Tímarit Öryrkjabandalags Íslands - 01.10.2007, Page 8

8 I ÖBÍáfram
Brynja, hússjóður Öryrkjabandalagsins, í samvinnu við félagsmálaráðuneytið:
Unnið að því að bæta úr
húsnæðisþörf geðfatlaðra
Um tvöhundruð manns eru á biðlista eftir íbúð-
um hjá Brynju, hússjóði Öryrkjabandalagsins.
Ester Adolfsdóttir, framkvæmdastjóri Brynju,
segir fjölda fólks á biðlista hafa verið svipaðan
síðustu þrjú árin. Mikilvægt sé að stytta biðlist-
ana, enda fjöldi fólks í brýnni þörf fyrir hús-
næði. Kallar Ester eftir því að sveitarfélög leggi
sín lóð á vogarskálarnar til þess að bæta úr
þessari húsnæðisþörf.
Brynja, hússjóður Öryrkjabandalagsins er sjálfs-
eignarstofnun sem sett var á stofn fyrir röskum
fjörutíu árum til að eiga og reka íbúðir fyrir öryrkja.
Til að byrja með átti Brynja og rak íbúðir í fjölbýlis-
húsunum við Hátún í Reykjavík, sem eru 237 tals-
ins. í dag á Brynja um 670 leiguíbúðir, sem næst-
um 560 þeirra eru á Stór-Reykjavíkursvæðinu en
um 110 annars staðar á landinu.
Fannborg til sölu
Brynja á meðal annars fjölbýlishúsið að Fannborg
1 í Kópavogi, þar sem eru 43 íbúðir, en fyrir nokkru
var húsið auglýst í heilu lagi til sölu. Ester segir að
ekki hafi enn sem komið er orðið af sölu húss-
ins, en það sé ennþá á söluskrá og þess vænst
að unnt verði að selja það. Kaup á íbúðum hefur
Brynja fjármagnað með lánum frá íbúðalánasjóði.
Tekjur sjóðsins koma af leigu íbúðanna auk þess
Esther Adolfsdóttir er framkvæmdastjóri Brynju.
sem hann fær framlag frá ÖBÍ sem eru 80 milljónir
króna á þessu ári.
„Á síðustu árum hefur Brynja keypt íbúðir í sam-
ráði við félagsmálaráðuneytið, bæði í tengslum
Hjálpartækjamiðstöð TR með útibú nyrðra:
Falt fjölbýlishús. Brynja á meðal annars Fannborg 7 /
Kópavogi, þar sem eru 43 íbúðir, en fyrir nokkru var
húsið auglýst íheilu lagi til sölu.
við lokanir á Kópavogshæli og í Tjaldanesi. Núna
vinnum við að verkefni á þessu sviði með ráðu-
neytinu fyrir geðfatlaða og fengu sex einstaklingar
nýverið úthlutað íbúðum hér á höfuðborgarsvæð-
inu og fleiri munu fá sambærilegar íbúðir. Einnig er
verið að byggja íbúðir fyrir geðfatlaða bæði í Borg-
arnesi og Reykjanesbæ," segir Ester.
Sýna hjálpartæki og veita ráðgjöf
í júní á síðasta ári hófst tilraunaverkefni Trygg-
ingastofnunar ríkisins og Fjórðungssjúkrahúss-
ins á Akureyri um aðstöðu fyrir hjálpartækja-
miðstöð á Kristnesspítala í Eyjafirði. Þar er
sýningar- og prófunaraðstaða fyrir ýmis hjálp-
artæki og ráðgjöf veitt um notkun þeirra. Not-
endur geta pantað tíma og fengið ráðgjöf í að-
stöðunni á Kristnesi eða á heimilum sínum.
Starfsemin fer fram á þriðjudögum og föstudög-
um frá klukkan 10-14 fyrir þá sem eiga pantaða
tíma og á fimmtudögum frá kl. 12-16 er opið fyr-
ir alla viðskiptavini. Síminn er 463 0399. Þjónustu
þessa veitir Álfheiður Karlsdóttir iðjuþjálfi.
Auk þessa hefur TR samið við Rafeyri ehf. á
Norðurtanga 5 á Akureyri um viðgerðarþjónustu á
hjálpartækjum fyrir notendur hjálpartækja. Notend-
ur hjálpartækja á Norðurlandi geta nú leitað til Raf-
eyrar um viðgerðir á hjálpartækjum sem þeir hafa
fengið frá Hjálpartækjamiðstöð TR. Verkstæðið er
opið alla virka daga og síminn er 461 1221. Sömu
reglur gilda um viðgerðir á verkstæði Rafeyrar og á
verkstæði Hjálpartækamiðstöðvar í Kópavogi. Not-
Álfheiður Karlsdóttir veitir hjálpartækjamiðstöðinni á
Kristnesi forstöðu.
endur hjálpartækja á Norðurlandi geta einnig valið
verkstæði Hjálpartækjamiðstöðvar, ef þeir kjósa
það frekar.
Sveitarfélög komi í auknum mæli að málum
í húsnæðismálum öryrkja hefur sú stefna verið
mörkuð að dreifa nýjum leiguíbúðum meira en áður
var, það er að segja að ekki séu t.d. margar slíkar
íbúðir saman í einu fjölbýlishúsi eins og t.d. í Hátúni
og Fannborg. Ester segir þó að í áðurnefndu verk-
efni með félagsmálaráðuneytinu, í úrbótum á hús-
næðisþörf geðfatlaðra, séu nokkrar íbúðir hlið við
hlið, enda sé þar gert ráð fyrir þjónustu við íbúana
og ein íbúðanna sé þjónustuíbúð.
Hlutfailslega fleiri öryrkjar eru á biðlista eftir hús-
næði á höfuðborgarsvæðinu en á landsbyggðinni,
sem Ester segir að mögulega geti tengst hærra
húsnæðisverði á höfuðborgarsvæðinu. „Það kann
líka að vera að öryrkjar flytjist af minni stöðum úti á
landi í stærri byggðarkjarna þar sem þjónustan er
meiri,“ segir Ester.
En hvernig sér framkvæmdastjóri Brynju fyrir
sér þróunina í húsnæðismálum öryrkja á næstu ár-
um? „Ég tel að við munum leggja á það áherslu að
bæta íbúðakostinn, bjóða upp á betri íbúðir. Geri
ég mér vonir um að sveitarfélögin komi í auknum
mæli inn í að bæta úr þessari húsnæðisþörf ör-
yrkja," segir Ester Adolfsdóttir.