Slökkviliðsmaðurinn - 01.06.2003, Blaðsíða 37

37

Anœgðnr mótstjóri í lokahófinu.
að taka þátt í sínu fyrsta innanhússmóti. Við
óskum þeim til hamingju með það og vonum
að framhald verði á þátttöku þeirra.
Eftir mikla baráttu, blóð, svita og tár og
lágmarksskammt af rifrildi endaði mótið
þannig að A-Iið SHS var í fyrsta sæti með 10
stig og 11 mörk í plús, B—lið SHS varð i öðru
sæti, einnig með tíu stig en 5 mörk í plús, í
þriðja sæti varð Slökkvilið Keflavíkurflugvall-
ar með 4 stig og 3 mörk í mínus en lið
Brunavarna Suðurnesja var einnig með 4 stig
í fjórða sæti en 11 mörk í mínus. Slökkvilið
Akureyrar rak síðan lestina með ekkert stig.
Fjölmennt lokahóf
Að mótinu loknu var haldið lokahóf í veit-
ingasal Matarlystar. Þar var boðið uppá mat
og drykki að hætti hússins og síðan var verð-
launaafhending. Mótið tókst með eindæmum
vel og er orðið langt síðan undirritaður hefur
séð yfir 50 manns í veislunni eftir mót og er
vonandi að sú tala eigi eftir að hækka. En
þótt karlar og konur séu ekki að keppa er öll-
um slökkviliðsmönnum velkomið að koma í
veisluna og gera sér glaðan dag. Þetta snýst
ekki bara um keppni heldur einnig að hittast,
kynnast og gleðjast saman.
Fyrir hönd Félags starfsmanna Brunavarna
Suðurnesja vill undirritaður þakka keppend-
um, dómurum og öllum þeim sem lögðu
hönd á plóginn kærlega fyrir frábæran dag.
Einnig vil ég þakka þeirn sem styrktu þetta
mót en það voru eftirtaldir aðilar: Eldvarnir,
sem gáfu alla verðlaunagripi, þar á meðal far-
andbikar í knattspyrnumótinu, Brunavarnir
Suðurnesja, Matarlyst og Félag starfsmanna
Brunavarna Suðurnesja.
Sjáumst hress á sumarmótinu.
Ingvar Georgsson.
Fjölmenni var í lokahófinu í veitingasal Mátarlystar.
Sigurvegararnir í réttstöðulyftu.
Fótbolti í Fífunni í Kópavogi
Þann 20. september 2002 var komið að
SHS að halda Islandsmót slökkviliða í
knattspyrnu. Fóru leikar fram í Fífunni í
Kópavogi við mjög góðar aðstæður,
blankalogn, 20 stiga hita og völlurinn var í
mjög góðu standi. Til leiks mættu þrjú lið,
Keflavíkurflugvöllur var með eitt lið og
SHS sendi frá sér tvö lið. Þau voru annars-
vegar skipuð ungum og hraustum eldhug-
um og hinsvegar „old boys on viagra“.
Leikið var í sjö manna liðum á hálfum velli
í 2x20 mínútur. Það er gaman að segja frá
því að yngra lið SHS hampaði Islands-
meistaratitlinum á svipuðum tíma og Fylk-
ismenn „töpuðu“ Islandsmeistaratitlinum í
knattspyrnu. I öðru sæti urðu þeir bein-
stífu í SHS og bronsið féll í skaut liðs
Slökkviliðs Keflavíkurflugvallar. Umgjörð
mótsins var öll hin besta en þátttaka hefði
mátt vera betri. Til dæmis kom ekkert lið
frá Brunavörnum Suðurnesja.
Að móti loknu var svo haldið upp í
fúndarsal íþróttahúss Breiðabliks þar sem
snæddur var dýrindis matur frá Grillvagn-
inum og honum skolað niður með litlu öl-
glasi. Þátttakan í borðhaldinu var vægast sagt
léleg. Af rúmlega 30 manns sem spörkuðu
bolta um daginn sátu aðeins um 10 eftir. En
engu að síður skemmtum við okkur mjög
vel saman eftir vel heppnað og þrælgott mót.
Guðjón Ingason, A-vakt SHS.
Slökkviliðsmaðurinn