Fréttablaðið - 21.05.2020, Blaðsíða 32

Í ÞESSARI BÓK ERUM
VIÐ AÐ ÍTREKA HVAÐ
PÁLL VAR MIKILVÆGUR Í ÞRÓUN
ÍSLENSKS TÓNLISTARLÍFS Á
ÞEIM FIMMTÍU ÁRUM SEM HANN
BJÓ HÉR.Ljáðu mér vængi – Minn­ingabrot úr líf i Páls Pampichlers Pálssonar er ný bók. Umsjón með útgáfunni og íslenskum textum höfðu Rut Ing­
ólfsdóttir fiðluleikari, Helga Hauks­
dóttir fiðluleikari og Sigurður I.
Snorrason klarinettuleikari.
Minningabrot úr lífi Páls Pamp­
ichlers Pálssonar kom fyrst út á
þýsku í Austurríki árið 2016. Höf­
undur er Monika Luise Gschiel, en
íslenska útgáfan er þýðing á hluta
bókar hennar, en þar er einnig
mikið af nýju efni.
„Bókin heitir Minningabrot og
það er nákvæmlega það sem hún er,
minningabrot Páls frá æsku og til
fullorðinsára, sem Monika skráði,
og minningabrot okkar nokk­
urra vina Páls á Íslandi. „Páll segir
mjög skemmtilega frá æsku sinni
og árunum á Íslandi,“ segir Rut.
„Hann er 21 árs þegar hann kemur
frá Austurríki hingað til lands og
er ráðinn sem trompetleikari til
Útvarpshljómsveitarinnar í hálft
starf og til Lúðrasveitar Reykja­
víkur í hálft starf. Hann var hér í
nær 50 ár og starfaði sem trompet­
leikari, stjórnandi, kennari og tón­
skáld.“
Vinir skrifa um Pál
Sigurður I. Snorrason þýddi bókina
og Rut yfirfór síðan þýðingu hans.
„Við ákváðum svo að vinna bókina
þannig að hún höfðaði meira til
Íslendinga. Við bættum við hana,
helmingurinn er því texti Moniku
og hinn helmingurinn frá okkur,“
segir Rut.
„Stefán Þ. Stephensen hornleikari
skrifar um heimilisvininn Pál, en
Stefán kynntist Páli mjög ungur.
Páll leit gjarnan við á Laufásveg­
inum, líka þótt þeir bræðurnir væru
ekki heima.
Lárus H. Grímsson skrifar um
Drengjalúðrasveit Vesturbæjar
sem Páll stjórnaði, kenndi á málm­
blásturshljóðfærin og tónfræðina
í heil 40 ár. Drengjalúðrasveitin
breyttist á áttunda áratugnum í
Skólahljómsveit Vesturbæjar og þá
fengu stúlkur að vera með. Lárus er
fróður um Drengjalúðrasveitina því
hann lék með henni frá 10 ára aldri
og síðar hjá Páli í Lúðrasveit Reykja­
víkur. Lárus tók við stjórn beggja
hljómsveitanna af Páli,“ segir Rut.
Hinn framsýni
Páll Pampichler
Ljáðu mér vængi er bók um hinn merka
stjórnanda, trompetleikara, tónlistar-
kennara og tónskáld. Rut Ingólfsdóttir
er meðal þeirra sem höfðu umsjón með
útgáfunni. Kom út á 92 ára afmæli Páls.
Hann kom svo víða við, segir Rut um Pál. FRÉTTABLAÐIÐ/ERNIR
Páll bjó á Íslandi í um hálfa öld og
vann hér þrekvirki í tónlistinni.
„Sigurður I. Snorrason skrifar
um vináttu sína við Pál en hann
kynntist honum þegar hann var í
skólalúðrasveit og þeir hafa haldið
vináttu alla tíð. Ég skrifa um Kamm­
ersveit Reykjavíkur og samstarf
okkar Páls. Hann var einn af stofn­
endum Kammersveitarinnar 1974,
stjórnaði henni í um 10 ár og samdi
fjölda verka fyrir sveitina.“
Afmælissöngurinn sunginn
Íslenskt tónlistarlíf á Páli mikið
að þakka. Hann var stjórnandi,
trompetleikari, tónlistarkennari
og tónskáld. „Í þessari bók erum við
að ítreka hvað Páll var mikilvægur
í þróun íslensks tónlistarlífs á þeim
50 árum sem hann bjó hér. Hann
kom svo víða við. Með Drengja­
lúðrasveitinni stuðlaði hann að
tónlistarlegu uppeldi og margir sem
þar voru fóru þaðan í lúðrasveitina
sem hann stjórnaði og síðan í tón­
listarnám og urðu hljóðfæraleikar­
ar í Sinfóníuhljómsveit Íslands þar
sem þeir unnu aftur undir stjórn
Páls,“ segir Rut.
Í bókinni eru skrár um framlag
Páls til íslensks tónlistarlífs sem
Rut tók saman. Þar á meðal er listi
yfir verk sem Páll samdi sérstaklega
fyrir íslenska tónlistarmenn. „Ég
skráði ekki bara þau verk sem vitað
var að hann samdi sérstaklega fyrir
einstaklinga heldur hringdi ég í fólk
og spurði hvort Páll hefði samið
verk sérstaklega fyrir það.“
Rut tók einnig saman lista yfir
merk tónverk sem Páll varð fyrstur
til að f lytja með Sinfóníuhljóm­
sveit Íslands og sömuleiðis lista yfir
frumf lutning íslenskra verka. „Ég
man eftir því á mínum fyrstu árum
í Sinfóníuhljómsveitinni hvað ég
dáðist að Páli fyrir að setja á efnis­
skrá verk sem hljómsveitin hefði
ekki átt að geta f lutt vegna mann­
eklu. Hann var ákaflega framsýnn
og fylgdist vel með því sem var að
gerast í 20. aldar tónlist.“
Bókin kom út á níutíu og tveggja
ára afmæli Páls. „Þá hringdi Sig­
urður í Pál og við sungum afmælis­
sönginn fyrir hann. Daginn áður
höfðum við sent honum bókina í
pósti til Austurríkis,“ segir Rut.
Kolbrún
Bergþórsdóttir
kolbrunb@frettabladid.is
Óperudeild Söngskóla Sig­urðar Demetz f lytur óper­una Schauspieldirektor
eftir Wolfgang Amadeus Mozart.
Sýningar verða tvær, í Tjarnar­
bíói mánudaginn 25. maí kl. 18 og
20.30. Takmarkaður fjöldi gesta
getur mætt en beðið er um að óskir
um miða verði sendar á netfangið
songskoli@songskoli.is.
Óperan er gamanleikur en þar
sem hlutverkaskipan býður ekki
upp á þann fjölda hlutverka sem
deildin þurfti á halda var í þetta
sinn samin leikgerð sem hentaði.
Hlutverkum var fjölgað og tón­
listaratriðum einnig. Í f lestum
tilfellum er þar um að ræða aríur
úr óperum Mozarts en þó stelst
Rossini til að ljá verkinu eina
aríu.
Umfjöllunarefnið er vissulega
eldfimt en það hverfist um óperu­
stjóra sem vill garnan vera óperu­
listinni trúr. Hann er hins vegar
neyddur til að horfast í augu við
nýja tíma og breytta heimsmynd
og fjallar verkið um hugarangur
hans, oft á fremur gamansaman
hátt.
Leikstjóri sýningarinnar er Þor­
steinn Bachmann, en hann hefur í
vetur verið leiðbeinandi hópsins,
ásamt Gunnari Guðbjörnssyni,
Antoníu Hevesi og Matthildi Önnu
Gísladóttur.
 Hugarangur óperustjóra
Wolfgang Amadeus Mozart.
L is tasa lur Mos fe l l sbæjar
auglýsir eftir umsóknum fyrir sýningarárið 2021
Listasalur Mosfellsbæjar er í hjarta
Mosfellsbæjar, staðsettur inn af
Bókasafni Mosfellsbæjar.
Sýningar standa að jafnaði um fjórar vikur
og er salurinn lánaður endurgjaldslaust.
Sótt er um rafrænt á
www.bokmos.is/listasalur
Við mat umsókna er tekið mið af fjölbreytni
og frumleika í miðlum og efnisvali.
Umsóknarfrestur er til 15. júní 2020
Listasalur Mosfellsbæjar
Kjarni
Þverholt 2
270 Mosfellsbær
s: 566 6822
listasalur@mos.is
www.bokmos.is/listasalur
www.facebook.com/listasalurmoso
2 1 . M A Í 2 0 2 0 F I M M T U D A G U R24 M E N N I N G ∙ F R É T T A B L A Ð I Ð
MENNING