskólafélag Suður lands
eru að þróa með sér spennandi verkefni
varðandi þróun fagháskólastigsins.
Þar er um að ræða verkefni á sviði
ferðamálafræða, tæknifræði og hagnýtra
leikskólafræða.
Háskólafélagið, sem er með höfuðstöðvar
sínar í Fjölheimum á Selfossi og fagnaði
nýlega 10 ára afmæli sínu, er með um sextíu
háskólanema sem leigja sér aðstöðu til náms
í Fjölheimum og hafa þar sjálfstæðan aðgang
frá morgni til miðnættis alla sjö daga vikunnar.
„Nú á haustönn lagði félagið um 600 próf
fyrir nemendur úr flestum háskólum landsins
auk framhaldsskóla sem bjóða upp á fjarnám.
Umfang þessarar starfsemi eykst ár frá
ári, með þessu hefur skapast hér raunverulegt
háskólasamfélag,“ segir Sigurður
Sigursveinsson, framkvæmdastjóri félagsins.
Auk Fjölheima á Selfossi er að finna
á starfssvæði félagsins námsver á Hellu,
Hvolsvelli, Vík og Kirkjubæjarklaustri, en á
Höfn tók Þekkingarsetrið Nýheimar í haust
við þessari háskólaþjónustu Háskólafélagsins
á Höfn.
Sigurður segist horfa bjartur fram á næstu
tíu árin í starfsemi Háskólafélagsins.
„Já, verkefnin eru næg en í nútíma
samfélagi ráðast búsetugæði ekki síst af góðu
aðgengi að háskólamenntun. Háskólafélagið
er tæki Sunnlendinga til að vinna að þeim
málum. Félagið hefur lagt áherslu á að
vera samstarfsmiðað. Það er ekki stórt
en hefur sýnt að það getur áorkað ýmsu í
samstarfi við aðra. Við fögnum áherslum
í stjórnarsáttmála nýrrar ríkisstjórnar í
byggðamálum, menntun og nýsköpun og
hlökkum til áframhaldandi samstarfs við
stjórnvöld, háskóla, sveitarfélög, fyrirtæki,
rannsóknarstofnanir og almenning,“ segir
framkvæmdastjóri Háskólafélags Suðurlands.
/MHH
Háskóli Íslands og Háskólafélag Suðurlands
í spennandi samstarfsverkefni
MÆLT AF
MUNNI FRAM
Það var örlítill „brundtíðarbragur“ á síðasta þætti ársins 2017. Þegar þessi þáttur er skráður er fengitíminn
tæpast alveg liðinn, og því verða tilfærðar
nokkrar stökur frá fengitíma. Gamlan
húsgang man ég úr minni heimasveit, en
veit ekki um höfund. Þetta hefur alla vega
verið ort löngu fyrir „Me Too“-byltinguna:
Þessi litli labbakútur
leitar stíft í kvennager.
Fitjar trýn sem friðlaus hrútur
í fjárhúsum í desember.
Í byrjun þessa árs fékk ég símkall frá
Magnúsi Halldórssyni á Hvolsvelli. Við
erum skólabræður við Magnús, og kynntumst
harla náið og urðum vinir góðir. Samt fannst
mér erindið ekki alveg tengt órofa vináttu,
einhver ylgja var undirliggjandi. Talið barst
eitthvað að vísnagerð, og fann ég fljótt að
Magnúsi þótti sinn hlutur skarður þegar kom
að birtingu vísna í Bændablaðinu. Ráðin verður
bót á því hið snarasta. Magnús heldur nokkurn
sauðfjárstofn, ekki þó stóran en nógu stóran þó,
til að halda ítarlega fjárbók um fengitímann:
Hrúturinn gat ekki‘ en hamraði fast
hana, og stangaði‘ í klessu,
en kindin „Me Too“-„cool at last“,
kumraði undir pressu.
Að morgni nýliðins nýársdags orti Magnús,
sæmilega sofinn og sáttur:
Samþykkjum hvorki væl né vol
í veislunni glöddumst saman.
mengunin fór yfir mannlegt þol,
-mikið var það nú gaman.
Magnús er auðvitað uggandi um sinn
hag sem sauðfjárbóndi, og þykja tillögur
Ráðgjafarmiðstöðvar landbúnaðarins
harkalegar:
Brýnt er að búin hér stækki,
best er,- og matið er kalt,
að bændum og fénu fækki
en fráleitt að skjóta samt allt.
Ein vísa Magnúsar um pólitík fær líka að
fljóta með. Hún er líka eitthvað svo sönn,
en líka mild:
Andersen er eflaust skýr,
ekki það ég rengi,
þó okkur verði ansi dýr
ef hún situr lengi.
Við þetta hlýtur Magnús að mildast.
Það sem lifir þessa þáttar verður helgað
Höskuldi Einarssyni frá Vatnshorni. Í
síðasta þætti birtust vísur tengdar vinfengi
hans og Sigurðar Jónssonar frá Brún.
Næsta vísa Höskuldar er sögð til Sigurðar:
Ýmsa geymir eilíf þögn,
aðrir gæta vandans.
Þér hefur miðað alltaf ögn
afturábak til fjandans.
Höskuldur var fæddur á Finnsstöðum í
Köldukinn árið 1906.
Sporin gleymast, munir mást,
manna eymist gengi,
vorin heima, æskuást
ýmsa dreymir lengi.
Höskuldur var góður hestamaður, og orti
næstu vísur til þeirra:
Sléttur ísinn blikar blár,
bjarmalýsa glæddist.
Léttur frísar kvikur klár,
-kannski vísa fæðist.
Hrekkur neisti fótum frá,
frýsar geistu skapi.
Stekkur reistur urðir á
ólmur hreystigapi.
Gripin hrynja hrein og snjöll,
hratt þau dynja á beðin.
Klakabrynjan kliðar öll,
klungrin stynja freðin.
Þráin geymist alltaf ung
án þess heimur viti.
Út að teyma alinn lung,
öllu gleyma striti.
193
Umsjón:
Árni Geirhjörtur Jónsson
kotabyggð1@gmail.com
Starfsmenn Háskólafélags Suðurlands, frá vinstri, Sigurður Sigursveinsson, Hrafnkell Guðnason og Ingunn Jónsdóttir. Á myndina vantar
Guðlaugu Ósk Svansdóttur sem er starfsmaður á Hvolsvelli. Mynd / Magnús Hlynur Hreiðarsson
LÍF&STARF
Kvenfélag Villingaholtshrepps:
Gaf Flóaskóla bækur að andvirði 250.000 krónur
Kvenfélagskonur í Kvenfélagi
Villingaholtshrepps komu færandi hendi
í Flóaskóla fyrir jólin í þeim tilgangi
að færa bókasafni bækur að andvirði
250.000 krónur.
Gjöfin var gefin í tilefni af 100 ára afmæli
félagsins á nýliðnu ári. Nemendur skólans
og starfsmenn höfðu sent kvenfélagskonum
óskalista um bækur á bókasafnið og
var reynt að verða við þeim óskum. Á
myndinni er Sólveig Þórðardóttir, formaður
kvenfélagsins, að afhenda gjafabréfið að
viðstöddum kvenfélagskonum, starfsfólki
og nemendum skólans.
/MHH