Morgunblaðið - 30.01.2020, Qupperneq 52

MORGUNBLAÐIÐ FIMMTUDAGUR 30. JANÚAR 2020
Húðfegrun ehf | Vegmúli 2 | Sími 533 1320 | www.hudfegrun.is
Tímapantanir í síma 533 1320
Við tökumvel ámóti ykkur í Vegmúla2
Augnlyfting
Einstökmeðferð til að lyfta
slappri húð á augnsvæði
• Dregur úr hrukkumog línum
• Hjálpar húðinni að endurnýja sig
• Örvar kollagenframleiðslu húðar
Kíktu á hudfegrun.is fyrir nánari upplýsingar
Lilja Ósk Sigurðardóttir
snyrtipenninn@gmail.com
Þegar prófessorinn Roger Corder
vildi meina að heilsuhreysti Frakka
mætti að einhverju leyti rekja til
rauðvínsins sem þeir drukku með
máltíðum sínum var farið að skoða
hvaða efni mætti finna í blóðrauðum
vökvanum. Tilvist andoxunarefn-
isins resveratróls í rauðvíni var
ástæða þess að það kynni að hafa já-
kvæð áhrif á heilsu okkar en þetta
varð til þess að það var farið að
rannsaka það nánar. Síðar kom í ljós
að resveratról er einungis í snefil-
magni í rauðvíni og gefur okkur því
ekki afsökun til að auka víndrykkj-
una. Hins vegar má finna resveratr-
ól í öllu heilbrigðari kostum á borð
við ýmis ber, hnetur og hreint
súkkulaði. Á síðustu árum hafa
rannsóknir gefið í skyn að resver-
atról kunni að lækka blóðfitu ásamt
því að hafa bólgueyðandi og andox-
andi áhrif sem geti minnkað líkur á
hjarta- og æðasjúkdómum. Sömu-
leiðis er verið að rannsaka áhrif
resveratróls gegn sykursýki og alz-
heimersjúkdómnum. Nú hefur þó
umræðan aukist um getu resveratr-
óls til að hægja á öldrun húðarinnar
Hægir á öldrun á þrennan hátt
„Ég myndi segja að resveratrólið
sé mjög lofandi en það vantar fleiri
rannsóknir til að sýna fram á virkni
þess með óyggjandi hætti. Þær
rannsóknir sem birtar hafa verið
sýna fram á aukinn raka, þéttleika
og ljóma í húðinni ásamt því að fínar
línur og hrukkur mildast þegar
resveratról er borið á hana,“ segir
Jenna Huld Eysteinsdóttir, húð-
læknir á Húðlæknastöðinni. Hún
bendir á að fjöldinn allur sé til af
góðum grunnrannsóknum á virkni
resveratróls og í stuttu máli hafi þær
sýnt fram á að resveratról hægi á
öldrun húðarinnar á þrennan hátt.
„Í fyrsta lagi örvar það virkni sirtu-
ins sem eru prótín eða ensím sem
líkaminn myndar til að verja erfða-
efni frumnanna fyrir aldurstengdum
skemmdum. Virkni þessara prótína
og framleiðsla hægist með aldrinum
en resveratról örvar einmitt þessi
prótín og eflir þannig viðgerðarferli
húðarinnar ásamt því að verja húð-
frumurnar gegn ytri umhverfis-
þáttum eins og sólargeislum. Í öðru
lagi kemur resveratrólið inn á annan
feril í frumum líkamans þar sem það
ver mjög mikilvæg byggingarprótín
húðarinnar, kollagen og elastín,
gegn niðurbroti. Í þriðja lagi er
resveratról kröftugt andoxunarefni
og ver húðina gegn sindurefnum
sem eru mjög skaðleg húðinni og
geta valdið ótímabærri öldrun. Sind-
urefni eru mjög hvarfgjörn efna-
sambönd sem myndast af völdum
ýmissa innri og ytri þátta, eins og
bólgu, sólargeisla, reykinga og
streitu,“ segir Jenna Huld.
Örvar viðgerðarferli húð-
arinnar yfir nóttina
Þegar kemur að öflugustu inni-
haldsefnunum í húðvörum, til að
draga úr ásýnd öldrunarmerkja á
húðinni, segir Jenna Huld að mark-
tækustu rannsóknirnar séu á bak við
retinól, C-vítamín og ávaxtasýrur.
„Ég myndi því alltaf mæla fyrst með
þeim efnum. Resveratrólið er nýrra
og ekki með jafn mikið af klínískum
rannsóknum á bak við sig. Ef þig
langar að bæta enn meiri virkni við
húðumhirðu þína og örva náttúru-
legt viðgerðarferli húðarinnar yfir
nóttina þá er resveratrólið mjög
vænlegur kostur,“ leggur Jenna
Huld til. Húðvörur sem innihalda
resveratról njóta sífellt aukinna vin-
sælda og er yfirleitt um krem að
ræða sem hugsað er sem nætur-
meðferðir. Má þar helst nefna Skin-
Ceuticals Resveratrol B E en þetta
næturserum er það fyrsta sinnar
tegundar og inniheldur hámarks-
styrkleika af resveratróli eða 1%.
Formúlan inniheldur einnig tvö önn-
ur andoxunarefni, sem styðja við
virkni resveratróls, en það eru E-
vítamín og baicalin. Þessi öfluga
andoxunarblanda eykur bæði ljóma
húðarinnar og þéttleika. Þess má
geta að blaðamaður hefur sjálfur
verið að nota þessa húðvöru á kvöld-
in og sá mun á húðinni morguninn
eftir fyrstu notkun. Húðin virtist
mun mýkri og jafnara yfirbragð á
henni.
Hefur einnig hentað við-
kvæmum húðgerðum
Jenna Huld segist sjálf nota Skin-
Ceuticals Resveratrol B E-nætur-
meðferðina og er mjög sátt við ár-
angurinn. „Mér finnst húðin mýkri,
þéttari og áferðarfallegri. Ástæðan
fyrir því að ég byrjaði að nota
resveratról var sú að ég vildi bæta
við virkni í mína daglegu húðrútínu.
Húðin á mér þolir ekki virkustu
kremin sem innihalda retinóíða eða
ávaxtasýrur þar sem ég er með rós-
roða. Resveratrólið hefur því hentað
vel minni viðkvæmu húð.“ Þegar
Jenna Huld er spurð hvort allar húð-
gerðir geti notað resveratról segist
hún eingöngu geta talað fyrir þá
resveratról-húðvöru sem hún þekki
en það sé SkinCeuticals Resveratrol
B E og hún hafi þolað það mjög vel
og það henti öllum húðgerðum.
Nýja stjarnan
í húðumhirðu?
Mikið er rætt um eiginleika andoxunarefnisins
resveratróls til að hægja á öldrun húðarinnar og
hafa húðvörur sem búa yfir efninu notið
gífurlegra vinsælda undanfarið. Jenna Huld
Eysteinsdóttir, húðlæknir á Húðlæknastöðinni,
segir resveratról vænlegan kost til að örva
náttúrulegt viðgerðarferli húðarinnar.
Virkar vel
SkinCeuti-
cals Resver-
atrol B E
hefur notið
gríðarlegra
vinsælda
upp á
síðkastið.
Sérfræðingurinn
Jenna Huld Eysteins-
dóttir, húðlæknir á
Húðlæknastöðinni.
Ljósmynd/Colorbox
Æskuljóminn eftirsótti
Margir sækjast eftir því að
reyna að líta sem best út!