Bændablaðið - 08.03.2018, Qupperneq 10

10 Bændablaðið | Fimmtudagur 8. mars 2018
„Verkefnið gengur ótrúlega
vel, allar tilraunir og allt sem
fylgir svona nýjung hefur
komið ótrúlega vel út. Ef allt
gengur að óskum þá vonast
ég til að drykkurinn geti
farið á markað eftir nokkra
mánuði,“ segir Pétur Pétursson
mjólkurfræðingur.
Hann er að þróa 18% rjómalíkjör
úr íslenskri mjólk með ethanol úr
íslenskri ostamysu á markað. Pétur
fékk styrk frá verkefninu „Mjólk
í mörgum myndum“ á síðasta ári
við að vinna að hugmynd sinni.
Verkefnið er á vegum Auðhumlu og
Matís sem veitir nýsköpunarstyrki
til að þróa nýjar vörur úr mjólk.
Drykkur Péturs heitir Jökla sem
yrði fyrsti íslenski rjóma líkjörinn
unninn úr íslenskri mjólk og með
ethanol úr íslenskri ostamysu frá
Heilsuprótein ehf.
„Jökla er alfarið hugmynd mín þar
sem hann nýtir sérþekkingu mína á
sviði mjólkurframleiðslu og áratuga
reynslu af sölu á landbúnaðarvörum
til bænda,“ segir Pétur stoltur og
ánægður með nýja rjómalíkjörinn.
/MHH
Áfengur rjómadrykkur úr íslenskri mjólk
– Framleiddur með ethanoli úr íslenskri ostamysu
Beint frá býli, félag heima-
vinnsluaðila, hefur samið við
Matís um að sinna efna- og
örverumælingum fyrir félagsmenn
sína, samkvæmt þeim kröfum
sem gerðar eru til smærri aðila í
heimavinnslu matvæla.
Þorgrímur Einar Guðbjartsson,
formaður Beint frá býli, segir að ekki
sé verið að herða reglurnar um þessar
mælingar. „Þetta snýst um að freista
þess að fá þessa þjónustu á betra verði
þar sem umfang framleiðslunnar er
svo lítil að hún ber ekki endilega
mikinn aukakostnað.
Það þarf að senda inn talsvert
af sýnum úr hverri vöru og oft á
tíðum er magn framleiðslunnar
mjög lítið.“
Að sögn Þorgríms þarf að
fylgjast með nokkrum þáttum
framleiðslunnar. Það þarf að taka
vatnssýni, gera þrifapróf, mæla
magn næringarefna og síðan
athuga hvort óeðlilega mikið sé af
sýklum eins og E.coli og listeria,
eða öðru sem ekki á að vera í
vörunum. Þetta er bara partur af
gæðastjórnun,“ segir Þorgrímur.
/smh
Beint frá býli semur við Matís:
Hagkvæmari efna-
og örverumælingar
Akureyri:
Metanstrætó reynist vel
FRÉTTIR
Þeir sem hafa fengið að smakka rjómalíkjörinn hjá Pétri segja hann ótrúlega góðan enda er hann vinsælasti starfs-
maðurinn í MS Selfossi þessar vikurnar því prófanir á drykknum fara m.a. þar fram. Drykkurinn er 18% af styrkleika.
Mynd / Magnús Hlynur Hreiðarsson.
Rannsókn hafin á Írlandi á meintu kjötsvindli:
Ótti við að kjöt af sýktum og sjálfdauðum
skepnum hafi verið selt til manneldis
Ráðuneyti landbúnaðar, matvæla
og sjávarútvegs á Írlandi hefur
hafið rannsókn til að komast til
botns í ásökunum um að fölsuð
hafi verið vottorð á miklu magni
af kjöti af sjúkum og sjálfdauðum
skepnum sem hafi verið unnið í
ónefndri eyðingarstöð (knackery)
á Írlandi og sagt selt til manneldis.
Breska blaðið Sunday Times
greindi frá þessu í fyrri viku. Þar
kemur fram að kjöt af dýrum sem
ekki var hæft til manneldis var ekki
úðað með sérstöku litarefni til að
tryggja að það færi ekki til manneldis.
Talið er að þess í stað hafi þetta kjöt
verið eldað, hakkað og pakkað í
mismunandi umbúðir og selt til
neyslu. Sérstakt rannsóknarteymi á
vegum ráðuneytisins mun hafa verið
sett í málið.
Í gegnum tíðina hafa fjölmargar
rannsóknir verið gerðar á því hvort
kjöt sem óhæft var til neyslu hafi verið
selt á milli manna á svörtum markaði
og inn á veitingastaði. Hingað til
hefur ekki tekist að staðfesta slíkt.
Er nú reynt að rekja feril á öllu kjöti
sem borist hefur í eyðingarstöðina.
Ónothæft kjöt í gegnum
„kjötþvott“ til manneldis
Í Sunday Times er vísað í
rannsakendur sem telji að í sumum
eyðingarstöðvum sem meðhöndla
sjálfdauða og sýkta gripi og annað
kjöt af dýrum sem ekki má nýta til
manneldis, hafi einnig verið unnið
kjöt af dýrum sem eyrnamerki
hafa verið skorin af og eru talin
stolin. Það hafi þannig verið
„hreinþvegið“ í stöðvunum, líkt
og þekkist í peningaþvætti, og sent
þaðan inn á kjötmarkaðinn. Einnig
er rannsakað hvort slíkt kjöt hafi
verið selt í beinni sölu hús úr húsi.
Á vefsíðu Farm Ireland, var
greint frá málinu 26. febrúar og þar
var bent á að írskar eyðingarstöðvar
eru ekki undir beinu eftirliti
opinberra dýralækna ólíkt því sem
gerist með kjötvinnslustöðvar.
Matvælaöryggisyfirvöld á Írlandi
(Food Safety Authority of Ireland
- FSAI) hafi í fyrra greint frá
áhyggjum sínum yfir gæðamálum
sumra írskra eyðingarstöðva. Hafi
FSAI bent á að ekkert regluverk
væri til að koma í veg fyrir að
dýr sem drepist höfðu af völdum
sjúkdóma rötuðu til manneldis eða
í fóður dýra.
Einnig kom í ljós að dýr höfðu
verið skotin á færi af óreyndu
starfsfólki og miklir annmarkar væru
á að það stæðist kröfur um meðferð
dýra til matvælaframleiðslu.
Í einu vinnslufyrirtæki fannst
verulegt magn af dýraafurðum
pökkuðum í plastpoka og geymdar í
frystigámum. Voru þær án nokkurra
merkinga um hvaðan kjötið var
upprunnið.
Engin úttekt af hálfu ESB
í fjölda ára
Landbúnaðarráðuneyti Írlands
gefur út vinnsluleyfi fyrir
eyðingarstöðvar. Það hefur
staðfest að engin úttekt eða
endurskoðun hafi farið fram
á írskum eyðingarstöðvum
af hálfu framkvæmdastjórnar
Evrópusambandsins eða nokkurra
annarra ESB-stofnana í fjölda ára.
/HKr.
eyðingar stöðvum.
Þorgrímur Einar Guðbjartsson, bak við búðarborðið á Erpsstöðum.
Metanbílar í eigu Akureyrarbæjar og Norðurorku.
Ingibjörg Ólöf Isaksen, formaður
umhverfis- og mannvirkjaráðs,
segir á heimasíðu Akureyrarbæjar
að stigið hafi verið stórt skref í
þá átt að gera allan strætóflotann
umhverfisvænan.
„Í umhverfis- og samgöngustefnu
bæjarins segir að stefnt skuli að því
að allir strætisvagnar bæjarins noti
umhverfisvæna orkugjafa fyrir árið
2020 og það er alls ekki óraunhæft að
svo verði. Hins vegar er ómögulegt
að segja hvort fjórði vagninn verði
metanvagn eða eitthvað annað því
þróunin er svo ör í þessum málum,“
segir Ingibjörg. /MÞÞ
Uppbyggingarsjóður Norðurlands vestra:
Sjötíu milljónir í styrki
Styrkir voru veittir úr
Uppbyggingarsjóði Norðurlands
vestra við athöfn í félagsheimilinu
Húnaveri í Húnavatnshreppi.
Alls bárust 107 umsóknir
þar sem óskað var eftir 200
milljónum króna í styrki. Sjötíu
styrkir voru veittir til 54 aðila
að upphæð tæpar 55,6 milljónir
króna.
Við sama tækifæri voru einnig
veittir styrkir úr Atvinnu- og
nýsköpunarsjóði Norðurlands
vestra. Níu umsóknir bárust þar
sem óskað var eftir 73 milljónum
króna í styrki. Styrkir voru veittir
til þriggja aðila, samtals að upphæð
14,6 milljónir króna.
Umsóknir um styrki voru
fjölbreyttar og mörg áhugaverð
verkefni. Styrkupphæðir eru
frá 150 þúsund krónum til 6,8
millj. kr. Alls var úthlutað 32
milljónum króna í menningarhluta
Uppbyggingarsjóðs og 38 milljónum
króna til atvinnuþróunar- og
nýsköpunarverkefna. Fjármagn
beggja sjóðanna er hluti af samningi
Samtaka sveitarfélaga á Norðurlandi
vestra við stjórnvöld um framkvæmd
Sóknaráætlunar Norðurlands vestra
2015 til 2019. /MÞÞ