Dagblaðið Vísir - DV - 08.05.2020, Page 27

Þóra er ævintýragjörn í eðli sínu enda hefur hún breytt hreysi í höll,
rekið veitingastað í tjaldi og
búið á Bahamaeyjum, svo
fátt eitt sé nefnt. Aðspurð um
hvað hún myndi aldrei borða
svarar hún: „heiladingul, augu
og eistu… og bara innmat al-
mennt. Annars er ég fremur
opin fyrir flestu. Nema skor-
dýrum. Þó ég hafi meira að
segja borðað beltisdýr.“
Matarblæti Þóru eru einfalt,
sykrað og heiðarlegt. „Köku-
deig og -krem. Svo virðist
sem bakaraofnar séu algjört
aukaatriði í mínu lífi. Ég
lagaði meira að segja marengs
um daginn og át deigið – segir
maður deig? Það var sóttkví
og ég átti engin sætindi. Smá-
kökudeig er líka stórkostlegt.
Ég veit ekki hvort þetta er
vandamál en þetta þykir stór-
furðulegt á sumum bæjum.
Mér finnst þetta eðlilegt og ég
geri alltaf aukadeig fyrir mig.
Svona smá alla vega.“
Er satt að þú stefnir á að
keppa í fitness?
„Það var planið. Mig grunar
samt að matarást mín hafi
töluvert hamlandi áhrif á
frammistöðu mína en það
er gott að hafa plan í lífinu
og stórar áskoranir. Þegar
ég ákvað að byrja loksins að
stunda líkamsrækt af alvöru
var eins gott að setja mark-
miðið hátt þannig að fitness
varð fyrir valinu, enda veit ég
fátt fallegra en vel mótaðan
og vöðvamikinn líkama. Ég
væri alveg til í að keppa – þó
það væri bara öldungamót í
litlu héraði í Wales. Skiptir
ekki öllu en myndin af mér í
bikiníinu með brúnkukremið
færi innrömmuð upp á vegg.“
En getur Þóra lagt smjör-
kreminu og tekið upp græn-
kálið?
„Ég hef reynt en hef tak-
markaðan sjálfsaga í mat-
aræði. Ég er samt búin að taka
töflufundinn með einkakokk-
inum og það er búið að setja
saman matseðil samkvæmt
fyrirmælum einkaþjálfarans.
Þannig að þegar sá gállinn er á
mér þá gæti ég tekið mataræð-
ið alla leið og það yrði algjör
veisla.“
Þú stýrir stærsta matarvef
landsins en hefur sagt að
þú sért enginn spes kokkur.
Hvernig gengur það?
„Það gengur bara stórkost-
lega enda elska ég mat og að
borða hann. Segja frá honum
og öllu sem honum tengist.
Ég hef átt og rekið veitinga-
staði og flestir af bestu vinum
mínum eru kokkar. Svo bý ég
svo vel að þurfa aldrei að elda
heima hjá mér. Ég geri hins
vegar frábærar pítsur og yfir-
liðsvaldandi bearnaisesósu.
Ég masteraði þetta tvennt og
hef haldið mig við það. Það má
því segja að ég sé með mjög
mikla sérhæfingu í matar-
gerð. Nánast eins og skurð-
læknir sem sérhæfir sig í að-
gerðum á ökkla.“ n
Brúnkukrem og smjörkrem
Matseðill
Þóru
Morgunmatur
Ég bý við þann mikla munað að
vera gift matreiðslumanni sem
elskar að elda. Ég er því vakin
með ferskum grænmetissafa
sem ég drekk meðan verið er
að laga kaffið. Við erum að tala
um pressukönnukaffi með 36%
rjóma sem búið er að hrista
nokkuð duglega. Bollinn hitaður
upp – allt útpælt. Með þessu
borða ég ristaða súrdeigsbrauð-
sneið sem er löðrandi í smjöri og
umami-salti.
Hádegi
Salat eða súpa. Eitthvað létt.
Kvöldmatur
Kvöldmat borðum við fjölskyldan
alltaf saman og þar erum við í
fremur einföldum fjölskyldumat
sem allir í fjölskyldunni geta
borðað. Pítur eru í miklu uppá-
haldi þessa dagana en að öðru
leyti erum við fremur hefðbundin
þegar kemur að þessu.
Ég held að þessi uppskrif t
komi upphaflega frá vini mínum
Sigurði Gíslasyni sem vill svo
skemmtilega til að er kokkur.
Hér erum við með kolagrillað
lamb sem er í miklu uppáhaldi
hjá mér og þetta indverska tvist
er skemmtilegt.
Kolagrillað lambainnralæri með indversku kryddi og fylltu naanbrauði
800 g lambainnralæri
3 smásaxaðir laukar
3 smásaxaðir hvítlauksgeirar
½ smásaxaður rauður chili
2 msk. smásaxað ferskt engifer
100 ml kókosolía
1 tsk. masalakrydd
1 tsk. malað broddkúmen (cumin)
½ tsk. cayennepipar
2 tsk. salt
1 tsk. svartur pipar
Svitaðu lauk, hvítlauk, engifer og
chili í kókosolíu á pönnu í 5 mín.
Bættu öllu kryddinu út í, eldaðu í 2
mín. og kældu.
Skerðu u.þ.b. 1 cm rifur á 10 stöðum
í innralærisvöðvanum, nuddaðu
kryddblöndunni duglega í sárin og
láttu liggja í 30-60 mín.
Grillaðu lambið í u.þ.b. 20 mín. í
heildina. Snúðu á um 2-3 mínútna
fresti og gættu þess að hafa ekki of
mikinn hita. Eftir grillun er mikilvægt
að láta kjötið hvíla í 5 mínútur áður
en það er skorið.
Naanbrauð, fyllt með þurrkuðum
ávöxtum og hnetum
3 bollar hveiti
1 bolli volgt vatn
2 tsk. ger
1 tsk. sykur
1 tsk. salt
1 bolli hreint jógúrt eða sýrður
rjómi
Blandaðu vatni, geri, salti og sykri
saman. Settu því næst jógúrt út í og
hrærðu saman. Að síðustu er hveit-
inu blandað saman við og deigið
hnoðað. Skiptu deiginu í 4 parta,
hnoðaðu kúlur og láttu hefast í hálf-
tíma. Flettu deigið þunnt út.
Fylling
150 g smásaxaðir þurrkaðir ávextir
30 g kókosflögur
50 g saxaðar pistasíuhnetur
50 g kasjúhnetur
Kókosolía
Flettu naandeigið út, settu fyllinguna
ofan á og brjóttu deigið yfir. Rúllaðu
aðeins yfir með kökukefli. Verði
ykkur að góðu!
Þóra Sigurðar-
dóttir, ritstjóri
Matarvefs
Mbl. is og gleði-
bomba, gerir
allt með stæl.
Hvort sem það
er lambalæri
eða fagurmót-
aður líkami.
Þóra ætlar að keppa í fitness áður en hún deyr, þá mun smjörkremið víkja fyrir brúnkukremi. MYND/AÐSEND
. MYND/AÐSEND
Þorbjörg
Marínósdóttir
tobba@dv.is
MATUR 27DV 8. MAÍ 2020