Víkurfréttir - 07.05.2020, Blaðsíða 61

Mjög algengt er að fólk misskilji dáleiðslu og geri sér óraunhæfar hug-
myndir um hana, haldi til dæmis að sá sem er dáleiddur sé nánast vilja-
laust verkfæri í höndum þess sem dáleiðir eða að hann öðlist andlegan
ofurstyrk. Sú er ekki raunin. Áhrif dáleiðslu eru fremur hversdagslegt
fyrirbæri. Dagdraumar eru dæmi um sefjunarástand sem svipar til þeirra.
Sama má segja um hug þess sem horfir gagntekinn á sjónvarp, hlýðir á
tónlist eða einbeitir sér á einhvern svipaðan hátt. Dáleiðsluástand er í
raun ekki nema breytt vitund þar sem athyglinni er beint ákveðið að til-
teknu atriði. Þannig er um að ræða náttúrlegt vitundarfyrirbæri.
Dagbjört Magnúsdóttir hóf vegferð sína árið 2005 þegar hún fór á heil-
unarnámskeið sem opnaði fyrir henni nýjan heim.
Byrjaði á að læra heilun
„Af rælni fór ég fyrst á námskeið
í reikiheilun árið 2005 en þar var
verið að vinna með heilun og sjálf-
styrkingu. Upp frá því vaknaði áhugi
minn á að læra meira. Um svipað
leyti fór ég á námskeið í myndlist,
hafði aldrei áður málað en eitthvað
innra með mér ýtti á mig að prófa
að mála myndir. Einhvern veginn
blandaðist þetta vel saman, mynd-
list og heilun, og studdi hvort annað.
Ég tók öll þrjú stigin í heiluninni
og reikimeistarann að lokum. Eftir
þetta fannst mér mig vanta að vita
meira um líkamsstarfsemina og
lærði svæðanudd. Eitt leiddi af öðru
og ég fór á alls konar uppbyggjandi
námskeið. Ég lærði hugleiðslu, kristi-
lega íhugun, ég dansaði og stundaði
jóga og fleira. Allt varð til þess að ég
fann að þetta var leiðin mín, farvegur
minn í lífinu, að hjálpa öðrum,“ segir
Dagbjört þegar hún er beðin um að
rifja upp hvernig þetta byrjaði hjá
henni. Hún varði mörgum árum í
að vinna í sjálfri sér, lærði meir og
meir sem leiddi hana í dáleiðslunám.
Dáleiðsla opnar dyr
inn í undirvitund
„Ég var forvitin og byrjaði á að fara
á fyrralífsdáleiðslunámskeið en mér
fannst það ekki nóg og vildi læra
meira. Þá fór ég í Dáleiðsluskóla
Íslands árið 2016, lauk meðferðardá-
leiðslunámi og hef síðan þá farið á
ótal fleiri námskeið tengd dáleiðslu.
Ég fann það eftir nokkur ár í starfi
með heilun og svæðanuddi að það
vantaði að taka hugann meira með.
Eftir dáleiðslu hef ég séð fólk upplifa
meiri innri frið og sátt en í dáleiðslu
ertu alltaf að vinna með sjálfa þig. Ég
leiði þig áfram og styð þig í gegnum
dáleiðsluna, þetta er samvinna. Þú átt
sjálf að vinna úr þínum málum, ég er
hlutlaus á hliðarlínunni og aðstoða
þig í gegnum upplifanir. Líkaminn
geymir minningar eða undirvit-
undin. Dáleiðsla fer fram í undir-
vitund okkar þar sem allt er geymt
sem við höfum gengið í gegnum í
lífinu og allt sem við höfum lært á
lífsleiðinni. Þarna eru minningar,
lærð hegðun og hugsanamynstur
sem stjórna okkur ómeðvitað. Þetta
getur truflað okkur og dregið úr
lífsgleði okkar í dag. Við höfum öll
ótta innra með okkur, sumt er gott
og verndar okkur. Eins og þegar
við sem lítil börn brenndum okkur
á eldavél eða einhverju öðru sem
okkur fannst vont, þá lærðum við
að forðast þetta. Margt af minn-
ingum okkar og upplifunum sem
lítil börn eru mun sterkari upplif-
anir og geta haft áhrif á okkur fram
á fullorðinsár. Í dáleiðslu búum við
til örugga og notalega umgjörð þegar
við sækjum fram þessar minningar,
leysum þær upp í kærleika sem leiðir
til þess að tilfinningarnar hafa ekki
sömu áhrif á okkur lengur. Dáleiðsla
er góð með, þegar verið er að leita
jafnvægis í heildarmyndinni,“ segir
Dagbjört og brosir hlýlega. Hún
bendir á að dáleiðsla kemur ekki í
stað læknisheimsóknar.
Áður en dáleiðsla hefst
„Þegar fólk kemur verkjað til mín
þá spyr ég hvort búið sé að greina
hjá lækni áður en dáleiðsla hefst.
Þessi meðferð kemur ekki í stað
læknis eða sálfræðings en þetta er
gott með. Ég hef stundum fengið fólk
sem hefur verið vísað til mín af heil-
brigðisstarfsmanni. Stundum hefur
fólk prófað allt áður en það kemur
í dáleiðslu og stundum kemur það
einnig af forvitni, langar að prófa.
Það gefur mér helling að sjá breyt-
ingar hjá fólki, að sjá meiri sátt og
gleði hjá þeim, þegar dáleiðslan fer
að bera árangur. Ég er að fá fólk alls
staðar að til mín, héðan af Suður-
nesjum, innan úr höfuðborginni og
jafnvel utan af landi. Það er mikil
gjöf að fá að hjálpa öðrum. Í gegnum
árin hef ég komist að því að streita
orsakar marga kvilla í okkur og ég fæ
oft fólk sem segist ekki geta slakað
á. Við erum það sem við segjum og
hugsum um okkur sjálf kenni ég
fólki á námskeiðum mínum en þar
er ég að kenna fólki hugleiðslu og
sjálfsdáleiðslu og að þjálfa hugs-
anir sínar sem verða að vinna með
okkur en ekki á móti,“ segir Dagbjört
sem heldur reglulega námskeið hjá
Sálarrannsóknarfélagi Suðurnesja,
þar sem hún jafnframt er formaður.
Hvernig kom það til að þú varðst
formaður?
Sálarrannsóknarfélag
Suðurnesja
„Árið 2013 vantaði mig húsnæði eða
herbergi til leigu fyrir starfsemi mína
og datt í hug að koma við í húsnæði
Sálarrannsóknarfélagsins við Víkur-
braut í Keflavík. Þá var voða rólegt
þar og lítil starfsemi. Ég fékk her-
bergi á leigu. Svo vatt þetta upp á sig
þegar ég fór að taka þátt í félaginu
sem var á þessum tíma alveg að logn-
ast út af. Seinna var ég spurð hvort
ég vildi taka við félaginu. Þá hóaði ég
saman fólki sem vildi vinna með mér
að því að efla félagið. Félagsfundur
var haldinn og ný stjórn mynduð. Í
fyrra fagnaði Sálarrannsóknarfélag
Suðurnesja 50 ára afmæli, nú er
kraftur í fólki og heilmikið í gangi
hjá okkur. Félagið býður upp á einka-
tíma í miðlun og heilun eins og áður,
skyggnilýsingar, miðilsþjálfun ásamt
því að vera með uppbyggjandi sjálf-
styrkingarnámskeið, sjálfsdáleiðsl-
unámskeið, hugleiðslu, bænahringi
þar sem beðið er fyrir fólki og fleira.
Félagið er opið öllum sem vilja efla
sig á andlega sviðinu eða eru næmir
og vantar aðstoð. Okkur langar að
gera miklu meira og erum opin fyrir
góðum hugmyndum frá fólki sem
hefur samband. Í dag eru félagsmenn
283 talsins á öllum aldri. Við viljum
fjölga félagsmönnum og gera félag-
ið öflugt með enn fjölbreyttari starf-
semi,“ segir Dagbjört að lokum.
Störf í boði
hjá Reykjanesbæ
Njarðvíkurskóli – Starfsfólk skóla
Tjarnarsel – Leikskólakennarar
Holt – Deildarstjóri
Heiðarsel – Deildarstjóri og leikskólakennari
Umsóknir í auglýst störf skulu berast rafrænt gegnum
vef Reykjanesbæjar, Stjórnsýsla: Laus störf. Þar eru
jafnframt nánari upplýsingar um auglýst störf.
Hægt er að leggja inn almenna umsókn
á sama stað. Þeim er komið til stofnana
sem eru í leit að starfsfólki. Almennar
umsóknir fyrnast að sex mánuðum liðnum.
Viðburðir
í Reykjanesbæ
Hljómahöllin
Fimmtudaginn 6. maí kl. 20:00 kemur hljómsveitin
Mammút fram í beinni útsendingu í gegnum streymi
á Facebook-síðu Hljómahallar, RÚV2, Rás 2 og ruv.is
og Facebook-síðu Víkurfrétta:
Listasafn
Sunnudaginn 10. maí kl. 15:00 mun Valur
Antonsson sjá um listamannaspjall hjá Listasafniu
Reykjanesbæjar. Viðburðurinn verður í beinni
útsendingu á Facebook-síðu safnsins.
Öll söfn Reykjanesbæjar verða opin með
hefðbundnum hætti út vikuna. Skoðið fleiri
spennandi viðburði á heimasíðu Reyjanesbæjar.
Fimmtudagur 7. maí 2020 // 19. tbl. // 41. árg.
VíKuRFRÉttiR á SuÐuRNESJum í 40 áR // 61