Fóstra - 01.10.1931, Qupperneq 20

18
Fóstra. 1. hefti. I. ár.
berast þaðan um líkamann, og valda sjúkdómum. Tann-
skemdir eru auk þess herfileg líkamslýti meðal sið-
aðra nútímamanna. Yafalaust á óhentugt fæði sök á
tannátunni — of lítið harðmeti, nýmjólk, jarðepli og
ávextir, en of mikið sætindaát. Auk þess kemur til
greina ljeleg hreinsun og hirðing á tönnunum.
Um allan heim er nú uppi rík hreyfing, til þess að
sporna við tannskemdum skólabarna, og lækna þær. 1
Barnaskóla Rvíkur fá börnin ókeypis tannlækning, og
ættu foreldrar að stuðla að því, að börn þeirra verði að-
njótandi þessarar dýrmætu hjálpar.
Öll skólabörn eiga að hirða vel tennur sínar; skola
rækilega munninn eftir máltíðir, og helst bursta tenn-
ur á kveldin. Þetta er einfalt og sjálfsagt hreinlætismál.
Best að hreinsa tennurnar rækilega að kveldinu til.
Þær haldast þá hreinar til næsta dags.
Borðið harðfisk! Hann styrkir tennurnar, og er holl
fæða að öðru leyti.
SVEFN. Skólabarnið þarf vitanlega lengri svefntíma,
------- en menn á fullorðinsaldri. Það mun vera stríð,
sem seint linnir, að koma börnunum snemma í háttinn,
ekki síst hjá svo agalitlu fólki sem íslendingum. En
foreldrar verða að fylgja þessu fast fram — barnanna
vegna.
HREINLÆTI. Óþrifnaður hefir löngum verið talinn
------------ þjóðarlöstur hjer á landi. Hreinlæti hef-
ir þó aukist að miklum mun á siðari árum, og er varla
nú orðið, rjettmætt að ónotast svo mjög við íslendinga,
öðrum fremur, um þetta.
En í einu atriði er snyrtimensku skólabarna hjer í
bænum mjög áfátt, og reyndar tekur þetta líka til