Tímarit Öryrkjabandalags Íslands - 01.09.2005, Side 39

Guðrún Ósk Ingvarsdóttir og Guðrún Bergsdóttir í Vinnustofunni Ási pakka
Kærleikskúlunum.
Án upphafs - án endis
Rúrí nefnir Kærleikskúlu sína Án
upphafs - án endis og segir um
verkið:
„Orðin vísa til þess að kærleikur-
inn á sér hvorki upphaf né endi.
Hann er óskilyrtur - óendanlegur -
hann er.
Eins er með fossinn - hann rennur
án afláts - hann er.
Fullkomin kúla hefur hvorki upp-
haf né endi, á sama hátt og hnöttur-
inn okkar, Jörðin, er ein samfelld
heild.
Einn af hinum máttugu fossum
landsins birtist í brothættu, svífandi
listaverkinu, sem örsmáum heimi,
sem aftur kallast á við og speglar al-
heim þar sem Jörðin svífur um í
ómælisgeimi."
Allur ágóði af sölu Kærleikskúl-
unnar rennur til starfsemi í þágu fatl-
aðra barna og ungmenna. Undan-
farin tvö ár hefur Reykjadalur notið
ágóðans, en Reykjadalur er opinn
börnum og ungmennum sem vegna
fötlunar eða langvinnra sjúkdóma
geta ekki notið þess að sækja hefð-
bundnar sumarbúðir.
Birna Þórðardóttir
Rúrí er fædd árið 1951 í
Reykjavík. Hún stundaði
listnám þar og síðar í
Hollandi. Rúrí hefur haldið
fjölda einkasýninga hér
heima og erlendis, auk þess
að taka þátt í samsýningum.
Útilistaverk Rúríareru mörg-
um kunn, má þar nefna
Regnbogann við Flugstöð
Leifs Eiríkssonar og Fyssu í
Grasagarðinum í Reykjavík,
einnig innsetningar eins og
Glerregn sem sýnt var vorið
2001 í Listasafni íslands og
PARADÍS? - Hvenær? sem
sýnt var á Kjarvalsstöðum
fyrir nokkrum árum.
Rúrí var fulltrúi íslands á
Feneyjatvíæringnum 2003
og vakti verk hennar Archi-
ve - Endangered Waters
mikla athygli.
Rúrí er borgarlistamaður
Reykjavíkur 2005.
Sjá nánar: www.ruri.is
39