Tímarit Öryrkjabandalags Íslands - 01.09.2005, Blaðsíða 42

Yfirlýsing frá
Öryrkjabandalagi íslands
Öryrkjabandalag íslands óskar aðilum vinnumarkaðarins til
hamingju með samkomulag við ríkisstjórn íslands sem staðfest
var 15. þessa mánaðar og bæta mun kjör launþega og atvinnu-
lausra.
Bandalagið fagnar tekjutengingu atvinnuleysisbóta en minnir á
að bætur almannatrygginga eru tengdar tekjum með öfugum
formerkjum sem veldur því að flestir öryrkjar lenda í fátæk-
targildru.
Öryrkjabandalag íslands telur eftirtektarvert að ríkisstjórnin ætli
á næstunni að verja allt að 1,8 milljörðum króna til þess að létta
örorkubyrði af lífeyrissjóðunum. Á sama tíma treysta stjórnvöld
sér ekki til að efna samkomulagið við Öryrkjabandalag íslands
frá 25. mars 2003.
Öryrkjabandalag íslands skorar á ríkisstjórn íslands að efna nú
þegar það sem upp á vantar að samkomulagið hafi verið efnt
og komast þannig hjá yfirvofandi málssókn sem mun hafa í för
með sér álitshnekki fyrir stjórnvöld.
Reykjavík, 16. nóvember 2005,
Öryrkjabandalag íslands