Íþróttablaðið - 01.09.1975, Blaðsíða 9

ff
issí ekki
fyrr en ég
var kominn
með annan
fótinn í
atvinnu-
mennskuna
é
Ásgeir Sigurvinsson var ekki nema lið-
lega 17 vetra gamall er hann gerðist at-
vinnuknattspyrnumaður með belgíska
félaginu Standard Liege. Það félag hefur
af ýmsum glæstum sigrum að státa og
rneðal leikmanna liðsins fyrr og síðar hafa
leikið margir af snjöllustu leikmönnum
Evrópu. Má í þeim hópi t.d. nefna mark-
vörð félagsins, Piot, sem m.a. hefur verið
valinn til að leika með heimsliði í knatt-
spyrnu.
Ásgeir hefur spjarað sig ótrúlega vel hjá
Standard Liege og er hann hóf að leika
með Standard Liege aðeins 18 ára gamall
var hann yngsti atvinnuknattspyrnumað-
urinn í belgísku 1. deildinni. Ásgeir hefur
bætt við sig kunnáttu og getu í knattspyrn-
unni með hverjum leik og að sögn knatt-
spyrnusérfræði/iga í Belgíu er Ásgeir á
góðri leið með að verða einn af sterkustu
leikmönnunum í Belgíu. Eitt blaðið lét
meira að segja svo um mælt í sumar að
Ásgeir væri þegar orðinn einn af fimm
beztu leikmönnum í Belgíu og innan
tveggja ára yrði hann kominn í alfremstu
röð í Evrópu.
Ásgeir er þó ekki þannig skapi farinn að
hann ofmetnist af þeirri frægð, sem hann
hefur áunnið sér í belgískri knattspyrnu.
— Mér er nokk sama þó að fólk snúi sér
við og bendi á mig á götum úti og hvíslist
á um að þarna sé ,,Sigur“ á ferð, sagði
Ásgeir Sigurvinsson í viðtali við íþrótta-
blaðið nýlega, en undir nafninu „Sigur“
gengur Ásgeir meðal Belga.
Ásgeir hefur gert samning við Standard
Liege frant til sumarsins 1978, en það
sumar verður hann 23ja ára gamall. Hann
býst við að endurnýja þá atvinnumanna-
samning sinn aftur og halda áfram í
knattspyrnunni í nokkur ár ef vel gengur.
Aðspurður um peningahliðina á atvinnu-
mennskunni, sagði Ásgeir, að hann kærði
sig ekki um að peningamál sín væru gerð
að almenningseign. Það væri þó ljóst að
hjá stóru félögunum væri um talsvert
mikla peninga að ræða og atvinnuknatt-
spyrnumaðurinn hefði það mjög gott ef
vel gengi. Standard Liege er stöndugt
félag, sem hefur yfir mjög fullkominni
æfinga- og keppnisaðstöðu að ráða.
Áhorfendur að leikjum liðsins eru oftast
öðrum hvorum megin við 20 þúsund.
Þegar mest er þá eru um 35 þúsund manns
í áhorfendastæðunum, en fjöldi áhorfenda
fer sjaldnast niður fyrir 10 þúsund. Þess
má geta að áhorfendur að leik Belgíu og
íslands, sem fram fór á velli Standard
Liege, voru um 14 þúsund.
— Það er vitað mál að atvinnuknatt-
spyrnumenn, sem hafa skapað sér nafn
með frammistöðu sinni, geta gert auknar
kröfur, sagði Ásgeir Sigurvinsson er
íþróttablaðið ræddi við hann. Þannig
veita toppmennirnir ekki viðtöl við fjöl-
miðla, nema þeir fái ákveðna þóknun fyrir
vikið. Sjálfur hef ég gert lítið af þessu, en
þó hef ég haft nokkum pening fyrir viðtöl
við stór vikublöð og þess háttar. Um
auglýsingatekjur er ekki mikið að ræða
hjá okkur leikmönnum Standard Liege.
Félagið hefur sjálft samning við nokkur
fyrirtæki, eins og t.d. Adidas, og ákvæði
eru um það í samningi leikmanna félags-
ins, að þeir auglýsi ekki á eigin spýtur,
nema þeir hafi samráð við félagið fyrst.
Ásgeir er fæddur og uppalinn í Vest-
mannaeyjum og lék þar í gegnum alla
flokka með Tý. Oftast lék hann þó með
tveimur flokkum, þannig að þegar hann
lék með 3. flokki var hann einnig fastur
maður í liði 2. flokks ÍBV. Eftir að hann
lék með unglingalandsliðinu á Ítalíu sum-
arið 1972 sýndu forystumenn Standard
Liege áhuga á að fá þennan unga leik-
mann í sínar raðir og 1 samráði við Albert
Guðmundsson, þáverandi formann KSÍ,
gerði Ásgeir samning við félagið.
— Ég hafði í rauninni ekki hugsað
alvarlega um það að fara út í atvinnu-
mennsku fyrr en ég var kominn með
annan fótinn í hana, sagði Ásgeir. — Ég
var búinn með 5. bekk í framhaldsdeild og
ætlaði mér að ljúka menntaskólanámi.
Hvað þá hefði tekið við er ekki gott að
segja. Sennilega hefði ég þó farið út í að
læra að verða íþróttakennari, eða þá að ég
hefði farið að læra eitthvað í háskólanum.
Sannast sagna hafði ég ekki hugsað svo
mikið um framtíðina, þegar þetta kom
upp á og ég var fluttur til Belgíu áður en
ég vissi af.
— Hvað tekur við þegar ég hætti í
fótboltanum? Nei, það hef ég ekki hug-
mynd um, ég er nú ekki enn farinn að
hugsa um það, enda þykist ég enn eiga
nokkur ár eftir í þessu, sagði Ásgeir. — Þó
er ekki ólíklegt að maður fari út í knatt-
spymuþjálfun, hvort sem það verður
heima eða hér úti í Belgíu.
9