Bændablaðið - 24.05.2018, Qupperneq 52

52 Bændablaðið | Fimmtudagur 24. maí 2018
Sigrún Ólafsdóttir og Skúli Lárus
Skúlason búa í Hallkelsstaðahlíð
í Hnappadal. Þar reka þau
sauðfjár- og hrossaræktarbú,
en Sigrún er fædd og uppalin á
bænum.
Býli: Hallkelsstaðahlíð í Hnappadal.
Staðsett í sveit: Gamla
Kolbeinsstaðahreppi, nú
Borgarbyggð.
Ábúendur: Sigrún Ólafsdóttir og
Skúli Lárus Skúlason. Guðmundur
Margeir Skúlason, sonur þeirra og
unnusta hans, Brá Atladóttir. Einnig
búa í eldra húsinu móðursystkini
Sigrúnar, Sveinbjörn og Anna Júlía.
Sigrún er fædd og uppalin í
Hallkelsstaðahlíð en móðurfólk
hennar hefur búið í Hallkelsstaðahlíð
um langa hríð. Sigrún og Skúli
flytja að Hallkelsstaðahlíð árið
1992 og hefja búskap fyrst í félagi
við móðurfólk hennar en taka síðan
fljótlega alveg við búrekstrinum.
Guðmundur Margeir og Brá eru nú
komin í búreksturinn með þeim.
Í Hallkelsstaðahlíð hefur í marga
áratugi verið rekið stórt sauðfjárbú
en auk þess voru kýr til ársins 2000.
Hrossarækt hefur verið stunduð í
a.m.k. 40 ár.
Við erum með heimasíðuna
www.hallkelsstadahlid.is, þar er
hægt að fylgjast með.
Fjölskyldustærð (og gæludýra): Sjá
hér fyrir ofan.
Snotra, íslenskur fjárhundur, Ófeigur
og Ponsa, skoskir fjárhundar.
Yfirmeindýraeyðir er svo Lubbi
ofurköttur, sem nýtur aðstoðar
félaga sinna af sama kynstofni.
Stærð jarðar? Eitthvað á fjórða
þúsund hektarar.
Gerð bús? Sauðfjár- og hrossa rækt-
arbú. Auk þess er rekin hestamiðstöð
sem býður upp á reiðkennslu,
tamningar og alla almenna þjónustu
við hestamenn.
Á þessu ári var tekin í notkun ný
reiðhöll sem stór bætir alla aðstöðu
við kennslu, tamningar og þjálfun.
Sigrún og Skúli hafa rekið
tamningastöð frá árinu 1992 og
kom Guðmundur Margeir inn í þá
starfsemi um leið og hann hafði aldur
til. Hann er nú menntaður reiðkennari
og tamningamaður frá Háskólanum
á Hólum. Brá er búfræðingur frá
Landbúnaðarháskólanum á Hvann-
eyri og nemur nú hjúkrun.
Einnig erum við að fara af
stað með ferðaþjónustu, gistingu í
sumarhúsum og hestaleigu. Einnig
höfum við um árabil selt veiðileyfi
í Hlíðarvatn og boðið upp á
tjaldstæði. En Hlíðarvatn er eitt af
bestu bleikjuvötnum landsins.
Fjöldi búfjár og tegundir? Um
700 vetrarfóðraðar kindur og hross
innan við 100. Hundar og kettir.
Hvernig gengur hefðbundinn
vinnudagur fyrir sig á bænum?
Yfir vetrartímann fer drjúgur tími
í hirðingar og gjafir. Tamningar,
þjálfun og kennsla tekur svo megin
partinn af deginum.
Þau verkefni sem til falla í
fjáhúsunum eru leyst eftir þörfum
og í góðu samstarfi.
Yfir sumartímann er enginn
dagur eins en flestir dagar bjóða
upp á tamningar, heyskap og nánast
hvað sem er. Lífið í sveitinni er
fjölbreytt.

Skemmtilegustu/leiðinlegustu
bústörfin? Hápunktarnir í
sauðfjárbúskapnum eru sauðburður
og réttir. En í hestamennskunni er
það að sjálfsögðu þjálfun og síðast
en ekki síst að snúast í kringum
ræktunina. Para saman eitthvað
spennandi og sjá útkomuna.
Leiðinlegu verkefnin eru svo fá
að það tekur því ekki að muna eftir
þeim. Tækla þau bara með jákvæðni
þegar að þeim kemur.
Við erum samt hætt að sá
kartöflum ...
Hvernig sjáið þið búskapinn fyrir
ykkur á jörðinni eftir fimm ár?
Vonandi sem blómlegastan. Við
erum bjartsýn, annað er ekki í boði.
Hvaða skoðun hafið þið á
félagsmálum bænda? Forustufólkið
er að leggja sig fram en betur má
ef duga skal. Við bændur þurfum
að auka samstöðuna og standa með
þeim sem kjörnir eru til forustu.
Forustan í öllum búgreinum
þarf að vera sýnilegri og í meira
sambandi við bændur.
Hvernig mun íslenskum
landbúnaði vegna í framtíðinni?
Ef að íslenskum bændum ber gæfa til
að njóta stuðnings íslenskra neytenda
eru þeim allir vegir færir. Einnig þarf
að leggja höfuðáherslu á að bjóða
erlendum gestum hágæða íslenskar
landbúnaðarafurðir og gera það með
stolti.
Hvar teljið þið að helstu tækifærin
séu í útflutningi íslenskra búvara?
Tækifærin eru víða og felast
helst í því að kynna vöruna með
áherslum á hreinleika og það hversu
lítil lyfjanotkun er í íslenskum
landbúnaði.
Þó svo að Ísland sé „stórasta“
land í heimi vita ekki allir af
hreinleika búfjárstofna þar.
Hvað er alltaf til í ísskápnum?
Mjólk, algjört ófremdarástand ef að
hún er ekki til, smjör, lýsi og Bónus
piparsósan.
Hver er vinsælasti maturinn
á heimilinu? Léttreyktur
lambahryggur og kindalundir
berjast um fyrsta sætið.
Sigrúnar sveitópitsa er svo
skammt undan og laumast kannski
fram úr.
Vor-kjúklingur á ítalska vísu – fylltur með grænmeti
Nú þegar vorið virðist loksins vera
komið til Íslands er ekki úr vegi að
draga fram vorlegan kjúklingarétt
sunnan frá Ítalíu.
Kjúklingur primavera
› Einn kjúklingur sem búið er að klippa
hrygginn úr (til að fylla og flýta fyrir
eldun)
› 2 msk. ólífuolía
› salt
› Ferskur svartur pipar
› 1 tsk .ítalskt blaðkrydd
› Einn kúrbítur, þunnt skorinn í fallegar
sneiðar
› 3 miðlungs tómatar, helmingaðir og
skornir í þunnar sneiðar
› 2 gular paprikur, þunnt sneiddar
› ½ rauðlaukur, þunnt sneiddur
› 1 kúla ferskur mozzarella-ostur
Aðferð
Hitið ofninn í 200 gráður – eða
grillið. Setjið kjúkling á skurðbretti
og klippið með góðum skærum
bakhliðina úr (hrygginn). Aðferðin
oft kölluð að fletja út. Skerið vasa
í bringurnar en gætið þess að skera
ekki alveg í gegn. Smyrjið með olíu
og kryddið með salti, pipar og ítalska
kryddinu.
Fyllið hvern vasa til skiptist með
kúrbít, tómötum, papriku og
rauðlauk.
Gott að rífa mozzarella-ost yfir.
Bakið þar til kjúklingurinn er eldaður
í gegn, í um 25 mínútur. Ef nota á
grill er gott að hvolfa kjúklingnum á
stálbakka eða laust kökuform, þegar
búið er að brúna skinnmegin – svo
grænmeti detti ekki á milli grinda.
Framreiðið með grilluðu grænmeti og
sýrðum rjóma með graslauk.
Döðlu-orkuboltar með ávöxtum
Þessir boltabitar eru matmiklir
og nógu sætir til að fá sér hollt
millimál eða orku fyrir útiveru eða
líkamsrækt.
› 2⁄3 bolli (auk 1 msk. til skrauts)
skeljalausar pistasíuhnetur
› 4-6 stórar ferskar döðlur
› 1⁄3 bolli tahinimauk (sesam)
› 3 msk. hreint hlynsíróp
› ¾ tsk. sjávarsalt
› ¼ bolli (auk 2 msk. til skrauts)
ósykrað kakóduft
› 1 msk. ristuð sesamfræ
Aðferð
bolla pistasíuhnetur í matvinnsluvél
þar til þær eru gróft hakkaðar. Setjið
döðlur, tahinimauk, hlynsíróp, salt
og ¼ bolla kakóduft saman við og
vinnið þar til myndast kakómassi.
Hnoðið í tíu 30 g kúlur (hver um sig
verður á stærð við borðtennisbolta)
og raðið á smjörpappír. Kælið þar
til þær eru orðnar stífar, eða í um
20 mínútur.
Á meðan þær kólna, myljið þá
sesamfræ og restina (1 msk.) af
pistasíuhnetum með mortéli eða
beittum hnífi – þar til þetta er
orðinn fínn mulningur. Færið yfir í
litla skál. Setjið það sem eftir er af
kakóduftinu (2 msk.) í aðra litla skál.
Endurrúllið kúlurnar þar til þær
eru sléttar og kringlóttar. Dýfið
helmingnum af hverjum bolta í
pistasíu- og sesamfræblönduna, svo
hinn helminginn í kakóduft (má velta
upp úr bræddu súkkulaði fyrst).
Leggið aftur á bakkann og haldið
köldu.
Hægt er að gera kúlurnar mánuð fram
í tímann og geyma þær í lofttæmdum
umbúðum í frysti.
Framreiðið með berjum og kíví.
Bjarni Gunnar Kristinsson
Matreiðslumeistari
MATARKRÓKURINN
LÍF&LYST – BÆRINN OKKAR
Hallkelsstaðahlíð