Fréttablaðið - 06.06.2020, Side 66

Sandra Guðrún
Guðmundsdóttir
sandragudrun@frettabladid.is
Bærinn Krókur var endur-byggður úr torf bæ á fyrri hluta 20. aldar, en elsti hluti
hans er frá árinu 1923.
„Ég kom sjálf inn í bæinn í fyrsta
sinn í gær, en honum svipar mjög
til húsanna í Árbæjarsafni,“ segir
Ólöf Hulda Breiðfjörð, en hún
hefur nýlega hafið störf sem fyrsti
menningarfulltrúi Garðabæjar.
„Krókur á Garðaholti er lítill
bárujárnsklæddur burstabær,
en búið var í bænum þar til 1985.
Bærinn var svo gefinn Garðabæ og
hann gerður upp, en innanstokks-
munir eru allir komnir frá fyrrum
íbúum Króks. Bærinn sýnir mjög
vel hvernig alþýðufólk bjó á fyrri
hluta 20. aldar. Það sem er einstakt
við Krók er að þú ert bara komin
upp í sveit þegar þú kemur að
bænum.“
Fyrstu árin bjó ekkjan Jóhanna
Jóhannsdóttir í Króki ásamt sex
börnum og móður sinni. Krókur
var stækkaður árið 1934 þegar
Þorbjörg Stefanía Guðjónsdóttir
f lutti þangað með fjölskyldu sína,
fjögur börn og Guðrúnu tengda-
móður sína. Bóndi Þorbjargar,
Vilmundur Gíslason, lá þá á Land-
spítalanum með berkla og var
ekki hugað líf, en sneri aftur í faðm
fjölskyldunnar eftir tveggja ára
sjúkralegu.
Þorbjörg og Vilmundur voru
síðustu ábúendur í Króki. Þau áttu
kýr, hænsni og kindur og ræktuðu
grænmeti í matjurtagarðinum við
Krók. Auk þess unnu þau bæði
úti og á meðan annaðist Guðrún
börnin.
Þegar Þorbjörg lést árið 1985
buðu börn og barnabörn þeirra
Vilmundar Garðabæ að eignast
Sveitasæla við bæjarmörkin
Krókur er burstabær í Garðahverfi í Garðabæ. Þar var búið til 1985 og er bærinn gott dæmi um
húsakost alþýðufólks snemma á 20. öld. Bærinn er opinn almenningi alla sunnudaga í sumar.
Húsmunum er raðað þannig að allt stendur eins og í tíð síðustu ábúenda.
Bærinn er opinn
almenningi á
sunnudögum í
sumar.
húsin ásamt innbúi, gegn því að
Krókur yrði varðveittur. Krókur
var tekinn í gegn árið 1998 og
yngstu dætur hjónanna höfðu
umsjón með hvernig húsmunum
var raðað, þannig að allt stendur
eins og í tíð móður þeirra.
„Öll húsgögn og munir í Króki
voru í eigu síðustu ábúenda og
er ómetanlegt að bæði híbýli og
innbú hafi þannig varðveist sem
heild. Krókur er gott dæmi um
húsakost og lifnaðarhætti alþýðu-
fólks í þessum landshluta á fyrri
hluta 20. aldar,“ segir Ólöf.
„Það er ratleikur í boði sem
hjálpar krökkum að átta sig á
alls konar hlutum sem voru bara
daglegt brauð í gamla daga og svo
er yndislegt að fá sér nesti úti á
túni eða inni í hlöðu og gera bara
sveitadag við bæjarmörkin úr
ferðinni.“
Safnið verður opið á sunnu-
dögum í júní, júlí og ágúst, á milli
klukkan 13 og 17. Einnig er opið
þar á sérstökum tyllidögum svo
sem 17. júní og gert er ráð fyrir að
opið verði á safnanótt. Á morgun
verður húsið opið í fyrsta sinn í
sumar og safnvörðurinn Rúna
Knútsdóttir Tetzchner verður á
staðnum og veitir leiðsögn.
Það er ratleikur í
boði sem hjálpar
krökkum að átta sig á
alls konar hlutum sem
voru bara daglegt brauð
í gamla daga.
Ólöf Hulda Breiðfjörð
Óskum sjómönnum
og fjölskyldum þeirra
til hamingju með daginn
6 KYNNINGARBLAÐ FÓLK 6 . J Ú N Í 2 0 2 0 L AU G A R DAG U R