Víkurfréttir - 13.05.2020, Qupperneq 7

Samkaup hleypa seinni hluta 150 milljóna króna aðgerðapakka til starfsmanna sinna af stað í lok
mánaðarins. Fyrirtækið hefur ekki nýtt sér hlutabótaleið ríkisstjórnarinnar, jafnvel þótt það hafi þurft
að loka einni verslun og 70% samdráttur hafi orðið í einhverjum verslunum.
„Við höfum þurft að loka einni verslun og það
hefur verið allt að 70% samdráttur í einhverjum
verslana okkar þar sem erlendir ferðamenn voru
stór hluti viðskiptavina. Þrátt fyrir það höfum við
ekki nýtt okkur hlutabótaleið ríkisstjórnarinnar
heldur fært fólk til í starfi eins og mögulegt er,“
segir Gunnar Egill Sigurðsson, framkvæmdastjóri
verslunarsviðs Samkaupa. „Starfsfólkið okkar er
mikilvægasti hluti fyrirtækisins og það hefur verið
mikið álag á því síðustu misseri, sérstaklega þeim
sem hafa verið í framlínunni. Við viljum því þakka
starfsfólkinu fyrir vel unnin störf með aðgerðar-
pakkanum.“
Þegar kórónuveirufaraldurinn skall á samþykkti
stjórn Samkaupa að veita um 150 milljónum króna
í aðgerðarpakka til starfsfólks fyrirtækisins. Yfir-
skrift aðgerðarpakkans er Takk fyrir að standa
vaktina! og nær til allra starfsmanna Samkaupa
sem eru um 1.400 talsins.
Allir starfsmenn fengu auka orlofsdag á launum,
verulega aukinn afslátt af matvöru í verslunum
fyrirtækisins, mánaðar sjónvarpsáskrift, páskaegg
og andlega upplyftingu hjá Heilsuvernd.
Samkaup reka 61 verslun um land allt, meðal
annars Nettó, Kjörbúðina, Krambúðina, Iceland
og Samkaup Strax auk miðlægar miðstöðvar fyrir
netverslun fyrirtækisins. Um 1.400 starfsmenn
starfa hjá fyrirtækinu í um 670 stöðugildum.
Seinna hluti aðgerðapakkans kemur til fram-
kvæmda í lok mánaðarins. Starfsmenn verða þá
hvattir til að ferðast innanlands í sumar og fá
meðal annars gjafabréf fyrir hótelgistingu, bíla-
leigubíl, á veitingastaði, leikrit eða annarri afþrey-
ingu.
„Við viljum halda í okkar lykilfólk eins og kostur
er því þegar hjólin fara að snúast á ný viljum við
áfram sjá okkar frábæra starfsfólk standa vaktina
með okkur,“ segir Gunnar Egill.
„Við viljum halda í okkar lykilfólk“
Samkaup veita 150
milljónum króna til
starfsmanna en nýta sér
ekki hlutabótaleiðina.
KENNSLUMYNDBAND FYRIR NETVERSLUN NETTÓ
Nettó setti nýlega í loftið kennslumyndband fyrir netverslun Nettó. Í myndbandinu er farið ítarlega yfir það hvernig
skuli panta heimsendar dagvörur í gegnum netið. Myndbandið er ætlað þeim sem vilja afla sér betri þekkingar á
virkni og notendaviðmóti netverslunarinnar. Myndbandið er talsett og leiðir áhorfendur í gegnum hvert einasta skref
í kaupferlinu. „Við höfum séð að netverslun Nettó nær nú til breiðari aldurshóps en áður. Fólk sem er komið á efri ár
er áhugasamt og vill nýta sér netverslunina en treystir sér kannski ekki til að ganga frá pöntun í gegnum netið,“ segir
Ingibjörg Ásta Halldórsdóttir, markaðsstjóri Samkaupa. „Við töldum því að það gæti gagnast mörgum að framleiða
kennslumyndband fyrir netverslunina til að auðvelda fólki kaupferlið á netinu. Við vonumst til þess að myndbandið
gagnist flestum og auðveldi þannig viðskiptavinum okkar að fá vörurnar sendar heim að dyrum.“ Heimsending á
dagvöru í gegnum netverslun Nettó er í boði víðs vegar um landið. Viðskiptavinir Nettó geta einnig valið að sækja
vörur sínar í verslununum sjálfum og sparað sér þannig tíma. Samtals eru sautján Nettóverslanir um allt land.
Smelltu á hnappinn
til að sjá myndbandið
VíKurFrÉttir á SuÐurNESJum í 40 ár // 7