Fóstra - 01.10.1931, Page 22

20
Fóstra. 1. hefti. I. ár.
Heim og aö heiman.
Svo er það kallað, að börnin sjeu í skólanum frá því
þau fara að heiman þar til þau koma heim. Þetta er
ekki allskostar rjett. Þess ber að gæta að nokkur tími
af dvöl þeirra að heiman, fer i ferðalag frá og til skól-
ans. Börnin eru ekki í skólanum nje undir handleiðslu
hans, þann tíma, sem fer í þessi ferðalög. Jeg hefi oft
orðið þess var, að óeðlilega langur tími fer í heimför-
ina oft og einatt, hjá sumum hverjum, og þar skeður
oft margt það, sem veldur hugarangri og jafnvel tár-
um. — Þegar heim er komið verður þá sviðinn oft sár-
ari ef um meiðsli er að ræða, eða skrámur. Og jafn-
vel þó að það sje ekki nema að föt hafi rifnað eða höfuð-
fatið týnst.
Oft er svo skólanum kent um þetta. Það er þó ekki
rjettmæt ásökun á skólana. Eða sje barnið á ábyrgð
skólanna á veginum heim, er það einnig á ábyrgð
heimilis og aðstandenda þess þar.
Foreldrar! Leyfið börnnm yðar ekki að slæpast á
leiðinni frá og til skólans. Þeim er hollara í alla staði
að hverfa heim úr skólanum þegar í stað, fá sjer hress-
ingu og koma öllu á sinn stað, en skreppa síðan út.
Heimili og skóli verður að taka höndum saman, um
að kenna börnum svo fljótt sem auðið er að gæta var-
kárni á götu, hlýða settum umferðareglum og ganga
hratt. Gangur á götu í borg verður að vera greiður.
Börnunum verður að lærast að ferðalagið heim og að
heiman er nauðsynlegt líkamlegt starf, sem verður að
framkvæma hiklaust til að ná ákveðnum áföngum og
settu markmiði.
Arngr. Kristjánsson.